ਰਤਨ ਟਾਟਾ ਨੇ ਕਿਹਾ, “ਵੈਲਕਮ ਬੈਕ, ਏਅਰ ਇੰਡੀਆ”
ਨਵੀਂ ਦਿੱਲੀ : ਟਾਟਾ ਸੰਨਜ਼ ਨੇ ਘਾਟੇ ਵਾਲੀ ਸਰਕਾਰੀ ਏਅਰਲਾਈਨ ‘ਏਅਰ ਇੰਡੀਆ’ ਦੀ ਬੋਲੀ ਜਿੱਤ ਲਈ ਹੈ। ਹੁਣ ਟਾਟਾ ਸਮੂਹ ਏਅਰ ਇੰਡੀਆ ਦਾ ਨਵਾਂ ਮਾਲਕ ਹੋਵੇਗਾ। ਟਾਟਾ ਸੰਨਜ਼ ਨੇ ਏਅਰ ਇੰਡੀਆ ਲਈ 18000 ਕਰੋੜ ਰੁਪਏ ਦੀ ਬੋਲੀ ਲਗਾਈ ਸੀ, ਜਦੋਂ ਕਿ ਸਪਾਈਸਜੈੱਟ ਦੇ ਅਜੈ ਸਿੰਘ ਨੇ 15000 ਕਰੋੜ ਰੁਪਏ ਦੀ ਬੋਲੀ ਲਗਾਈ ਸੀ।
Statement from N. Chandrasekaran, Chairman of Tata Sons, on winning the Air India bid. #ThisIsTata pic.twitter.com/OOdY1aVi0y
— Tata Group (@TataCompanies) October 8, 2021
ਨਿਵੇਸ਼ ਅਤੇ ਜਨਤਕ ਸੰਪਤੀ ਪ੍ਰਬੰਧਨ ਵਿਭਾਗ (ਡੀਆਈਪੀਏਐਮ) ਦੇ ਸਕੱਤਰ ਤੁਹਿਨ ਕਾਂਤ ਨੇ ਕਿਹਾ ਕਿ ਇਹ ਲੈਣ-ਦੇਣ ਦਸੰਬਰ 2021 ਤੱਕ ਪੂਰਾ ਹੋ ਜਾਵੇਗਾ।
ਦੱਸ ਦਈਏ ਕਿ ਏਅਰ ਇੰਡੀਆ ਸਪੈਸੀਫਿਕ ਅਲਟਰਨੇਟਿਵ ਮਕੈਨਿਜ਼ਮ (ਏਆਈਐਸਏਐਮ) ਪੈਨਲ ਨੇ ਏਅਰ ਇੰਡੀਆ ਦੀ ਵਿੱਤੀ ਬੋਲੀ ‘ਤੇ ਫੈਸਲਾ ਲਿਆ ਹੈ। ਇਸ ਪੈਨਲ ਵਿੱਚ ਗ੍ਰਹਿ ਮੰਤਰੀ ਅਮਿਤ ਸ਼ਾਹ, ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅਤੇ ਕਈ ਮਹੱਤਵਪੂਰਨ ਮੰਤਰੀ ਅਤੇ ਅਧਿਕਾਰੀ ਸ਼ਾਮਲ ਹਨ।
ਵੱਡੀ ਗੱਲ ਇਹ ਕਿ ‘ਏਅਰ ਇੰਡੀਆ’ 68 ਸਾਲ ਬਾਅਦ ਫਿਰ ਤੋਂ ਟਾਟਾ ਗਰੁੱਪ ਕੋਲ ਚਲੀ ਗਈ ਹੈ।
Welcome back, Air India 🛬🏠 pic.twitter.com/euIREDIzkV
— Ratan N. Tata (@RNTata2000) October 8, 2021
ਪਿਛੋਕੜ ਇਹ ਹੈ ਕਿ ਟਾਟਾ ਸਮੂਹ ਨੇ ਅਕਤੂਬਰ 1932 ਵਿੱਚ ਏਅਰ ਇੰਡੀਆ ਦੀ ਸ਼ੁਰੂਆਤ ‘ਟਾਟਾ ਏਅਰਲਾਇੰਸ’ ਦੇ ਨਾਮ ਨਾਲ ਕੀਤੀ ਸੀ। ਸਾਲ 1947 ਵਿੱਚ ਦੇਸ਼ ਦੀ ਆਜ਼ਾਦੀ ਤੋਂ ਬਾਅਦ, ਭਾਰਤ ਸਰਕਾਰ ਨੇ ਏਅਰ ਇੰਡੀਆ ਵਿੱਚ 49 ਫੀਸਦੀ ਹਿੱਸੇਦਾਰੀ ਹਾਸਲ ਕਰ ਲਈ ਹੈ। ਇਸ ਤੋਂ ਬਾਅਦ, 1953 ਵਿੱਚ, ਭਾਰਤ ਸਰਕਾਰ ਨੇ ਏਅਰ ਕਾਰਪੋਰੇਸ਼ਨ ਐਕਟ ਪਾਸ ਕੀਤਾ ਅਤੇ ਫਿਰ ਟਾਟਾ ਸਮੂਹ ਤੋਂ ਕੰਪਨੀ ਵਿੱਚ ਬਹੁਗਿਣਤੀ ਹਿੱਸੇਦਾਰੀ ਖਰੀਦ ਲਈ ਸੀ।
