ਅਹਿਮਦਾਬਾਦ : ਗੁਜਰਾਤ ਹਾਈਕੋਰਟ ਅਤੇ ਅਧੀਨ ਅਦਾਲਤਾਂ ‘ਚ ਚਪੜਾਸੀ ਸਮੇਤ ਵਰਗ-4 ਦੀ ਭਰਤੀ ਲਈ 19 ਡਾਕਟਰਾਂ ਵੱਲੋਂ ਅਰਜ਼ੀਆਂ ਦਿੱਤੀਆਂ ਗਈਆਂ ਸਨ। ਪੇਪਰ ਪਾਸ ਕਰਨ ਤੋਂ ਬਾਅਦ ਇਨ੍ਹਾਂ ਵਿੱਚੋਂ 7 ਡਾਕਟਰਾਂ ਨੇ 30 ਹਜ਼ਾਰ ਤਨਖਾਹ ਵਾਲੀ ਇਹ ਨੌਕਰੀ ਸਵੀਕਾਰ ਕੀਤੀ। ਜਾਣਕਾਰੀ ਮੁਤਾਬਿਕ ਇੱਥੇ 1149 ਪਦਾਂ ਲਈ ਅਰਜ਼ੀਆਂ ਮੰਗੀਆਂ ਗਈਆਂ ਸਨ ਜਦੋਂ ਕਿ ਕੁੱਲ 1 ਲੱਖ 59278 ਅਰਜ਼ੀਆਂ ਪ੍ਰਾਪਤ ਹੋਈਆਂ। ਇਨ੍ਹਾਂ ਵਿੱਚੋਂ 44958 ਅਰਜ਼ੀ ਭੇਜਣ ਵਾਲੇ ਡਿਗਰੀ ਧਾਰਕ ਸਨ।
ਚਪੜਾਸੀ ਦੀ ਨੌਕਰੀ ਲਈ ਰੱਖੇ ਗਏ ਪੇਪਰ ਦੀ ਪ੍ਰਕਿਰਿਆ ਤੋਂ ਬਾਅਦ 7 ਡਾਕਟਰਾਂ, 450 ਇੰਜਨੀਅਰਾਂ, 543 ਗ੍ਰੇਜੂਏਟ ਪਾਸ ਨੌਜਵਾਨਾਂ ਨੇ ਵਰਗ-4 ਦੀ ਨੌਕਰੀ ਸਵੀਕਾਰ ਕੀਤੀ ਹੈ। ਇਨ੍ਹਾਂ ਵਿੱਚ ਚਪੜਾਸੀ ਅਤੇ ਪਾਣੀ ਪਿਆਉਣ ਵਾਲੇ ਸ਼ਾਮਲ ਹਨ।
ਪੇਪਰ ਲਈ ਆਈਆਂ ਅਰਜ਼ੀਆਂ ਅਤੇ ਚੁਣੇ ਗਏ
- Advertisement -
| ਡਿਗਰੀ | ਬਿਨੈਕਾਰ | ਚੁਣੇ ਗਏ |
| ਗ੍ਰੈਜੂਏਟ | 44958 | 543 |
| ਪੋਸਟ ਗ੍ਰੈਜੂਏਟ | 5727 | 119 |
| ਟੇਕ ਗ੍ਰੇਜੂਏਟ | 196 | 156 |
| ਬੀ-ਟੇਕ-ਬੀਈ | 4832 | 450 |
ਹਾਈ ਕੋਰਟ ਵਿੱਚ ਜੱਜ ਬਣਨ ਲਈ ਐਲਐਲਐਮ ਦੀ ਡਿਗਰੀ ਯੋਗ ਹੈ ਅਤੇ ਦੂਜੇ ਸ਼ਬਦਾਂ ਵਿਚ, ਜੱਜ ਬਣਨ ਲਈ ਬਰਾਬਰ ਯੋਗਤਾ ਵਾਲੇ ਡਿਗਰੀ ਧਾਰਕ ਵੀ ਕਲਾਸ -04 ਭਰਤੀ ਪ੍ਰੀਖਿਆ ਵਿਚ ਸ਼ਾਮਲ ਹੋਏ ਹਨ। ਅਜਿਹੇ ਬਿਨੈਕਾਰ ਨਾਲ ਗੱਲ ਕਰਨ ‘ਤੇ, ਉਸਨੇ ਦੱਸਿਆ ਕਿ ਇੰਨੀ ਪੜ੍ਹਾਈ ਤੋਂ ਬਾਅਦ ਵੀ ਸਾਡੇ ਕੋਲ ਯੋਗ ਨੌਕਰੀ ਨਹੀਂ ਸੀ ਅਤੇ ਇਹ ਇਕ ਸਰਕਾਰੀ ਨੌਕਰੀ ਹੈ, ਇਸ ਲਈ ਅਸੀਂ ਚਪੜਾਸੀ ਬਣਨ ਲਈ ਤਿਆਰ ਹਾਂ।
