ਰਾਜਾ ਵੜਿੰਗ ਹੋਏ ਚੀਫ ਸੈਕਟਰੀ ਤੋਂ ਨਾਰਾਜ਼ ਤਾਂ ਅਮਨ ਅਰੋੜਾ ਨੇ ਦਿੱਤੀ ਸਖਤ ਪ੍ਰਤੀਕਿਰਿਆ

ਚੰਡੀਗੜ੍ਹ : ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਅਮਨ ਅਰੋੜਾ ਹਰ ਦਿਨ ਕਿਸੇ ਨਾ ਕਿਸੇ ਮੁੱਦੇ ਤੇ ਕਾਂਗਰਸ ਸਰਕਾਰ ਦੀ ਕਾਰਗੁਜ਼ਾਰੀ ਨੂੰ ਸਵਾਲਾਂ ਦੇ ਘੇਰੇ ਵਿਚ ਖੜਾ ਕਰਦੇ ਹੀ ਰਹਿੰਦੇ ਹਨ । ਇਸ ਦੇ ਚਲਦਿਆਂ ਅਜ ਅਮਨ ਅਰੋੜਾ ਵਲੋਂ ਆਪਣੇ ਟਵੀਟਰ ਹੈਂਡਲ ਰਾਹੀਂ ਕਾਂਗਰਸ ਪਾਰਟੀ ਤੇ ਨਿਸ਼ਾਨਾ ਸਾਜਿਆ ਗਿਆ ਹੈ । ਦਰਅਸਲ ਅਮਨ ਅਰੋੜਾ ਨੇ ਵਲੋਂ ਸੀਨੀਅਰ ਕਾਂਗਰਸੀ ਆਗੂ ਰਾਜਾ ਵੜਿੰਗ ਦੇ ਟਵੀਟ ਦਾ ਜਵਾਬ ਦਿੱਤਾ ਗਿਆ ਹੈ ।

ਅਮਨ ਅਰੋੜਾ ਨੇ ਕਿਹਾ ਕਿ ਰਾਜਾ ਵੜਿੰਗ ਦੇ ਟਵੀਟ ਤੋਂ ਇੰਝ ਲੱਗਦਾ ਹੈ ਕਿ ਉਨ੍ਹਾਂ ਨੂੰ ਕੈਪਟਨ ਅਮਰਿੰਦਰ ਸਿੰਘ ਦੇ ਫੈਸਲੇ ਤੇ ਭਰੋਸਾ ਨਹੀਂ ਹੈ । ਅਰੋੜਾ ਨੇ ਟਵੀਟ ਕਰਦਿਆਂ ਲਿਖਿਆ ਕਿ ਰਾਜਾ ਵੜਿੰਗ ਕਹਿ ਰਹੇ ਹਨ ਕਿ ਜੇਕਰ ਉਨ੍ਹਾਂ ਕੋਲ ਅਧਿਕਾਰ ਹੋਣ ਤਾਂ ਉਹ ਪੰਜਾਬ ਦੇ ਚੀਫ ਸੈਕਟਰੀ ਨੂੰ ਤਹਿਸੀਲਦਾਰ ਵੀ ਨਾ ਲਗਾਉਣ । ਉਨ੍ਹਾਂ ਕਿਹਾ ਕਿ ਰਾਜਾ ਵੜਿੰਗ ਦਾ ਇਹ ਟਵੀਟ ਮੁੱਖ ਮੰਤਰੀ ਦੀ ਫੈਸਲੇ ਲੈਣ ਦੀ ਯੋਗਤਾ ਨੂੰ ਸਵਾਲਾਂ ਦੇ ਘੇਰੇ ਵਿਚ ਖੜਾ ਕਰਦਾ ਹੈ । ਅਰੋੜਾ ਅਨੁਸਾਰ ਕਾਂਗਰਸ ਪਾਰਟੀ ਅਜ 2 ਭਾਗਾਂ ਵਿੱਚ ਵੰਡੀ ਹੋਈ ਹੈ ।

@RajaBrar_INC remark that given the power,he will not appoint present Chief Secretary Pb as Tehsildar, seems 2 b a clear cut challenge 2 @capt_amarinder decision making ability & wisdom 2 run State Govt.@INCPunjab seems 2 be in shatters. @INCIndia & Sonia Gandhi ji need 2 wake up pic.twitter.com/XhCPqtBYj3

— Aman Arora (@AroraAmanSunam) May 11, 2020

ਦਸ ਦੇਈਏ ਕਿ ਬੀਤੇ ਦਿਨੀਂ ਰਾਜਾ ਵੜਿੰਗ ਨੇ ਆਪਣੇ ਟਵੀਟਰ ਹੈਂਡਲ ਰਾਹੀਂ ਕਿਹਾ ਸੀ ਕਿ ਜੇਕਰ ਉਸ ਕੋਲ ਅਧਿਕਾਰ ਹੋਣ ਤਾਂ ਅਜਿਹੇ ਬੰਦੇ ਨੂੰ ਤਹਿਸੀਲਦਾਰ ਵੀ ਨਾ ਲਗਾਉਣ ।

चीफ सेक्रेटरी का ऐसा व्यवहार बार-बार असहनीय है।

मेरे पास अधिकार हो तो, मैं ऐसे अधिकारी को तहसीलदार भी ना बनाऊँ!https://t.co/zqd62hVeqC

— Amarinder Singh Raja Warring (@RajaBrar_INC) May 9, 2020