ਜੰਮੂ: ਬਰਖਾਸਤ ਡੀਐੱਸਪੀ ਦਵਿੰਦਰ ਸਿੰਘ ਮਾਮਲੇ ‘ਚ ਮੁਲਜ਼ਮਾਂ ਨੂੰ ਐਨਆਈਏ ਕੋਰਟ ਵਿੱਚ ਪੇਸ਼ ਕੀਤਾ ਗਿਆ। ਇਸ ਦੌਰਾਨ ਅਦਾਲਤ ਨੇ ਦਵਿੰਦਰ ਸਿੰਘ ਤੇ ਹੋਰ ਤਿੰਨ ਮੁਲਜ਼ਮਾਂ ਨੂੰ 15 ਦਿਨ ਦੀ ਰਿਮਾਂਡ ‘ਤੇ ਭੇਜਿਆ ਹੈ। ਇਸ ਤੋਂ ਪਹਿਲਾਂ ਅੱਤਵਾਦੀਆਂ ਦੀ ਸਹਾਇਤਾ ਕਰਨ ਵਾਲੇ ਜੰਮੂ-ਕਸ਼ਮੀਰ ਪੁਲਿਸ ਦੇ ਸਾਬਕਾ ਡੀਐੱਸਪੀ ਦੀ ਨਿਸ਼ਾਨਦੇਹੀ ‘ਤੇ ਬੁੱਧਵਾਰ ਨੂੰ ਐਨਆਈਏ ਦੀ ਦੋ ਟੀਮਾਂ ਨੇ ਸ੍ਰੀਨਗਰ ਦੇ ਇੰਦਰਾ ਨਗਰ, ਨੌਗਾਮ ਤੇ ਹੋਰ ਥਾਵਾਂ ‘ਤੇ ਛਾਪਾ ਮਾਰਿਆ ਸੀ।
ਇਸ ਵਿੱਚ ਇੱਕ ਸਥਾਨਕ ਡਾਕਟਰ ਦਾ ਘਰ ਵੀ ਸ਼ਾਮਲ ਹੈ ਇਸ ਕਾਰਵਾਈ ਦੌਰਾਨ ਕੁੱਝ ਅਹਿਮ ਦਸਤਾਵੇਜ਼ ਅਤੇ ਹੋਰ ਸਮਗਰੀ ਬਰਾਮਦ ਹੋਈ। ਉੱਧਰ, ਇਸ ਮਾਮਲੇ ਵਿੱਚ ਇੱਕ ਹੋਰ ਵਿਅਕਤੀ ਇਰਫਨਾ ਮੁਸਤਾਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਹ ਡੀਐਸਪੀ ਦੇ ਨਾਲ ਗ੍ਰਿਫਤਾਰ ਕੀਤੇ ਗਏ ਇੱਕ ਅੱਤਵਾਦੀ ਦਾ ਕਰੀਬੀ ਦੱਸਿਆ ਜਾ ਰਿਹਾ ਹੈ।
— NIA India (@NIA_India) January 23, 2020
ਜਾਣਕਾਰੀ ਅਨੁਸਾਰ, ਐਨਆਈਏ ਦੀ ਟੀਮ ਨੇ ਜਿਸ ਡਾਕਟਰ ਦੇ ਘਰ ‘ਤੇ ਦਬਾਅ ਦਿੱਤਾ ਹੈ ਉਸ ਵਾਰੇ ਦੱਸਿਆ ਜਾਂਦਾ ਹੈ ਕਿ ਦਵਿੰਦਰ ਨੇ ਅੱਤਵਾਦੀ ਨਵੀਦ ਬਾਬੂ ਨੂੰ ਕੁੱਝ ਦਿਨਾਂ ਲਈ ਉੱਥੇ ਸ਼ਰਣ ਦਿੱਤੀ ਸੀ। ਛਾਪੇਮਾਰੀ ਤੋਂ ਬਾਅਦ ਐਨਆਈਏ ਦੇ ਅਧਿਕਾਰੀਆਂ ਦੀ ਇੱਕ ਟੀਮ ਦਿੱਲੀ ਲਈ ਰਵਾਨਾ ਹੋ ਗਈ। ਜਦਕਿ ਪੰਜ ਮੈਂਬਰੀ ਦੂਜੀ ਟੀਮ ਇਸ ਮਾਮਲੇ ਵਿੱਚ ਨਵੇਂ ਖੁਲਾਸਿਆਂ ਤੋਂ ਬਾਅਦ ਜਾਂਚ ਲਈ ਇੱਥੇ ਰੁਕ ਗਈ ਹੈ।
ਨਿਯਮ ਦੱਸਦੇ ਹਨ ਕਿ ਦਵਿੰਦਰ ਅਤੇ ਹੋਰ ਦੋਸ਼ੀਆਂ ਨੂੰ ਐਨਆਈਏ ਦੀ ਟੀਮ ਵੱਲੋਂ ਦਿੱਲੀ ਲਜਾਇਆ ਜਾਣਾ ਸੀ ਪਰ ਹਾਲੇ ਉਸਨੂੰ ਰਿਮਾਂਡ ‘ਤੇ ਲੈਣਾ ਬਾਕੀ ਹੈ। ਦੱਸ ਦਈਏ ਕਿ ਡੀਐਸਪੀ ਦੀ ਗ੍ਰਿਫਤਾਰੀ ਤੋਂ ਬਾਅਦ ਜਾਂਚ ਏਜੰਸੀਆਂ ਨੂੰ ਉਸ ਦੇ ਇੰਦਰਾ ਨਗਰ ਸਥਿਤ ਘਰ ਤੋਂ 10 ਲੱਖ ਰੁਪਏ, ਇੱਕ ਏਕੇ 47 ਰਾਇਫਲ ਅਤੇ ਦੋ ਪਿਸਟਲਾਂ ਬਰਾਮਦ ਕੀਤੀਆਂ ਗਈਆਂ ਸਨ।
