ਕੋਰੋਨਾ ਵਾਇਰਸ ਨੇ ਸੂਬੇ ਦਾ ਹਾਲ ਕੀਤਾ ਮੰਦਾ ! ਹਰ ਦਿਨ ਆ ਰਹੇ ਨੇ ਨਵੇਂ ਮਾਮਲੇ ਸਾਹਮਣੇ

ਚੰਡੀਗੜ੍ਹ : ਕੋਰੋਨਾ ਵਾਇਰਸ ਨੇ ਸੂਬੇ ਦਾ ਹਾਲ ਮੰਦਾ ਕਰ ਦਿੱਤਾ ਹੈ । ਅਜਿਹਾ ਇਸ ਲਈ ਕਿਹਾ ਜਾ ਰਿਹਾ ਹੈ ਕਿਉਂਕਿ ਇਥੇ ਹਰ ਦਿਨ ਨਵੇਂ ਮਾਮਲੇ ਸਾਹਮਣੇ ਆ ਰਹੇ ਹਨ । ਅੱਜ ਇਥੇ 14 ਨਵੇਂ ਮਾਮਲੇ ਸਾਹਮਣੇ ਆਏ ਹਨ । ਜਾਣਕਾਰੀ ਮੁਤਾਬਿਕ ਅੱਜ ਮੁਖ ਮੰਤਰੀ ਦੇ ਸ਼ਹਿਰ ਪਟਿਆਲਾ ਵਿਚ ਵਡੀ ਗਿਣਤੀ ਚ ਨਵੇਂ ਮਾਮਲੇ ਸਾਹਮਣੇ ਆਏ ਹਨ । ਇਨਫਰਮੇਸਨ ਅਤੇ ਪਬਲਿਕ ਰਿਲੇਸ਼ਨ ਡਿਪਾਰਟਮੈਂਟ ਵਲੋਂ ਜਾਰੀ ਮੀਡਿਆ ਬੁਲੇਟਨ ਮੁਤਾਬਿਕ ਅੱਜ ਪਟਿਆਲਾ, ਜਲੰਧਰ , ਲੁਧਿਆਣਾ, ਫਿਰੋਜ਼ਪੁਰ ਵਿਚ ਇਸ ਦੇ ਤਾਜੇ ਮਾਮਲੇ ਸਾਹਮਣੇ ਆਏ ਹਨ । ਪਟਿਆਲਾ ਵਿਚ 5 ਮਾਮਲੇ ਸਾਹਮਣੇ ਆਏ ਹਨ ਜਿਨ੍ਹਾਂ ਵਿੱਚੋ ਇਕ ਨਵਾਂ ਕੇਸ ਹੈ ਜਦੋ ਕਿ 4 ਪਹਿਲਾ ਤੋਂ ਕੋਰੋਨਾ ਮਰੀਜ਼ ਦੇ ਸੰਪਰਕ ਵਿਚ ਆਏ ਹਨ । ਇਸੇ ਤਰ੍ਹਾਂ ਹੀ ਫਿਰੋਜ਼ਪੁਰ ਵਿਚ ਇਕ ਮਰੀਜ਼ ਕੋਰੋਨਾ ਦੇ ਮਰੀਜ਼ ਦੇ ਸੰਪਰਕ ਵਿਚ ਆ ਕੇ ਪਾਜ਼ਿਟਿਵ ਹੋ ਗਿਆ ਹੈ । ਹੁਣ ਜੇ ਗੱਲ ਕਰੀਏ ਜਲੰਧਰ ਦੀ ਤਾ ਇਥੋਂ 3 ਮਰੀਜ਼ ਕੋਰੋਨਾ ਦੇ ਮਰੀਜ਼ਾਂ ਦੇ ਸੰਪਰਕ ਵਿਚ ਆਏ ਹਨ । ਲੁਧਿਆਣਾ ਵਿਚ ਸਥਿਤੀ ਪਟਿਆਲਾ ਵਾਂਗ ਹੈ । ਇਥੇ ਇਕ ਕੇਸ ਨਵਾਂ ਅਤੇ 3 ਕੇਸ ਸਪੈਕਰ ਵਿਚ ਆਏ ਹਨ ।