ਨਿਊਜ਼ ਡੈਸਕ:ਕੋਰੋਨਾ ਵਾਇਰਸ ਨੇ ਲੱਗਭਗ ਪੂਰੀ ਦੁਨੀਆਂ ਨੂੰ ਆਪਣੀ ਚਪੇਟ ਵਿੱਚ ਲੈ ਲਿਆ ਹੈ। ਭਾਰਤ ਜਿੱਥੇ ਇਸ ਦਾ ਸਾਹਮਣਾ ਕਰਨ ਲਈ ਤਿਆਰੀਆਂ ਕਰਨ ‘ਚ ਲੱਗਿਆ ਹੈ। ਉੱਥੇ ਹੀ ਪਾਕਿਸਤਾਨ ਕੋਲ ਹੁਣ ਤੱਕ ਜ਼ਰੂਰੀ ਸਾਮਾਨ ਦੀ ਕਮੀ ਸੀ।
ਹਾਲਾਂਕਿ ਹੁਣ ਉਸ ਦੀ ਸਹਾਇਤਾ ਲਈ ਚੀਨ ਦੀ ਦੋ ਫਾਊਂਡੇਸ਼ਨਾਂ ਅੱਗੇ ਆਈਆਂ ਹਨ। ਚੀਨ ਦੀ ਜੈਕ ਮਾ ਅਤੇ ਅਲੀਬਾਬਾ ਫਾਊਂਡੇਸ਼ਨ ਨੇ ਪਾਕਿਸਤਾਨ ਵਿੱਚ ਮੈਡੀਕਲ ਸਮਾਨ ਨਾਲ ਭਰਿਆ ਜਹਾਜ਼ ਭੇਜਿਆ ਹੈ ਜੋ 25 ਮਾਰਚ ਨੂੰ ਲੈਂਡ ਕਰ ਚੁੱਕਿਆ ਹੈ।
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਅਲੀਬਾਬਾ ਨੇ ਟਵੀਟ ਕੀਤਾ ਹੈ ਕਿ ਇੱਕ ਹੋਰ ਜਹਾਜ਼ ‘ਚ ਬਹੁਤ ਜ਼ਰੂਰੀ ਮੈਡੀਕਲ ਸਪਲਾਈ ਲੈ ਕੇ ਜਾ ਰਿਹਾ ਸੀ ਪਾਕਿਸਤਾਨ ਲੈਂਡ ਕਰ ਚੁੱਕਿਆ ਹੈ। ਇਸ ਨੂੰ ਰਾਸ਼ਟਰੀ ਆਫਤ ਪ੍ਰਬੰਧਨ ਅਥਾਰਟੀ ਵੱਲੋਂ ਪੂਰੇ ਦੇਸ਼ ਵਿੱਚ ਪਹੁੰਚਾਇਆ ਅਤੇ ਵੰਡਿਆ ਜਾਵੇਗਾ।
Another plane carrying much-needed medical supplies has just landed. These supplies arrived in Pakistan, where they will be transported and distributed throughout the country by the National Disaster Management Authority. @Foundation_Ma #AlibabaFoundation pic.twitter.com/kRwQSJEKD0
- Advertisement -
— Alibaba Group (@AlibabaGroup) March 25, 2020
ਦੱਸ ਦਈਏ ਕਿ ਜੈਕ ਮਾ ਅਤੇ ਅਲੀਬਾਬਾ ਫਾਊਂਡੇਸ਼ਨ ਨੇ ਪਾਕਿਸਤਾਨ ਸਣੇ ਦਸ ਏਸ਼ੀਆਈ ਦੇਸ਼ਾਂ ਵਿੱਚ ਕੋਰੋਨਾ ਵਾਇਰਸ ਦੀ ਜਾਂਚ ਵਾਲੀਆਂ 210,000 ਕਿੱਟਾਂ, 1 . 8 ਮਿਲਿਅਨ ਮਾਸਕ ਅਤੇ ਹੋਰ ਜ਼ਰੂਰੀ ਸਮਾਨ ਭੇਜਿਆ ਹੈ।
