ਕੇਪ ਕੈਨਾਵਰਲ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ ਤੇ ਨਿੱਜੀ ਰਾਕੇਟ ਕੰਪਨੀ ਸਪੇਸ ਐਕਸ ਨੇ ਭਾਰਤੀ ਮੂਲ ਦੇ ਨਾਸਾ ਦੇ ਪੁਲਾੜ ਯਾਤਰੀ ਤੇ ਅਮਰੀਕੀ ਹਵਾਈ ਫ਼ੌਜ ਦੇ ਪਾਇਲਟ ਰਾਜਾ ਚਾਰੀ ਸਮੇਤ ਚਾਰ ਪੁਲਾੜ ਯਾਤਰੀਆਂ ਨੂੰ ਧਰਤੀ ਦੇ ਪੰਧ ‘ਚ ਸਥਾਪਿਤ ਪੁਲਾੜ ਸਟੇਸ਼ਨ ਲਈ ਰਵਾਨਾ ਕਰ ਦਿੱਤਾ ਹੈ। ਇਨ੍ਹਾਂ ‘ਚੋਂ ਇਕ ਬਜ਼ੁਰਗ ਸਪੇਸ ਵਾਕਰ ਹੈ। ਦੋ ਨੌਜਵਾਨ ਪੁਲਾੜ ਯਾਤਰੀ ਹਨ ਜਿਹੜੇ ਭਵਿੱਖ ‘ਚ ਹੋਰ ਵੀ ਪੁਲਾੜ ਯਾਤਰਾਵਾਂ ਕਰਨਗੇ। ਨਾਲ ਹੀ ਜਰਮਨੀ ਦਾ ਵਿਗਿਆਨੀ ਹੈ ਜਿਹੜਾ ਪਦਾਰਥਾਂ ਦਾ ਮਾਹਰ ਹੈ। ਇਹ ਸਾਰੇ ਕੌਮਾਂਤਰੀ ਪੁਲਾੜ ਸਟੇਸ਼ਨ (ISS) ਲਈ ਰਵਾਨਾ ਹੋ ਚੁੱਕੇ ਹਨ।
ਕਰੀਬ 22 ਘੰਟੇ ਦੀ ਉਡਾਣ ਤੋਂ ਬਾਅਦ ਤਿੰਨ ਅਮਰੀਕੀ ਪੁਲਾੜ ਯਾਤਰੀ ਤੇ ਉਨ੍ਹਾਂ ਦੇ ਯੂਰਪੀ ਸਪੇਸ ਸਟੇਸ਼ਨ ਦਾ ਇਕ ਸਾਥੀ (ਚਾਰੇ ਹੀ) ਧਰਤੀ ਦੇ ਉੱਪਰ 400 ਕਿਮੀ ਦਾ ਫ਼ਾਸਲਾ ਤੈਅ ਕਰ ਕੇ ਸਪੇਸ ਸਟੇਸ਼ਨ ‘ਚ ਪਹੁੰਚ ਜਾਣਗੇ।
#Crew3… 2… 1… and liftoff!
- Advertisement -
Three @NASA_Astronauts and one @ESA astronaut are on their way to the @Space_Station aboard the @SpaceX Crew Dragon Endurance: pic.twitter.com/dxobsFb4Pa
— NASA (@NASA) November 11, 2021
ਇਸ ਉਡਾਣ ਦੇ ਕਰੀਬ 7 ਘੰਟਿਆਂ ਬਾਅਦ ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ ਵੱਲੋਂ ਟਵੀਟ ਕਰਦਿਆਂ ‘ਕਰੂ ਡ੍ਰੈਗਨ’ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਗਈਆਂ।
The four @SpaceX #Crew3 astronauts show what it is like orbiting Earth inside the #CrewDragon Endurance in this video tour from space. https://t.co/yuOTrYN8CV pic.twitter.com/KHxnvZcxD6
- Advertisement -
— International Space Station (@Space_Station) November 11, 2021
Watch live as the Crew-3 astronauts on board Dragon check-in from orbit → https://t.co/bJFjLCilmc pic.twitter.com/sBdvChtcGC
— SpaceX (@SpaceX) November 11, 2021
44 ਸਾਲਾ ਰਾਜਾ ਚਾਰੀ ਅਮਰੀਕੀ ਹਵਾਈ ਫ਼ੌਜ ਦੇ ਫਾਈਟਰ ਪਾਇਲਟ ਹੋਣ ਦੇ ਨਾਲ ਹੀ ਨਾਸਾ ਦੇ ਪੁਲਾੜ ਯਾਤਰੀ ਵੀ ਹਨ। ਉਨ੍ਹਾਂ ਦੇ ਪਿਤਾ ਮੂਲ ਰੂਪ ‘ਚ ਭਾਰਤ ਦੇ ਸੂਬੇ ਤੇਲੰਗਾਨਾ ਦੇ ਰਹਿਣ ਵਾਲੇ ਸਨ। ਪਰ ਰਾਜਾ ਚਾਰੀ ਦਾ ਜਨਮ ਅਮਰੀਕਾ ਦੇ ਵਿਸਕਾਂਸਿਨ ‘ਚ ਹੋਇਆ ਹੈ। ਹੋਰ ਪੁਲਾੜ ਯਾਤਰੀਆਂ ਦੇ ਨਾਂ ਟਾਮ ਮਾਰਸ਼ਬਰਨ, ਕਾਇਲਾ ਬੈਰਨ ਤੇ ਯੂਰਪੀ ਸਪੇਸ ਏਜੰਸੀ ਦੇ ਮੈਥੀਅਸ ਮਾਰਰ ਹਨ।
ਰਾਜਾ ਚਾਰੀ, ਨਾਸਾ ਐਸਟ੍ਰੋਨਾਟ
ਸਪੇਸ ਐਕਸ ਦੇ ਨਿਰਮਤ ਲਾਂਚ ਵ੍ਹੀਕਲ ‘ਚ ‘ਕਰੂ ਡ੍ਰੈਗਨ’ ਤੇ ਫਾਲਕਨ 9 ਰਾਕੇਟ ਦੇ ਦੋ ਚਰਨ ਸ਼ਾਮਲ ਹਨ। ਇਸ ਨੂੰ ਫਲੋਰੀਡਾ ਦੇ ਕੈਨੇਡੀ ਸਪੇਸ ਸੈਂਟਰ ਤੋਂ ਵੀਰਵਾਰ ਨੂੰ ਭਾਰਤੀ ਸਮੇਂ ਮੁਤਾਬਕ ਦੁਪਹਿਰ ਦੋ ਵਜੇ ਲਾਂਚ ਕੀਤਾ ਗਿਆ। ਅਮਰੀਕੀ ਅਕਾਸ਼ ‘ਚ ਇਸ ਨੂੰ ਲਾਲ ਅੱਗ ਦੇ ਗੋਲ਼ੇ ਦੇ ਰੂਪ ‘ਚ ਜਾਂਦੇ ਦੇਖਿਆ ਗਿਆ। ਇਸ ਲਈ ਨਵੇਂ ਨੌਂ ਮਰਲਿਨ ਇੰਜਣਾਂ ਨੇ ਇਸ ‘ਚ ਨਵੀਂ ਜਾਨ ਫੂਕ ਦਿੱਤੀ ਸੀ।
ਅਕਾਸ਼ ‘ਚ ਜਿਵੇਂ ਹੀ ਡ੍ਰੈਗਨ ਉੱਪਰੀ ਰਾਕੇਟ ਤੋਂ ਵੱਖ ਹੋਇਆ ਪੁਲਾੜ ਯਾਤਰੀਆਂ ਦਾ ਕੈਪਸੂਲ ਤੇਜ਼ੀ ਨਾਲ ਧਰਤੀ ਦੇ ਪੰਧ ‘ਚ ਸਥਾਪਿਤ ਹੋ ਗਿਆ।
