ਨੋਇਡਾ: ਯੂਪੀ ਦੇ ਨੋਇਡਾ ਦੇ ਸੈਕਟਰ-121 ਵਿੱਚ ਸਥਿਤ ਅਜਨਾਰਾ ਹੋਮਜ਼ ਹਾਊਸਿੰਗ ਸੁਸਾਇਟੀ ਵਿੱਚ ਸ਼ਰਾਬੀ ਕੁੜੀਆਂ ਨੇ ਸੁਰੱਖਿਆ ਗਾਰਡ ਦੀ ਕੁੱਟਮਾਰ ਕੀਤੀ। ਤਾਜ਼ਾ ਮਾਮਲਾ ਥਾਣਾ ਫੇਜ਼-3 ਅਧੀਨ ਪੈਂਦੇ ਅਜਨਾਰਾ ਹੋਮਜ਼ ਹਾਊਸਿੰਗ ਸੁਸਾਇਟੀ ਦਾ ਹੈ। ਇੱਥੇ ਨਸ਼ੇ ‘ਚ ਧੁੱਤ ਕੁੜੀਆਂ ਗਾਰਡਾਂ ਦੀ ਕੁੱਟਮਾਰ ਕਰਦੀਆਂ ਨਜ਼ਰ ਆਈਆਂ। ਇਸ ਪੂਰੇ ਮਾਮਲੇ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਰਾਤ ਕਰੀਬ ਤਿੰਨ ਵਜੇ ਇਹ ਲੜਕੀਆਂ ਸੁਸਾਇਟੀ ਵਿੱਚ ਦਾਖਲ ਹੋ ਰਹੀਆਂ ਸਨ। ਗਾਰਡ ਨੇ ਉਨ੍ਹਾਂ ਨੂੰ ਅੰਦਰ ਜਾਣ ਤੋਂ ਰੋਕ ਦਿੱਤਾ ਕਿਉਂਕਿ ਉਨ੍ਹਾਂ ਦੀ ਕਾਰ ‘ਤੇ ਸੁਸਾਇਟੀ ਦਾ ਸਟਿੱਕਰ ਨਹੀਂ ਸੀ। ਇਸ ਤੋਂ ਬਾਅਦ ਗਾਰਡ ਨਾਲ ਬਹਿਸ ਸ਼ੁਰੂ ਹੋ ਗਈ ਤਾਂ ਸਥਾਨਕ ਲੋਕ ਵੀ ਮੌਕੇ ‘ਤੇ ਪਹੁੰਚ ਗਏ।
ਕੁਝ ਸਮੇਂ ਬਾਅਦ ਲੜਕੀਆਂ ਨੇ ਗਾਰਡ ਨੂੰ ਗਾਲ੍ਹਾਂ ਕੱਢਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਹਾਲਤ ਅਜਿਹੀ ਹੋ ਗਈ ਕਿ ਗਾਰਡ ਨੂੰ ਗਾਲ੍ਹਾਂ ਦੇਣ ਦੇ ਨਾਲ-ਨਾਲ ਉਸ ਦਾ ਕਾਲਰ ਫੜ ਕੇ ਘਸੀਟਿਆ ਗਿਆ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ ਹੈ ਅਤੇ ਪੁਲਿਸ ਵੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.