ਨਵੀ ਦਿੱਲੀ : ਤਿੱਬਤੀ ਅਧਿਆਤਮਿਕ ਗੁਰੂ ਦਲਾਈ ਲਾਮਾ ਨੇ ਆਪਣਾ ਪਹਿਲਾ ਗ੍ਰੈਮੀ ਅਵਾਰਡ ਜਿੱਤਿਆ ਹੈ। ਉਨ੍ਹਾਂ ਨੂੰ ਇਹ ਪੁਰਸਕਾਰ ਉਨ੍ਹਾਂ ਦੀ ਐਲਬਮ ਲਈ ਦਿੱਤਾ ਗਿਆ ਹੈ। ਉਨ੍ਹਾਂ ਨੇ ਇਹ ਅਵਾਰਡ ‘ਬੈਸਟ ਆਡੀਓ ਬੁੱਕ, ਨੈਰੇਸ਼ਨ ਅਤੇ ਸਟੋਰੀਟੈਲਿੰਗ ਰਿਕਾਰਡਿੰਗ’ ਸ਼੍ਰੇਣੀ ਵਿੱਚ ਜਿੱਤਿਆ ਹੈ।
ਇਸ ਐਲਬਮ ਦਾ ਨਾਮ ‘ਮੈਡੀਟੇਸ਼ਨਸ: ਰਿਫਲੈਕਸ਼ਨ ਆਫ ਹਿਜ਼ ਹੋਲੀਨੈੱਸ ਦ ਦਲਾਈ ਲਾਮਾ’ (Meditations: Reflections of His Holiness the Dalai Lama) ਹੈ। 68ਵੇਂ ਸਾਲਾਨਾ ਗ੍ਰੈਮੀ ਅਵਾਰਡ ਸਮਾਰੋਹ ਵਿੱਚ ਉਨ੍ਹਾਂ ਦੇ ਨਾਮ ਦਾ ਐਲਾਨ ਕੀਤਾ ਗਿਆ ਹੈ। ਉਹ ਕੇ-ਪੌਪ (K-pop) ਅਤੇ ਸਟੀਵਨ ਸਪੀਲਬਰਗ ਵਰਗੀਆਂ ਹਸਤੀਆਂ ਦੇ ਨਾਲ ਇਹ ਅਵਾਰਡ ਜਿੱਤਣ ਵਾਲਿਆਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਏ ਹਨ।
ਦੱਸ ਦੇਈਏ ਕਿ ਗ੍ਰੈਮੀ ਅਵਾਰਡ ਸੰਗੀਤ ਦੀ ਦੁਨੀਆ ਵਿੱਚ ਬਹੁਤ ਵੱਕਾਰੀ ਪੁਰਸਕਾਰ ਹੈ। 68ਵੇਂ ਗ੍ਰੈਮੀ ਅਵਾਰਡ 2026 ਦਾ ਆਯੋਜਨ ਲਾਸ ਏਂਜਲਸ ਵਿਚ ਵਿਚ ਕੀਤਾ ਗਿਆ ਹੈ। ਇਸ ਦੌਰਾਨ, 86 ਗ੍ਰੈਮੀ ਪੁਰਸਕਾਰ ਦਿੱਤੇ ਜਾਣੇ ਹਨ। ਜਿਸ ਆਡੀਓ ਐਲਬਮ ਲਈ ਦਲਾਈ ਲਾਮਾ ਨੂੰ ਗ੍ਰੈਮੀ ਮਿਲਿਆ ਹੈ, ਉਹ ਦੁਨੀਆ ਭਰ ਦੇ ਲੋਕਾਂ ਨੂੰ ਸ਼ਾਂਤੀ ਦਾ ਸੰਦੇਸ਼ ਦਿੰਦੀ ਹੈ। ਐਲਬਮ ‘ਮੈਡੀਟੇਸ਼ਨ: ਰਿਫਲੈਕਸ਼ਨਜ਼ ਆਫ ਹਿਜ਼ ਹੋਲੀਨੈੱਸ ਦ ਦਲਾਈ ਲਾਮਾ’ ਵਿੱਚ ਤਿੱਬਤੀ ਬੌਧ ਗੁਰੂ ਦੇ ਵਿਚਾਰਾਂ ਦਾ ਸੰਗ੍ਰਹਿ ਹੈ। ਇਸ ਵਿੱਚ ਕਰੁਣਾ ਅਤੇ ਮਨ ਦੀ ਸ਼ਾਂਤੀ ਨੂੰ ਵਧਾਉਣ ਬਾਰੇ ਵਿਚਾਰ ਸਾਂਝੇ ਕੀਤੇ ਗਏ ਹਨ। ਇਹ ਐਲਬਮ ਦੁੱਖਾਂ ਤੋਂ ਉਭਰਨ ਦਾ ਰਾਹ ਦਿਖਾਉਂਦੀ ਹੈ। ਇਸ ਵਿੱਚ ਸੰਗੀਤ, ਮੈਡੀਟੇਸ਼ਨ ਅਤੇ ਅਧਿਆਤਮਿਕ ਵਿਚਾਰ, ਸਭ ਕੁਝ ਸ਼ਾਮਲ ਹੈ। ਦਲਾਈ ਲਾਮਾ ਦੀ ਇਸ ਆਡੀਓ ਐਲਬਮ ਦਾ ਮਕਸਦ ਦੁਨੀਆ ਭਰ ਵਿੱਚ ਸਦਭਾਵਨਾ ਅਤੇ ਖੁਸ਼ਹਾਲੀ ਨੂੰ ਵਧਾਉਣਾ ਹੈ।
ਕਾਮੇਡੀਅਨ ਟ੍ਰੇਵਰ ਨੂਹ ਮੁੱਖ ਸਮਾਰੋਹ ਦੀ ਮੇਜ਼ਬਾਨੀ ਕੀਤੀ ਜਾ ਰਹੀ ਹੈ। ਕੇਂਡ੍ਰਿਕ ਲਾਮਰ ਨੌਂ ਨਾਮਜ਼ਦਗੀਆਂ ਨਾਲ 2026 ਦੇ ਗ੍ਰੈਮੀ ਨਾਮਜ਼ਦਗੀਆਂ ਵਿੱਚ ਸਭ ਤੋਂ ਅੱਗੇ ਹਨ, ਜਦੋਂ ਕਿ ਲੇਡੀ ਗਾਗਾ, ਜੈਕ ਐਂਟੋਨੌਫ ਅਤੇ ਹੋਰ ਵੱਡੇ ਨਾਮ ਵੀ ਦੌੜ ਵਿੱਚ ਹਨ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ਅਤੇ ਇੰਸਟਾਗ੍ਰਾਮ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ
