ਧਰਮਸ਼ਾਲਾ: ਤਿੱਬਤੀ ਅਧਿਆਤਮਕ ਆਗੂ ਦਲਾਈ ਲਾਮਾ ਨੇ ਕਿਹਾ ਕਿ ਉਹ ਤਿੱਬਤੀਆਂ ਦੀਆਂ ਸਮੱਸਿਆਵਾਂ ‘ਤੇ ਚੀਨ ਨਾਲ ਗੱਲਬਾਤ ਲਈ ਤਿਆਰ ਹਨ। ਦਿੱਲੀ ਅਤੇ ਲੱਦਾਖ ਦੇ ਦੌਰੇ ਤੋਂ ਪਹਿਲਾਂ ਧਰਮਸ਼ਾਲਾ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ, ਉਹਨਾਂ ਕਿਹਾ ਕਿ ਚੀਨੀ ਉਨ੍ਹਾਂ ਨਾਲ ਅਧਿਕਾਰਤ ਜਾਂ ਗੈਰ ਰਸਮੀ ਤੌਰ ‘ਤੇ ਸੰਪਰਕ ਕਰਨਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ, ‘ਮੈਂ ਗੱਲਬਾਤ ਲਈ ਹਮੇਸ਼ਾ ਤਿਆਰ ਹਾਂ। ਹੁਣ ਚੀਨ ਨੂੰ ਵੀ ਇਹ ਅਹਿਸਾਸ ਹੋ ਗਿਆ ਹੈ ਕਿ ਤਿੱਬਤੀ ਲੋਕਾਂ ਦੇ ਹੌਂਸਲੇ ਬਹੁਤ ਮਜ਼ਬੂਤ ਹਨ। ਇਸ ਲਈ ਉਹ ਤਿੱਬਤੀ ਸਮੱਸਿਆਵਾਂ ਨਾਲ ਨਜਿੱਠਣ ਲਈ ਮੇਰੇ ਨਾਲ ਸੰਪਰਕ ਕਰਨਾ ਚਾਹੁੰਦੇ ਹਨ। ਮੈਂ ਵੀ ਤਿਆਰ ਹਾਂ।’
ਇਹ ਪੁੱਛੇ ਜਾਣ ‘ਤੇ ਕਿ ਕੀ ਉਹ ਚੀਨ ਨਾਲ ਗੱਲਬਾਤ ਮੁੜ ਸ਼ੁਰੂ ਕਰਨਾ ਚਾਹੁੰਦੇ ਹਨ, ਦਲਾਈ ਲਾਮਾ ਨੇ ਕਿਹਾ, ‘ਅਸੀਂ ਆਜ਼ਾਦੀ ਨਹੀਂ ਚਾਹੁੰਦੇ, ਅਸੀਂ ਕਈ ਸਾਲਾਂ ਤੋਂ ਫੈਸਲਾ ਕੀਤਾ ਹੈ ਕਿ ਅਸੀਂ ਪੀਪਲ ਰਿਪਬਲਿਕ ਆਫ ਚੀਨ ਦਾ ਹਿੱਸਾ ਰਹਾਂਗੇ… ਹੁਣ ਚੀਨ ਬਦਲ ਰਿਹਾ ਹੈ।
6 ਜੁਲਾਈ ਨੂੰ ਆਪਣਾ 88ਵਾਂ ਜਨਮ ਦਿਨ ਮਨਾਉਣ ਵਾਲੇ ਦਲਾਈ ਲਾਮਾ ਨੇ ਕਿਹਾ, ‘ਮੇਰਾ ਜਨਮ ਤਿੱਬਤ ‘ਚ ਹੋਇਆ ਸੀ ਅਤੇ ਮੇਰਾ ਨਾਂ ਦਲਾਈ ਲਾਮਾ ਰੱਖਿਆ ਗਿਆ ਸੀ ਪਰ ਮੈਂ ਤਿੱਬਤ ਦੇ ਭਲੇ ਲਈ ਕੰਮ ਕਰਨ ਤੋਂ ਇਲਾਵਾ ਸਾਰੇ ਪ੍ਰਾਣੀਆਂ ਦੀ ਭਲਾਈ ਲਈ ਕੰਮ ਕਰ ਰਿਹਾ ਹਾਂ।’ ਮੈਂ ਉਮੀਦ ਗਵਾਏ ਬਿਨਾਂ ਅਤੇ ਆਪਣੀ ਇੱਛਾ ਗਵਾਏ ਬਿਨਾਂ ਸਭ ਕੁਝ ਕੀਤਾ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
