ਨਿਊਜ਼ ਡੈਸਕ: ਇੱਕ ਅਧਿਐਨ ਵਿੱਚ ਸਾਹਮਣੇ ਆਇਆ ਕਿ ਟ੍ਰੈਫਿਕ-ਸਬੰਧਿਤ ਹਵਾ ਪ੍ਰਦੂਸ਼ਣ ਦੇ ਸੰਪਰਕ ਵਿੱਚ ਆਉਣ ਵਾਲੇ ਲੋਕਾਂ ਦੇ ਦਿਮਾਗ ਵਿੱਚ ਅਲਜ਼ਾਈਮਰ ਰੋਗ ਨਾਲ ਸਬੰਧਿਤ ਐਮੀਲੋਇਡ ਪਲੇਕਸ ਦੀ ਜ਼ਿਆਦਾ ਮਾਤਰਾ ਹੋਣ ਦੀ ਸੰਭਾਵਨਾ ਸੀ। ਅਮੈਰੀਕਨ ਅਕੈਡਮੀ ਆਫ ਨਿਊਰੋਲੋਜੀ ਦੇ ਖੋਜਕਰਤਾਵਾਂ ਨੇ ਪੀਐਮ 2.5 ਦੇ ਸੂਖਮ ਕਣਾਂ ਨੂੰ ਦੇਖਿਆ, ਜੋ ਕਿ ਹਵਾ ਵਿੱਚ ਤੈਰਦੇ ਹੋਏ 2.5 ਮਾਈਕਰੋਨ ਤੋਂ ਘੱਟ ਵਿਆਸ ਵਾਲੇ ਪ੍ਰਦੂਸ਼ਕ ਕਣ ਹਨ।
ਖੋਜ ਦੇ ਅਨੁਸਾਰ, ਮਨੁੱਖਾਂ ਵਿੱਚ ਅਲਜ਼ਾਈਮਰ ਰੋਗ ਐਸੀਟਿਲਕੋਲੀਨ ਦੀ ਕਮੀ ਨਾਲ ਸਬੰਧਿਤ ਹੈ। ਇਸ ਰੋਗ ਵਿੱਚ ਦਿਮਾਗ਼ ਦੇ ਸੈੱਲ (ਨਿਊਰੋਨਸ) ਨਸ਼ਟ ਹੋ ਜਾਂਦੇ ਹਨ, ਜਿਸ ਕਾਰਨ ਪ੍ਰਾਇਮਰੀ ਮੈਮੋਰੀ, ਨਿਰਣਾ ਕਰਨ ਅਤੇ ਤਰਕ ਕਰਨ ਦੀ ਸਮਰੱਥਾ, ਹਰਕਤਾਂ ਦਾ ਤਾਲਮੇਲ ਅਤੇ ਪਛਾਣਨ ਦੀ ਸਮਰੱਥਾ ਆਦਿ ਵਿਗੜ ਜਾਂਦੇ ਹਨ। ਦਿਮਾਗ ਦੇ ਸੈੱਲਾਂ ਦੁਆਰਾ ਪੈਦਾ ਕੀਤੇ ਗਏ ਰਸਾਇਣ ਨੂੰ ਐਸੀਟਿਲਕੋਲੀਨ ਕਿਹਾ ਜਾਂਦਾ ਹੈ।
ਜਿਵੇਂ- ਜਿਵੇਂ ਕਿ ਦਿਮਾਗ ਦੇ ਸੈੱਲ ਸੁੰਗੜਦੇ ਹਨ, ਐਸੀਟਿਲਕੋਲੀਨ ਪੈਦਾ ਕਰਨ ਦੀ ਪ੍ਰਕਿਰਿਆ ਘੱਟ ਜਾਂਦੀ ਹੈ। ਆਵਾਜਾਈ ਨਾਲ ਸਬੰਧਿਤ ਹਵਾ ਪ੍ਰਦੂਸ਼ਣ ਵੀ ਇਸ ਨੂੰ ਪ੍ਰਭਾਵਿਤ ਕਰਦਾ ਹੈ। ਹਾਲਾਂਕਿ, ਦਵਾਈਆਂ ਰਾਹੀਂ ਐਸੀਟਿਲਕੋਲੀਨ ਅਤੇ ਹੋਰ ਰਸਾਇਣਾਂ ਨੂੰ ਘਟਾਉਣ ਦੀ ਪ੍ਰਕਿਰਿਆ ਨੂੰ ਵਧਾਇਆ ਜਾਂਦਾ ਹੈ। ਇਹ ਅਧਿਐਨ ਮੈਡੀਕਲ ਜਰਨਲ ਨਿਊਰੋਲੋਜੀ ਵਿੱਚ ਪ੍ਰਕਾਸ਼ਿਤ ਹੋਇਆ ਹੈ। ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇਹ ਨਤੀਜੇ ਇਸ ਗੱਲ ਦੇ ਸਬੂਤਾਂ ਨੂੰ ਜੋੜਦੇ ਹਨ ਕਿ ਆਵਾਜਾਈ ਨਾਲ ਸਬੰਧਿਤ ਹਵਾ ਪ੍ਰਦੂਸ਼ਣ ਦੁਆਰਾ ਪੈਦਾ ਹੋਏ ਬਾਰੀਕ ਕਣ ਦਿਮਾਗ ਵਿੱਚ ਐਮੀਲੋਇਡ ਪਲੇਕਸ ਦੀ ਮਾਤਰਾ ਨੂੰ ਪ੍ਰਭਾਵਤ ਕਰਦੇ ਹਨ। ਦਿਮਾਗ ਵਿੱਚ ਐਮੀਲੋਇਡ ਪਲੇਕਸ ਦਾ ਉੱਚ ਪੱਧਰ ਮੌਤ ਦੇ ਜੋਖਮ ਨੂੰ ਵਧਾਉਂਦਾ ਹੈ। ਅਧਿਐਨ ਲਈ, ਖੋਜਕਰਤਾਵਾਂ ਨੇ 224 ਲੋਕਾਂ ਦੇ ਦਿਮਾਗ ਦੇ ਟਿਸ਼ੂ ਦੀ ਜਾਂਚ ਕੀਤੀ ਜੋ ਡਿਮੇਨਸ਼ੀਆ ‘ਤੇ ਹੋਰ ਖੋਜ ਲਈ ਮੌਤ ਤੋਂ ਬਾਅਦ ਆਪਣੇ ਦਿਮਾਗ ਦਾਨ ਕਰਨ ਲਈ ਸਹਿਮਤ ਹੋਏ ਸਨ। ਇਨ੍ਹਾਂ ਲੋਕਾਂ ਦੀ ਔਸਤਨ 76 ਸਾਲ ਦੀ ਉਮਰ ਵਿੱਚ ਮੌਤ ਹੋ ਗਈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
