ਜਗਰਾਓਂ : ਬੀਤੇ ਹਫਤੇ 15 ਮਈ ਨੂੰ ਜਗਰਾਓਂ ‘ਚ ਹੋਏ 2 ਥਾਣੇਦਾਰਾਂ ਦੇ ਕਤਲ ਦੇ ਮਾਮਲੇ ਵਿੱਚ ਪੁਲਿਸ ਵਲੋਂ ਕਾਰਵਾਈ ਕਰਦਿਆਂ ਗੈਂਗਸਟਰਾਂ ਦਾ ਸਾਥ ਦੇਣ ਵਾਲੇ 6 ਸਾਥੀ ਗ੍ਰਿਫਤਾਰ ਕੀਤੇ ਗਏ ਹਨ। ਐਸਐਸਪੀ ਚਰਨਜੀਤ ਸਿੰਘ ਸੋਹਲ ਨੇ ਇਹਨਾਂ ਗ੍ਰਿਫਤਾਰੀਆਂ ਬਾਰੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਪੁਲਿਸ ਵਲੋਂ ਪਿੰਡ ਸਹੌਲੀ ਤੋਂ ਹਥਿਆਰਾਂ ਸਮੇਤ ਗੈਂਗਸਟਰਾਂ ਦੇ 6 ਸਾਥੀ ਗਿਰਫ਼ਤਾਰ ਕੀਤੇ ਗਏ ਹਨ, ਇਨ੍ਹਾਂ ਵਿੱਚ ਦੋ ਮਹਿਲਾਵਾਂ ਵੀ ਸ਼ਾਮਲ ਹਨ।
ਪੁਲਿਸ ਵੱਲੋਂ ਜਿਹੜੇ 6 ਵਿਅਕਤੀ ਗ੍ਰਿਫਤਾਰ ਕੀਤੇ ਗਏ ਨੇ ਉਨ੍ਹਾਂ ਦੇ ਨਾਮ ਹਨ ਰਮਨਦੀਪ ਕੌਰ, ਸਤਪਾਲ ਕੌਰ, ਜਸਪ੍ਰੀਤ ਸਿੰਘ, ਨਾਨਕਚੰਦ, ਗਗਨਦੀਪ ਸਿੰਘ ਅਤੇ ਗੁਰਪ੍ਰੀਤ ਸਿੰਘ । ਐਸਐਸਪੀ ਸੋਹਲ ਨੇ ਦੱਸਿਆ ਕਿ ਇਹ ਆਰੋਪੀ ਗੈਂਗਸਟਰਾਂ ਨੂੰ ਸਾਮਾਨ ਪਹੁੰਚਾਉਂਦੇ ਸਨ ਅਤੇ ਇੰਨਾ ਤੋਂ ਹੋਰ ਵੀ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਆਰੋਪੀਆਂ ਨੂੰ ਅੱਜ ਮਾਨਯੋਗ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਤੇ 5 ਦਿਨ ਦਾ ਰਿਮਾਂਡ ਹਾਸਲ ਕੀਤਾ ਗਿਆ।
ਪੁਲਿਸ ਵਲੋਂ ਇੰਨਾ ਆਰੋਪੀਆਂ ਤੋਂ ਅਸਲਾ ਵੀ ਬਰਾਮਦ ਕੀਤਾ ਗਿਆ ਹੈ। ਪੁਲਿਸ ਅਨੁਸਾਰ ਇਨ੍ਹਾਂ ਤੋਂ 20 ਰੋਂਦ 12 ਬੋਰ, 60 ਰੋਂਦ ਪਿਸਤੌਲ, ਸਪਰਿੰਗ ਫੀਲਡ, ਟੇਲੀਸਕੋਪ , 2 ਮੋਬਾਈਲ , ਹੋਸਟੇਸ , ਬੈਲਟ, ਪਲੂਥਰੁ , ਇਕ ਬੰਦੂਕ 12 ਬੋਰ ਪੰਪ ਐਕਸ਼ਨ ਗਨ , ਸਵਿਫਟ ਕਾਰ, 26 ਜਾਅਲੀ ਆਰਸੀਆਂ, ਆਰਸੀ ਦੇ ਪਲਾਸਟਿਕ ਕਾਰਡ ਆਦਿ ਬਰਾਮਦ ਕੀਤੇ ਗਏ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਛੇਤੀ ਹੀ ਮੁੱਖ ਦੋਸ਼ੀਆਂ ਨੂੰ ਕਾਬੂ ਕਰ ਲਿਆ ਜਾਵੇਗਾ ।
