ਹੈਮਿਲਟਨ: ਕੈਨੇਡਾ ‘ਚ ਬੀਤੇ ਦਿਨੀਂ ਮਕਾਨ ਮਾਲਕ ਤੇ ਕਿਰਾਏਦਾਰਾਂ ਵਿਚਾਲੇ ਸ਼ੁਰੂ ਹੋਇਆ ਵਿਵਾਦ ਇਸ ਹੱਦ ਤੱਕ ਵਧ ਗਿਆ ਕਿ ਮਕਾਨ ਮਾਲਕ ਨੇ ਆਪਣੇ ਕਿਰਾਏਦਾਰਾਂ ਦਾ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ। ਹਥਿਆਰਾਂ ਨਾਲ ਲੈਸ ਮਕਾਨ ਮਾਲਕ ਨੇ ਪੁਲਿਸ ਦੀ ਵੀ ਇਕ ਨਹੀਂ ਸੁਣੀ ਅਤੇ ਬਖਤਰਬੰਦ ਗੱਡੀ `ਤੇ ਗੋਲੀਆਂ ਚਲਾ ਦਿਤੀਆਂ ਅਤੇ ਪੁਲਿਸ ਵੱਲੋਂ ਕੀਤੀ ਕਾਰਵਾਈ ਦੌਰਾਨ ਮਾਰਿਆ ਗਿਆ। ਇਹ ਵਾਰਦਾਤ ਓਨਟਾਰੀਓ ਦੇ ਹੈਮਿਲਟਨ ਸ਼ਹਿਰ ‘ਚ ਵਾਪਰੀ।
ਹੈਮਿਲਟਨ ਪੁਲਿਸ ਨੇ ਦੱਸਿਆ ਕਿ ਸ਼ਨਿੱਚਰਵਾਰ ਸ਼ਾਮ ਤਕਰੀਬਨ 6 ਵਜੇ ਸ਼ੁਰੂ ਹੋਇਆ ਘਟਨਾਕਰਮ ਰਾਤ 10 ਵਜੇ ਤੋਂ ਬਾਅਦ ਖ਼ਤਮ ਹੋਇਆ। ਮਰਨ ਵਾਲੇ ਕਿਰਾਏਦਾਰ ਜੋੜੇ ਦੀ ਸ਼ਨਾਖ਼ਤ ਜਨਤਕ ਨਹੀਂ ਕੀਤੀ ਗਈ, ਇਹ ਜੋੜੇ ਦੀ ਹਾਲ ਹੀ ਵਿੱਚ ਮੰਗਣੀ ਹੋਈ ਸੀ ਅਤੇ ਜਲਦ ਹੀ ਵਿਆਹ ਕਰਨਾ ਚਾਹੁੰਦੇ ਸਨ। ਦੋਵੇਂ ਜਣੇ ਮਕਾਨ ਦੀ ਬਸਮੈਂਟ ਵਿੱਚ ਰਹਿੰਦੇ ਸਨ ਅਤੇ ਕਿਰਾਏ ਦੇ ਮਸਲੇ `ਤੇ ਮਕਾਨ ਮਾਲਕ ਨਾਲ ਵਿਵਾਦ ਹੋ ਗਿਆ।
ਇਹ ਵੀ ਪਤਾ ਲੱਗਿਆ ਹੈ ਕਿ ਬੇਸਮੈਂਟ ਦੀ ਹਾਲਤ ਠੀਕ ਨਾਂ ਹੋਣ ਕਾਰਨ ਉਨ੍ਹਾਂ ਵੱਲੋਂ ਮਕਾਨ ਮਾਲਕ ਨੂੰ ਮੁਰੰਮਤ ਵਾਸਤੇ ਆਖਿਆ ਗਿਆ ਪਰ ਮਕਾਨ ਮਾਲਕ ਨੇ ਆਪਣੀ ਮੁੱਛ ਦਾ ਸਵਾਲ ਬਣਾ ਲਿਆ। ਉਧਰ ਸਾਰਾ ਘਟਨਾਕਰਮ ਅਖੀ ਦੇਖਣ ਵਾਲਿਆਂ ਨੇ ਦੱਸਿਆ ਕਿ ਕਿਰਾਏਦਾਰ ਜੋੜਾ ਮਕਾਨ ਛੱਡਣਾ ਚਾਹੁੰਦਾ ਸੀ ਪਰ ਗੁੱਸੇ ਵਿਚ ਆਏ ਮਕਾਨ ਮਾਲਕ ਨੇ ਗੋਲੀਆਂ ਚਲਾ ਦਿੱਤੀਆਂ। ਇਲਾਕੇ ਵਿੱਚ 40 ਸਾਲ ਤੋਂ ਰਹਿ ਰਹੀ ਸੈਂਡਰਾ ਨੇ ਕਿਹਾ ਕਿ ਮਕਾਨ ਮਾਲਕ ਨੇ ਇਹ ਜਾਇਦਾਦ ਉਸ ਦੇ ਗਰੈਂਡ ਪੈਰੇਂਟਸ ਤੋਂ ਖਰੀਦੀ ਸੀ। ਉਹ ਬੇਹੱਦ ਸ਼ਾਂਤ ਕਿਸਮ ਦਾ ਇਨਸਾਨ ਸੀ। ਕਿਰਾਏਦਾਰ ਬੇਸਮੈਂਟ ਵਿੱਚ ਰਹਿੰਦੇ ਸਨ ਅਤੇ ਉਨ੍ਹਾਂ ਨਾਲ ਜਿਆਦਾ ਜਾਣ-ਪਛਾਣ ਨਹੀਂ ਨਾਂ ਹੋ ਸਕੀ। 28 ਸਾਲ ਦਾ ਪੁਰਸ਼ ਇਲੈਕਟ੍ਰੀਸ਼ੀਅਨ ਵਜੋਂ ਕੰਮ ਕਰਦਾ ਸੀ ਜਦਕਿ ਉਸ ਹੋਣ ਵਾਲੀ ਪਤਨੀ ਸਕੂਲ ਵਿੱਚ ਪੜ੍ਹਾਉਂਦੀ ਸੀ। ਇਲਾਕੇ ਵਿਚ ਵਾਪਰੀ ਹੌਲਨਾਕ ਘਟਨਾ ਹਰ ਵਿਅਕਤੀ ਹੈਰਾਨ ਹੈ। ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸ ਕੋਲ ਵਾਰਦਾਤ ਨਾਲ ਸਬੰਧਤ ਵਧੇਰੇ ਜਾਣਕਾਰੀ ਹੋਵੇ ਤਾਂ ਉਹ 905-546-3836 ‘ਤੇ ਸੰਪਰਕ ਕਰਨ। ਗੁਪਤ ਤਰੀਕੇ ਨਾਲ ਜਾਣਕਾਰੀ ਦੇਣ ਲਈ ਕਾਈਮ ਸਟੰਪਰਜ਼ ਨੂੰ 1-800 222-8477 ‘ਤੇ ਕਾਲ ਕੀਤੀ ਜਾ ਸਕਦੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
