ਟੋਰਾਂਟੋ: ਕੈਨੇਡਾ-ਅਮਰੀਕਾ ਦੀ ਸਰਹੱਦ ‘ਤੇ ਭਾਰਤੀ ਪਰਿਵਾਰ ਸਣੇ 8 ਜਣਿਆਂ ਦੀ ਮੌਤ ਕਾਰਨ ਪਰਵਾਸੀਆਂ ‘ਚ ਰੋਸ ਪਾਇੲ ਜੲ ਰਿਹਾ ਹੈ। ਪਰਵਾਸੀਆਂ ਨੇ ਲੋਕ ਸੁਰੱਖਿਆ ਮੰਤਰੀ ਮਾਰਕੋ ਮੈਂਡੀਚੀਨੋ ਦੇ ਟੋਰਾਂਟੋ ਸਥਿਤ ਦਫ਼ਤਰ ਅੱਗੇ ਰੋਸ ਵਿਖਾਵਾ ਕਰਦਿਆਂ ਅਮਰੀਕਾ ਨਾਲ ਸੰਧੀ ਤੁਰੰਤ ਰੱਦ ਕਰਨ ਦੀ ਆਵਾਜ਼ ਚੁੱਕੀ।
ਮੁਜ਼ਾਹਰਾਕਾਰੀਆਂ ਨੇ ਦਾਅਵਾ ਕੀਤਾ ਕਿ ਸੇਫ ਥਰਡ ਕੰਟਰੀ ਅਗਰੀਮੈਂਟ ‘ਚ ਸੋਧ ਤੋਂ ਦੋ ਹਫ਼ਤੇ ਬਾਅਦ ਸੇਂਟ ਲਾਰੈਂਸ ਨਦੀ ‘ਚ ਤਰਾਸਦੀ ਸਾਹਮਣੇ ਆਈ। ਮੁਜ਼ਾਹਰਾ ਕਰਨ ਵਾਲੀ ਜਥੇਬੰਦੀ ਮਾਇਟ ਵਰਕਰਜ਼ ਅਲਾਇੰਸ ਦੇ ਕਾਰਜਕਾਰੀ ਡਾਇਰੈਕਟਰ ਸਈਅਦ ਹਸਨ ਨੇ ਕਿਹਾ ਕਿ ਸੇਫ ਥਰਡ ਕੰਟਰੀ ਸੰਧੀ ਨੂੰ ਤੁਰੰਤ ਰੱਦ ਕਰਨ ਦੀ ਮੰਗ ਕਰਦੀ ਪਟੀਸ਼ਨ ਸ਼ੁਰੂ ਕੀਤੀ ਗਈ ਹੈ, ਜਿਸ ‘ਤੇ ਹਜ਼ਾਰਾਂ ਦਸਤਖ਼ਤ ਹੋ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਕੈਨੇਡਾ ਵਿਚ ਕਿਸੇ ਪਰਵਾਸੀ ਨੂੰ ਪੀ.ਆਰ. ਤੋਂ ਨਾਂਹ ਕਰਨੀ, ਮੌਤ ਦੀ ਸਜ਼ਾ ਸੁਣਾਉਣ ਦੇ ਬਰਾਬਰ ਹੈ।
ਦੱਸ ਦਈਏ ਕਿ ਸੇਫ ਥਰਡ ਕੰਟਰੀ ਸੰਧੀ 2004 ‘ਚ ਲਾਗੂ ਕੀਤੀ ਗਈ ਅਤੇ ਪਿਛਲੇ ਮਹੀਨੇ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਦੀ ਕੈਨੇਡਾ ਫੇਰੀ ਮੌਕੇ ਇਸ ‘ਚ ਸੋਧ ਕਰ ਦਿੱਲਤੀ ਗਈ। ਹੁਣ ਦੋਹਾਂ ਮੁਲਕਾਂ ਨੂੰ ਪਰਵਾਸੀਆਂ ਨੂੰ ਵਾਪਸ ਮੋੜਨ ਦਾ ਅਧਿਕਾਰ ਮਿਲ ਗਿਆ ਹੈ। ਇਸ ਦੇ ਉਲਟ ਦੋਹਾਂ ਮੁਲਕਾਂ ਦੀਆਂ ਸਰਕਾਰਾਂ ਦਾ ਕਹਿਣਾ ਹੈ ਕਿ ਦੁਨੀਆਂ ‘ਚ ਸਭ ਤੋਂ ਲੰਮੀ ਸਰਹੱਦ ਨੂੰ ਸੰਭਾਲਣ ਲਈ ਇਸ ਸੰਧੀ ਤੋਂ ਬਿਹਤਰ ਕੁਝ ਨਹੀਂ ਹੋ ਸਕਦਾ। ਪਿਛਲੇ ਸਾਲ ਕੈਨੇਡਾ ਦੇ ਰਸਤੇ ਅਮਰੀਕਾ ਵਿਚ ਇੱਕ ਲੱਖ ਤੋਂ ਵੱਧ ਪਰਵਾਸੀ ਦਾਖਲ ਹੋਏ ਜਦਕਿ ਅਮਰੀਕਾ ਤੋਂ ਕੈਨੇਡਾ ਵਿਚ ਦਾਖ਼ਲ ਹੋਣ ਵਾਲਿਆਂ ਦੀ ਗਿਣਤੀ 40 ਹਜ਼ਾਰ ਤੋਂ ਉਪਰ ਰਹੀ। ਕੈਨੇਡਾ ਦੀਆਂ ਸਰਹੱਦਾਂ `ਤੇ ਗਸ਼ਤ ਅਤੇ ਪੁਲਿਸਿੰਗ ਦੀ ਜ਼ਿੰਮੇਵਾਰੀ ਲੋਕ ਸੁਰੱਖਿਆ ਮੰਤਰੀ ਕੋਲ ਹੁੰਦੀ ਹੈ ਜਿਸ ਨੂੰ ਵੇਖਦਿਆਂ ਮੁਜ਼ਾਹਰਾਕਾਰੀ ਮਾਰਕੇ ਮੈਡੀਚੀਨੋ ਦੇ ਦਫ਼ਤਰ ਅੱਗੇ ਪੁੱਜ ਗਏ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
