ਨਿਊਜ਼ ਡੈਸਕ- ਚਾਹੇ ਭੋਜਨ ਦਾ ਸਵਾਦ ਵਧਾਉਣ ਲਈ ਹੋਵੇ ਜਾਂ ਫਿਰ ਸਿਹਤ ਨਾਲ ਸਬੰਧਤ, ਜੀਰੇ ਦੀ ਵਰਤੋਂ ਕਈ ਚੀਜ਼ਾਂ ਲਈ ਕੀਤੀ ਜਾਂਦੀ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਇਸ ਤੋਂ ਇਲਾਵਾ ਜੀਰੇ ਦੀ ਵਰਤੋਂ ਤੁਹਾਡੀ ਖੂਬਸੂਰਤੀ ਨੂੰ ਵਧਾਉਣ ਲਈ ਵੀ ਕੀਤੀ ਜਾ ਸਕਦੀ ਹੈ। ਜੀ ਹਾਂ, ਜੀਰੇ ਦੇ ਟੋਨਰ ਦੀ ਮਦਦ ਨਾਲ ਤੁਸੀਂ ਚਮੜੀ ਨੂੰ ਚਮਕਦਾਰ ਰੱਖ ਸਕਦੇ ਹੋ ਅਤੇ ਐਂਟੀ-ਏਜਿੰਗ ਦੀ ਸਮੱਸਿਆ ਤੋਂ ਵੀ ਛੁਟਕਾਰਾ ਪਾ ਸਕਦੇ ਹੋ। ਤਾਂ ਆਓ ਜਾਣਦੇ ਹਾਂ ਜੀਰੇ ਤੋਂ ਟੋਨਰ ਬਣਾਉਣ ਦਾ ਸਹੀ ਤਰੀਕਾ ਕੀ ਹੈ।
ਜੀਰਾ ਟੋਨਰ ਬਣਾਉਣ ਲਈ ਜ਼ਰੂਰੀ ਚੀਜ਼ਾਂ
– ਅੱਧਾ ਕੱਪ ਜੀਰੇ ਦਾ ਪਾਣੀ
– ਅੱਧਾ ਕੱਪ ਗੁਲਾਬ ਜਲ
– ਇੱਕ ਵਿਟਾਮਿਨ ਈ ਕੈਪਸੂਲ
ਜੀਰਾ ਟੋਨਰ ਬਣਾਉਣ ਦਾ ਤਰੀਕਾ
ਜੀਰਾ ਟੋਨਰ ਬਣਾਉਣ ਲਈ ਸਭ ਤੋਂ ਪਹਿਲਾਂ ਅੱਧਾ ਕੱਪ ਪਾਣੀ ‘ਚ ਜੀਰਾ ਪਾ ਕੇ ਰਾਤ ਭਰ ਭਿਓ ਦਿਓ। ਅਗਲੀ ਸਵੇਰ, ਪਾਣੀ ਨੂੰ ਫਿਲਟਰ ਕਰੋ ਅਤੇ ਇੱਕ ਸਪਰੇਅ ਬੋਤਲ ਵਿੱਚ ਭਰੋ। ਇਸ ਸਪਰੇਅ ਬੋਤਲ ਵਿੱਚ ਗੁਲਾਬ ਜਲ ਅਤੇ ਵਿਟਾਮਿਨ ਈ ਦੇ ਕੈਪਸੂਲ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਤੁਹਾਡਾ ਜੀਰਾ ਟੋਨਰ ਤਿਆਰ ਹੈ। ਰਾਤ ਨੂੰ ਚਿਹਰੇ ‘ਤੇ ਇਸ ਟੋਨਰ ਦੀ ਵਰਤੋਂ ਕਰੋ। ਰਾਤ ਨੂੰ ਚਮੜੀ ‘ਤੇ ਟੋਨਰ ਲਗਾਉਣ ਨਾਲ ਚਮੜੀ ਬੇਦਾਗ ਅਤੇ ਚਮਕਦਾਰ ਦਿਖਾਈ ਦਿੰਦੀ ਹੈ।
ਜੀਰੇ ਦੇ ਟੋਨਰ ਦੇ ਫਾਇਦੇ
ਜੀਰੇ ‘ਚ ਮੌਜੂਦ ਐਂਟੀਬੈਕਟੀਰੀਅਲ, ਐਂਟੀ-ਇੰਫਲੇਮੇਟਰੀ ਅਤੇ ਐਂਟੀ-ਏਜਿੰਗ ਗੁਣ ਚਿਹਰੇ ‘ਤੇ ਫਾਈਨ ਲਾਈਨਾਂ ਨੂੰ ਘੱਟ ਕਰਨ ‘ਚ ਮਦਦ ਕਰਦੇ ਹਨ। ਜੀਰਾ ਟੋਨਰ ਚਮੜੀ ਨੂੰ ਕੱਸਣ ਦਾ ਕੰਮ ਕਰਦਾ ਹੈ। ਜੀਰਾ ਟੋਨਰ ਚਿਹਰੇ ਦੀ ਸੋਜ ਨੂੰ ਘੱਟ ਕਰਨ ਵਿੱਚ ਬਹੁਤ ਪ੍ਰਭਾਵਸ਼ਾਲੀ ਹੈ। ਜੀਰੇ ਦੇ ਟੋਨਰ ਦੀ ਵਰਤੋਂ ਕਰਨ ਨਾਲ ਚਮੜੀ ‘ਤੇ ਨਿਖਾਰ ਆਉਂਦਾ ਹੈ। ਜੀਰੇ ਦਾ ਟੋਨਰ ਚਮੜੀ ‘ਤੇ ਲਗਾਉਣ ਨਾਲ ਡੈੱਡ ਸੈੱਲਸ ਤੋਂ ਛੁਟਕਾਰਾ ਪਾਉਣ ਦੇ ਨਾਲ-ਨਾਲ ਚਮੜੀ ਚਮਕਦਾਰ ਦਿਖਾਈ ਦਿੰਦੀ ਹੈ।
