ਨਕੋਦਰ: ਆਮ ਆਦਮੀ ਪਾਰਟੀ ਪਾਰਟੀ ਵੱਲੋਂ ਜਲੰਧਰ ਲੋਕ ਸਭਾ ਜ਼ਿਮਨੀ ਚੋਣ ਦੇ ਮੱਦੇਨਜ਼ਰ ਨਕੋਦਰ ਵਿਖੇ ਪਾਰਟੀ ਦਫ਼ਤਰ ਖੋਲ੍ਹਿਆ ਗਿਆ ਹੈ। ਇਸ ਮੌਕੇ ਪੰਜਾਬ ਕੈਬਨਿਟ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ, ਰਣਜੀਤ ਸਿੰਘ ਚੀਮਾ (ਚੇਅਰਮੈਨ ਵਾਟਰ ਸਪਲਾਈ ਮਹਿਕਮਾ), ਜਗਤਾਰ ਸਿੰਘ (ਕਿਸਾਨ ਵਿੰਗ ਪ੍ਰਧਾਨ), ਦਰਸ਼ਨ ਸਿੰਘ ਟਾਹਲੀ (ਜ਼ਿਲ੍ਹਾ ਪਰਿਸ਼ਦ ਮੀਤ ਪ੍ਰਧਾਨ) ਅਤੇ ਹਲਕਾ ਨਕੋਦਰ ਤੋਂ ਵਿਧਾਇਕਾ ਇੰਦਰਜੀਤ ਕੌਰ ਮਾਨ ਹਾਜ਼ਿਰ ਸਨ। ਉਨ੍ਹਾਂ ਦੇ ਨਾਲ ਮੌਕੇ ਤੇ ਪਾਰਟੀ ਦੇ ਹੋਰ ਅਹੁਦੇਦਾਰਾਂ ਅਤੇ ਵਲੰਟੀਅਰਾਂ ਨੇ ਵੀ ਵੱਡੀ ਗਿਣਤੀ ਵਿੱਚ ਸ਼ਿਰਕਤ ਕੀਤੀ।
ਇਸ ਮੌਕੇ ਤੇ ਹਲਕਾ ਵਿਧਾਇਕਾ ਇੰਦਰਜੀਤ ਕੌਰ ਮਾਨ ਨੇ ਸੰਬੋਧਨ ਕਰਦਿਆਂ ਆਪਣੇ ਹਲਕੇ ਦੇ ਵਲੰਟੀਅਰਾਂ ਨੂੰ ਦਫਤਰ ਦੇ ਉਦਘਾਟਨ ਦੀ ਵਧਾਈ ਦਿੱਤੀ। ਇਸ ਤੋਂ ਇਲਾਵਾ ਪੰਜਾਬ ਕੈਬਨਿਟ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਵੀ ਸੰਬੋਧਨ ਕੀਤਾ ਅਤੇ ਕਿਹਾ ਕਿ ਇਸ ਵਾਰ ਆਮ ਆਦਮੀ ਪਾਰਟੀ ਜਲੰਧਰ ਲੋਕ ਸਭਾ ਜ਼ਿਮਨੀ ਚੋਣ ਵੱਡੇ ਫਰਕ ਨਾਲ ਜਿੱਤੇਗੀ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਲੋਕ ਪੰਜਾਬ ਸਰਕਾਰ ਦੇ ਕੀਤੇ ਹੋਏ ਕੰਮਾਂ ਤੋਂ ਕਾਫੀ ਖੁਸ਼ ਹਨ। ਜੋ ਵੀ ਗਰੰਟੀ ਵੋਟਾਂ ਤੋਂ ਪਹਿਲਾਂ ਦਿੱਤੀਆਂ ਗਈਆਂ ਸਨ, ਇੱਕ-ਇੱਕ ਕਰਕੇ ਸਭ ਪੂਰੀਆਂ ਕੀਤੀਆਂ ਜਾ ਰਹੀਆਂ ਹਨ।
ਜ਼ਿਕਰਯੋਗ ਹੈ ਕਿ ਨਕੋਦਰ ਵਿੱਚ ਪਾਰਟੀ ਨੂੰ ਉਸ ਵਖ਼ਤ ਵੱਡਾ ਬਲ਼ ਮਿਲਿਆ ਜਦੋਂ ਕਾਂਗਰਸੀ ਆਗੂ ਮੋਹਿਤ ਅਤੇ ਭਾਜਪਾ ਆਗੂ ਨਿੱਕਾ ਖਾਨ ਸਾਥੀਆਂ ਸਮੇਤ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋ ਗਏ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਜਸਵੀਰ ਸਿੰਘ ਧੰਜਲ ,ਸ਼ਾਂਤੀ ਸਰੂਪ, ਪਰਦੀਪ ਸ਼ੇਰਪੁਰ, ਨਰੇਸ਼ ਕੁਮਾਰ ,ਬਲਦੇਵ ਸਹੋਤਾ, ਸੰਜੀਵ ਅਹੂਜਾ, ਲਖਵੀਰ ਕੌਰ ਸੰਘੇੜਾ, ਸੁਰਿੰਦਰ ਕੁਮਾਰ ਪਿੰਡ ਉੱਗੀ, ਹਿਮਾਂਸ਼ੂ ਜੈਨ, ਬੋਬੀ ਸ਼ਰਮਾ, ਨਰਿੰਦਰ ਸ਼ਰਮਾ, ਜਸਵੀਰ ਸੰਗੋਵਾਲ, ਮਿਲਖਾ ਸਿੰਘ, ਅਨੂਪ ਬਿਲਗਾ, ਪਰਮਿੰਦਰ ਬਿਲਗਾ, ਜਸਵੀਰ ਸਿੰਘ ਸ਼ੰਕਰ, ਵਿੱਕੀ ਭਗਤ, ਸੁਖਵਿੰਦਰ ਗਡਵਾਲ, ਅਜੀਤ ਸਿਧਮ, ਪੰਕਜ ਮਾਲੜੀ ਸੰਜੀਵ, ਅਰਜਨ ਸਿੰਘ, ਪ੍ਰਿਤਪਾਲ ਸਿੰਘ, ਹਰਪ੍ਰੀਤ ਹੈਪੀ, ਗੁਰਜੰਟ ਸਿੰਘ, ਗੁਰਿੰਦਰ ਸਿੰਘ ਆਦਿ ਹਾਜ਼ਰ ਸਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
