ਵਾਸ਼ਿੰਗਟਨ: ਅਮਰੀਕੀ ਸੈਨੇਟ ਨੇ ਪਹਿਲੀ ਮੁਸਲਿਮ ਔਰਤ ਨੁਸਰਤ ਜਹਾਂ ਚੌਧਰੀ ਦੀ ਸੰਘੀ ਜੱਜ ਵਜੋਂ ਨਾਮਜ਼ਦਗੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਉਹ ਅਮਰੀਕਨ ਸਿਵਲ ਲਿਬਰਟੀਜ਼ ਯੂਨੀਅਨ (ACLU) ਲਈ ਸਾਬਕਾ ਅਟਾਰਨੀ ਰਹਿ ਚੁੱਕੀ ਹੈ। ਦੱਸਿਆ ਗਿਆ ਹੈ ਕਿ ਚੌਧਰੀ ਇਹ ਅਹੁਦਾ ਸੰਭਾਲਣ ਵਾਲੀ ਪਹਿਲੀ ਬੰਗਲਾਦੇਸ਼ੀ ਅਮਰੀਕੀ ਵੀ ਹਨ। 46 ਸਾਲ ਦੀ ਚੌਧਰੀ ਨਿਊਯਾਰਕ ਦੇ ਸਾਬਕਾ ਜ਼ਿਲ੍ਹੇ ਲਈ ਯੂਐਫਐਸ ਅਦਾਲਤ ਦੇ ਜੱਜ ਵਜੋਂ ਕੰਮ ਕਰਨਗੇ। ਕਿਹਾ ਜਾਂ ਰਿਹਾ ਹੈ ਕਿ ਸੰਸਦ ਨੇ 50-49 ਦੇ ਸਖਤ ਫੈਸਲੇ ਵਿੱਚ ਇੱਕ ਸੰਘੀ ਜੱਜ ਵਜੋਂ ਉਹਨਾਂ ਦੀ ਨਿਯੁਕਤੀ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਕੰਜ਼ਰਵੇਟਿਵ ਡੈਮੋਕਰੇਟ ਜੋਅ ਮਨਚਿਨ ਨੇ ਉਹਨਾਂ ਖਿਲਾਫ ਵੋਟ ਕੀਤਾ। ਉਨ੍ਹਾਂ ਦਾ ਮੰਨਣਾ ਸੀ ਕਿ ਨੁਸਰਤ ਜਹਾਂ ਚੌਧਰੀ ਦੇ ਪਿਛਲੇ ਕੁਝ ਬਿਆਨ ਪੱਖਪਾਤੀ ਹਨ। ਇਸ ਤੋਂ ਪਹਿਲਾਂ ਵੀ ਮਾਚਿਨ ਦੋ ਹੋਰ ਵਿਅਕਤੀਆਂ ਦੇ ਨਾਮ ਦਾ ਵਿਰੋਧ ਕੀਤਾ ਸੀ। ਇਸ ਵਿੱਚ ਜੋਅ ਬਾਇਡਨ ਵਲੋਂ ਨਾਮਜ਼ਦ ਫੈਡਰਲ ਜੱਜ ਡੇਲ ਹੋ ਅਤੇ ਨੈਨਸੀ ਅਬਦੁ ਦੇ ਨਾਮ ਸ਼ਾਮਲ ਹਨ। ਹਾਲਾਂਕਿ ਸੈਨੇਟ ਨੇ ਉਨ੍ਹਾਂ ਦੇ ਸਮਰਥਨ ਤੋਂ ਬਿਨਾਂ ਉਹਨਾਂ ਦੇ ਨਾਵਾਂ ਦੀ ਪੁਸ਼ਟੀ ਕਰ ਦਿੱਤੀ ਹੈ।
ਨੁਸਰਤ ਜਹਾਂ ਚੌਧਰੀ ACLU ਦੇ ਨਸਲੀ ਜਸਟਿਸ ਪ੍ਰੋਗਰਾਮ ਦੀ ਡਿਪਟੀ ਡਾਇਰੈਕਟਰ ਰਹਿ ਚੁੱਕੀ ਹੈ। ਨਸਲੀ ਪਰੋਫਾਈਲਿੰਗ ਅਤੇ ਗਰੀਬ ਲੋਕਾਂ ਨਾਲ ਵਿਤਕਰੇ ਨਾਲ ਲੜਨ ਦਾ ਰਿਕਾਰਡ ਹੈ। ACLU ਵੈਬਸਾਈਟ ਅਨੁਸਾਰ, ਨੁਸਰਤ ਨੇ ਅਮਰੀਕੀ ਸਰਕਾਰ ਦੀ ਨੋ-ਫਲਾਈ ਲਿਸਟ ਅਭਿਆਸਾਂ ਨੂੰ ਖਤਮ ਕਰਦੇ ਹੋਏ ਪਹਿਲੇ ਸੰਘੀ ਅਦਾਲਤ ਦੇ ਫੈਸਲੇ ਨੂੰ ਸੁਰੱਖਿਅਤ ਕਰਨ ਵਿੱਚ ਸਹਾਇਤਾ ਕੀਤੀ। ਇਸ ਤੋਂ ਇਲਾਵਾ ਚੌਧਰੀ ਨੇ ਨਿਊਯਾਰਕ ਪੁਲਿਸ ਵਿਭਾਗ ਵਲੋਂ ਨਿਗਰਾਨੀ ਲਈ ਮੁਸਲਮਾਨਾਂ ਦੀ ਪੱਖਪਾਤੀ ਪ੍ਰੋਫਾਈਲਿੰਗ ਨੂੰ ਵੀ ਚੁਣੌਤੀ ਦਿੱਤੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
