ਓਟਵਾ: ਕੋਰੋਨਾ ਮਹਾਂਮਾਰੀ ਕਾਰਨ ਜਿੱਥੇ ਜਨਵਰੀ ਵਿੱਚ ਕੈਨੇਡੀਅਨ ਅਰਥਚਾਰੇ ਨੇ 2 ਲੱਖ ਨੌਕਰੀਆਂ ਗਵਾ ਦਿੱਤੀਆਂ। ਉੱਥੇ ਹੀ ਫਰਵਰੀ ਮਹੀਨੇ 3 ਲੱਖ 37 ਹਜ਼ਾਰ ਨਵੀਆਂ ਨੌਕਰੀਆਂ ਪੈਦਾ ਹੋਈਆਂ ਹਨ। ਨਵੀਆਂ ਨੌਕਰੀਆਂ ਦੇ ਪੱਖ ਤੋਂ ਫ਼ਰਵਰੀ ਮਹੀਨਾ ਕੈਨੇਡੀਅਨ ਆਰਥਿਕਤਾ ਲਈ ਬਹੁਤ ਸ਼ਾਨਦਾਰ ਰਿਹਾ। ਓਮੀਕਰੌਨ ਕਾਰਨ ਮੁਲਕ ਭਰ ‘ਚ ਨੌਕਰੀਆਂ ਦਾ ਜੋ ਨੁਕਸਾਨ ਹੋਇਆ ਸੀ, ਹੁਣ ਉਸ ਦੀ ਸਿਰਫ਼ ਭਰਪਾਈ ਹੀ ਨਹੀਂ ਹੋਈ ਹੈ ਸਗੋਂ ਮੁਲਕ ਦੀ ਬੇਰੁਜ਼ਗਾਰੀ ਦਰ ਮਹਾਮਰੀ ਤੋਂ ਪਹਿਲਾਂ ਦੇ ਪੱਧਰ ਤੋਂ ਵੀ ਨੀਚੇ ਚਲੀ ਗਈ ਹੈ।
ਸਟੈਟਿਸਟਿਕਸ ਕੈਨੇਡਾ ਦੇ ਨਵੇਂ ਅੰਕੜਿਆਂ ਮੁਤਾਬਕ ਫ਼ਰਵਰੀ ਮਹੀਨੇ ਕੈਨੇਡੀਅਨ ਅਰਥਚਾਰੇ ‘ਚ 3 ਲੱਖ 37 ਹਜ਼ਾਰ ਨਵੀਆਂ ਨੌਕਰੀਆਂ ਸ਼ਾਮਲ ਹੋਈਆਂ ਹਨ। ਇਸ ਨਾਲ ਬੇਰੁਜ਼ਗਾਰੀ ਦਰ ਘਟ ਕੇ 5.5 ਫ਼ੀਸਦੀ ‘ਤੇ ਪਹੁੰਚ ਗਈ ਹੈ। ਮਹਾਮਾਰੀ ਤੋਂ ਪਹਿਲਾਂ ਫ਼ਰਵਰੀ 2020 ਵਿਚ ਕੈਨੇਡਾ ਵਿਚ ਬੇਰੁਜ਼ਗਾਰੀ ਦਰ 5.7 ਫ਼ੀਸਦੀ ਸੀ।
ਕੋਵਿਡ-19 ਤੋਂ ਸਭ ਤੋਂ ਵੱਧ ਪ੍ਰਭਾਵਿਤ ਰਹੇ ਫ਼ੂਡ ਅਤੇ ਅਕੋਮੋਡੇਸ਼ਨ ਸੈਕਟਰ ‘ਚ ਸਭ ਤੋਂ ਵੱਧ 1,14,000 ਨਵੀਆਂ ਨੌਕਰੀਆਂ ਪੈਦਾ ਹੋਈਆਂ। ਦੂਜੇ ਪਾਸੇ ਸਟੈਟਿਸਟਿਕਸ ਕੈਨੇਡਾ ਦੇ ਨਵੇਂ ਅੰਕੜਿਆਂ ਅਨੁਸਾਰ ਸਾਲ 2021 ਦੇ ਚੌਥੇ ਕੁਆਰਟਰ ਵਿਚ ਅਰਥਚਾਰੇ ਵਿਚ ਉਮੀਦ ਨਾਲੋਂ ਵੱਧ 6.7 ਫ਼ੀਸਦੀ ਵਾਧਾ ਦਰਜ ਹੋਇਆ ਹੈ। ਮਾਹਰਾਂ ਨੂੰ ਇਸ ਦੌਰਾਨ 6.5 ਫ਼ੀਸਦੀ ਵਾਧੇ ਦੀ ਉਮੀਦ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
