ਆਸਟਰੇਲੀਆ  ਦੇ ਆਲਰਾਊਂਡਰ ਗਲੇਨ ਮੈਕਸਵੈੱਲ ਸ਼ਰਾਬ ਪੀਣ ਤੋਂ ਬਾਅਦ ਹੋਏ ਬੇਹੋਸ਼

ਸਿਡਨੀ : ਆਸਟਰੇਲੀਆ  ਦੇ ਆਲਰਾਊਂਡਰ ਗਲੇਨ ਮੈਕਸਵੈੱਲ ਪਿਛਲੇ ਹਫਤੇ ਐਡੀਲੇਡ ‘ਚ ਦੇਰ ਰਾਤ ਸ਼ਰਾਬ ਪੀਣ ਤੋਂ ਬਾਅਦ ਬੇਹੋਸ਼ ਹੋ ਗਏ। ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ਲਿਜਾਣਾ ਪਿਆ। ਇਹ ਖੁਲਾਸਾ ਇਕ ਰਿਪੋਰਟ ‘ਚ ਹੋਇਆ ਹੈ।

ਇਹ ਘਟਨਾ ਉਦੋਂ ਵਾਪਰੀ ਜਦੋਂ ਮੈਕਸਵੈੱਲ ਇੱਕ ਸੰਗੀਤ ਸਮਾਰੋਹ ਵਿੱਚ ਸੀ। ਰਿਪੋਰਟ ‘ਚ ਕਈ ਸੂਤਰਾਂ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ, ‘ਸ਼ੋਅ ਦੌਰਾਨ ਮੈਕਸਵੈੱਲ ਨੇ ਭੀੜ ‘ਚ ਕਈ ਲੋਕਾਂ ਨਾਲ ਫੋਟੋ ਖਿਚਵਾਈ । ਇਸ ਤੋਂ ਬਾਅਦ ਉਹ ਅਤੇ ਉਸਦੇ ਦੋਸਤ ਸਟੇਜ ਦੇ ਪਿੱਛੇ ਚਲੇ ਗਏ ਅਤੇ ਸ਼ਰਾਬ ਪੀਣ ਅਤੇ ਗਾਉਣ ਲੱਗੇ। ਫਿਰ ਹੋਰ ਦੋਸਤ ਵੀ ਕਮਰੇ ਵਿੱਚ ਆ ਗਏ। ਇਸ ਦੌਰਾਨ ਮੈਕਸਵੈੱਲ ਬੇਹੋਸ਼ ਹੋ ਗਿਆ ਅਤੇ ਬਹੁਤ ਕੋਸ਼ਿਸ਼ਾਂ ਤੋਂ ਬਾਅਦ ਵੀ ਨਹੀਂ ਉੱਠਿਆ। ਫਿਰ ਇੱਕ ਐਂਬੂਲੈਂਸ ਬੁਲਾਈ ਗਈ ਅਤੇ ਜਿੱਥੋਂ ਤੱਕ ਮੈਕਸਵੈਲ ਨੂੰ ਯਾਦ ਹੈ ਉਹ ਹਸਪਤਾਲ ਦੇ ਰਸਤੇ ਵਿੱਚ ਜਾਗ ਗਿਆ। ਉਸ ਨੂੰ ਥੋੜ੍ਹੀ ਦੇਰ ਬਾਅਦ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਸੀ ਅਤੇ ਹੁਣ ਉਹ ਟੀਮ ਦੇ ਨਾਲ ਹੈ।

ਆਸਟਰੇਲੀਆ ਟੀਮ ਦੇ ਕਪਤਾਨ ਪੈਟ ਕਮਿੰਸ ਤੋਂ ਜਦੋਂ ਟੀਮ ਦੇ ਸਾਥੀ ਗਲੇਨ ਮੈਕਸਵੈਲ ਬਾਰੇ ਪੁਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਤੁਸੀਂ ਜੋ ਕੰਮ ਕਰਦੇ ਹੋ, ਉਸ ਦੀ ਜ਼ਿੰਮੇਵਾਰੀ ਤੁਹਾਨੂੰ ਲੈਣੀ ਪੈਂਦੀ ਹੈ। ਕਮਿੰਸ ਵੀ ਬੈਂਡ ‘ਸਿਕਸ ਐਂਡ ਆਊਟ’ ਦੇ ਸੰਗੀਤ ਸਮਾਰੋਹ ਵਿਚ ਵੀ ਮੌਜੂਦ ਸਨ, ਜਿਸ ਵਿਚ ਆਸਟਰੇਲੀਆ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਬ੍ਰੇਟ ਲੀ ਵੀ ਸਨ, ਜਿੱਥੇ ਮੈਕਸਵੈਲ ਬੇਹੋਸ਼ ਹੋ ਗਏ ਸਨ। ਹਾਲਾਂਕਿ ਕਮਿੰਸ ਨੇ ਬਹੁਤ ਪਹਿਲਾਂ ਹੀ ਸੰਗੀਤ ਸਮਾਰੋਹ ਛੱਡ ਦਿਤਾ ਸੀ।