ਨਿਊਜ਼ ਡੈਸਕ: ਰਾਵਤਪੁਰ ਥਾਣਾ ਖੇਤਰ ਦੇ ਵਿਕਾਸਨਗਰ ‘ਚ ਪੋਤੇ ਦੇ ਪਾਲਤੂ ਜਰਮਨ ਸ਼ੈਫਰਡ ਕੁੱਤੇ ਨੇ 80 ਸਾਲਾ ਦਾਦੀ ਦੀ ਜਾਨ ਲੈ ਲਈ ਹੈ। ਘਟਨਾ ਦੇ ਸਮੇਂ ਉਹ ਘਰ ਦੇ ਵਿਹੜੇ ‘ਚ ਸੈਰ ਕਰ ਰਹੀ ਸੀ। ਕੁੱਤੇ ਨੇ ਉਸ ਦੇ ਪੇਟ ਅਤੇ ਸਰੀਰ ਦੇ ਹੋਰ ਅੰਗਾਂ ਨੂੰ ਨੋਚ ਖਾਧਾ ਹੈ। ਘਟਨਾ ਦੇ ਸਮੇਂ ਉਨ੍ਹਾਂ ਦਾ ਪੋਤਾ ਅਤੇ ਨੂੰਹ ਆਪਣੇ ਕਮਰੇ ‘ਚ ਆਰਾਮ ਕਰ ਰਹੇ ਸਨ। ਕੌਂਸਲਰ ਵੱਲੋਂ ਸੂਚਨਾ ਮਿਲਣ ’ਤੇ ਨਗਰ ਨਿਗਮ ਦੀ ਟੀਮ ਮੌਕੇ ’ਤੇ ਪੁੱਜੀ ਅਤੇ ਕੁੱਤੇ ਨੂੰ ਆਪਣੇ ਨਾਲ ਲੈ ਗਈ। ਮੌਕੇ ‘ਤੇ ਪੁੱਜੀ ਪੁਲਿਸ ਨੂੰ ਪਰਿਵਾਰ ਵਾਲਿਆਂ ਨੇ ਪੋਸਟਮਾਰਟਮ ਕਰਵਾਉਣ ਤੋਂ ਇਨਕਾਰ ਕਰ ਦਿੱਤਾ।
ਮੋਹਿਨੀ ਤ੍ਰਿਵੇਦੀ (80) ਆਪਣੀ ਨੂੰਹ ਕਿਰਨ ਅਤੇ ਪੋਤੇ ਧੀਰਪ੍ਰਸ਼ਾਂਤ ਤ੍ਰਿਵੇਦੀ ਨਾਲ ਵਿਕਾਸਨਗਰ ਵਿੱਚ ਰਹਿੰਦੀ ਸੀ। ਏਸੀਪੀ ਕਲਿਆਣਪੁਰ ਅਭਿਸ਼ੇਕ ਪਾਂਡੇ ਨੇ ਦੱਸਿਆ ਕਿ ਹਾਲ ਹੀ ਵਿੱਚ ਮੋਹਨੀ ਅਤੇ ਉਨ੍ਹਾਂ ਦੀ ਨੂੰਹ ਕਿਰਨ ਦੀ ਲੱਤ ਟੁੱਟ ਗਈ ਸੀ। ਦੋਵਾਂ ਦੀਆਂ ਲੱਤਾਂ ‘ਤੇ ਪਲਸਤਰ ਲੱਗੇ ਹੋਏ ਸਨ। 14 ਮਾਰਚ ਦੀ ਦੇਰ ਰਾਤ ਮੋਹਿਨੀ ਆਪਣੇ ਘਰ ਦੇ ਵਿਹੜੇ ਵਿੱਚ ਸੈਰ ਕਰਨ ਲਈ ਨਿਕਲੀ ਸੀ। ਉਦੋਂ ਵਿਹੜੇ ‘ਚ ਬੈਠੇ ਪਾਲਤੂ ਜਰਮਨ ਸ਼ੈਫਰਡ ਕੁੱਤੇ ਨੇ ਉਸ ‘ਤੇ ਹਮਲਾ ਕਰ ਦਿੱਤਾ। ਇਸ ਤੋਂ ਪਹਿਲਾਂ ਕਿ ਪਰਿਵਾਰ ਕੁਝ ਸਮਝਦਾ, ਕੁੱਤੇ ਨੇ ਉਨ੍ਹਾਂ ਦੀ ਗਰਦਨ, ਪੇਟ, ਹੱਥ ਅਤੇ ਸਰੀਰ ਦੇ ਹੋਰ ਹਿੱਸਿਆਂ ਨੂੰ ਨੋਚ ਖਾਧਾ।
ਕਰੀਬ ਦੋ ਘੰਟੇ ਬਾਅਦ ਜਦੋਂ ਉਸ ਦਾ ਪੋਤਾ ਜਾਗਿਆ ਤਾਂ ਉਸ ਨੂੰ ਘਟਨਾ ਬਾਰੇ ਪਤਾ ਲੱਗਾ। ਇਸ ਤੋਂ ਬਾਅਦ ਉਸ ਨੇ ਆਪਣੇ ਚਚੇਰੇ ਭਰਾ ਅਤੇ ਖੇਤਰੀ ਕੌਂਸਲਰ ਰਾਜਕਿਸ਼ੋਰ ਯਾਦਵ ਨੂੰ ਸੂਚਨਾ ਦਿੱਤੀ। ਕੌਂਸਲਰ ਨੇ ਨਗਰ ਨਿਗਮ ਦੀ ਟੀਮ ਅਤੇ ਪੁਲਿਸ ਫੋਰਸ ਸਮੇਤ ਮੌਕੇ ’ਤੇ ਪਹੁੰਚ ਕੇ ਹਿੰਸਕ ਕੁੱਤੇ ਨੂੰ ਆਪਣੀ ਹਿਰਾਸਤ ਵਿੱਚ ਲੈ ਲਿਆ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
