ਹਿਮਾਚਲ ਪ੍ਰਦੇਸ਼: ਹਿਮਾਚਲ ਪ੍ਰਦੇਸ਼ ‘ਚ ਦਸਵੀਂ ਅਤੇ ਬਾਰ੍ਹਵੀਂ ਜਮਾਤ ਦੇ ਨਤੀਜਿਆਂ ਦਾ ਐਲਾਨ ਹੋ ਗਿਆ ਹੈ। ਜਿਸ ‘ਚ ਕੁੜੀਆਂ ਨੇ ਮੁੰਡਿਆਂ ਤੋਂ ਬਾਜ਼ੀ ਮਾਰੀ ਹੈ। ਦਸਵੀਂ ਜਮਾਤ ਦਾ ਹਿਮਾਚਲ ਪ੍ਰਦੇਸ਼ ਦਾ ਨਤੀਜਾ 96.56% ਅਤੇ 12ਵੀਂ ਜਮਾਤ ਦਾ 93.54% ਰਿਹਾ ਹੈ। ਪੰਚਕੂਲਾ ਜ਼ੋਨ ਦੀਆਂ ਦੋਵੇਂ ਜਮਾਤਾਂ ਵਿੱਚ ਹਰਿਆਣਾ ਨਾਲੋਂ ਹਿਮਾਚਲ ਪ੍ਰਦੇਸ਼ ਦੇ ਵਿਦਿਆਰਥੀ ਟਾਪ ‘ਤੇ ਰਹੇ ਹਨ। ਬਾਰ੍ਹਵੀਂ ਜਮਾਤ ਵਿੱਚ ਪੰਚਕੂਲਾ ਜ਼ੋਨ ਦੀ ਪਾਸ ਪ੍ਰਤੀਸ਼ਤਤਾ 86.97 ਰਹੀ। ਇਸ ਵਿੱਚ ਹਿਮਾਚਲ ਪ੍ਰਦੇਸ਼ ਦਾ ਨਤੀਜਾ 93.54, ਜਦੋਂਕਿ ਹਰਿਆਣਾ ਦਾ ਨਤੀਜਾ 86.48% ਰਿਹਾ ਹੈ।
ਹਿਮਾਚਲ ਵਿੱਚ 5,601 ਵਿੱਚੋਂ 5,132 ਮੁੰਡੇ ਪਾਸ ਹੋਏ, ਜਦੋਂ ਕਿ 4,912 ਵਿੱਚੋਂ 4,702 ਕੁੜੀਆਂ ਪਾਸ ਹੋਈਆਂ ਹਨ। ਹਰਿਆਣਾ ਵਿੱਚ 82.85% ਮੁੰਡੇ ਪਾਸ ਹੋਏ, ਜਦੋਂ ਕਿ 91.64% ਕੁੜੀਆਂ ਪਾਸ ਹੋਈਆਂ ਹਨ। ਦਸਵੀਂ ਜਮਾਤ ਦੇ ਨਤੀਜਿਆਂ ਵਿੱਚ ਪੰਚਕੂਲਾ ਜ਼ੋਨ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ 92.34 ਰਹੀ। ਜ਼ੋਨ ਪ੍ਰੀਖਿਆ ਲਈ ਕੁੱਲ 1,75,364 ਵਿਦਿਆਰਥੀਆਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ। 1,74,323 ਨੇ ਪ੍ਰੀਖਿਆ ਦਿੱਤੀ। ਡੀਏਵੀ ਸਕੂਲ ਨਿਊ ਸ਼ਿਮਲਾ ਦੀ ਅਨੰਨਿਆ ਚੌਧਰੀ ਨੇ 10ਵੀਂ ਜਮਾਤ ਵਿੱਚੋਂ 98.60 ਫ਼ੀਸਦੀ ਅੰਕ ਹਾਸਿਲ ਕੀਤੇ ਹਨ ਅਤੇ ਪਾਈਨਗ੍ਰੋਵ ਸਕੂਲ ਸੋਲਨ ਦੀ ਇਰਤਿਕਾ ਪਰਵੇਜ਼ ਨੇ 12ਵੀਂ ਜਮਾਤ ਦੀ ਆਰਟਸ ਸਟਰੀਮ ਵਿੱਚ 98.02 ਫ਼ੀਸਦੀ ਅੰਕ ਪ੍ਰਾਪਤ ਕੀਤੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
