ਲੰਡਨ : 25 ਸਾਲ ਪਹਿਲਾਂ ਆਪਣੀ ਨੂੰਹ ਦੇ ਕਤਲ ਦੇ ਦੋਸ਼ ਵਿੱਚ ਕੈਦ ਇੱਕ 86 ਸਾਲਾ ਬ੍ਰਿਟਿਸ਼-ਸਿੱਖ ਔਰਤ 16 ਸਾਲਾਂ ਬਾਅਦ ਜੇਲ੍ਹ ਤੋਂ ਰਿਹਾਅ ਹੋ ਗਈ ਹੈ। ਬ੍ਰਿਟਿਸ਼-ਸਿੱਖ ਔਰਤ ਬਚਨ ਕੌਰ ਅਟਵਾਲ ਨੂੰ ਆਪਣੀ 27 ਸਾਲਾ ਨੂੰਹ ਸੁਰਜੀਤ ਕੌਰ ਅਟਵਾਲ ਨੂੰ 1998 ਵਿੱਚ ਭਾਰਤ ਭੇਜਣ ਦਾ ਝਾਂਸਾ ਦੇ ਕੇ ਕਤਲ ਕਰਨ ਦਾ ਹੁਕਮ ਦੇਣ ਲਈ ਦੋਸ਼ੀ ਪਾਇਆ ਗਿਆ ਸੀ।
ਰਿਪੋਰਟ ਅਨੁਸਾਰ ਉਸ ਨੂੰ ਪਿਛਲੇ ਸਾਲ ਅਗਸਤ ‘ਚ ਰਿਹਾਅ ਕੀਤਾ ਗਿਆ ਸੀ। ਜੱਜ ਗਿਲਜ਼ ਫਾਰੇਸਟਰ ਨੇ ਮਹਿਲਾ ਨੂੰ 20 ਸਾਲ ਦੀ ਜੇਲ ਦੀ ਸਜ਼ਾ ਸੁਣਾਈ ਸੀ ਪਰ ਪੇਰੋਲ ਬੋਰਡ ਨੇ ਸਿਫ਼ਾਰਸ਼ ਕੀਤੀ ਕਿ ਬਚਨ ਕੌਰ ਦੀ ਸਿਹਤ ਠੀਕ ਨਹੀਂ ਅਤੇ ਉਸ ਨੂੰ ਚਾਰ ਸਾਲ ਪਹਿਲਾਂ ਹੀ ਲਾਈਸੈਂਸ ’ਤੇ ਰਿਹਾਅ ਕਰ ਦੇਣਾ ਚਾਹੀਦਾ ਹੈ। ਮੁਲਜ਼ਮ ਮਹਿਲਾ ਨੂੰ ਕਤਲ ਦੀ ਸਾਜਿਸ਼ ਦੇ ਮਾਮਲੇ ’ਚ 2007 ਵਿਚ ਬੇਟੇ ਸੁਖਦੇਵ ਨਾਲ ਜੇਲ ਭੇਜਿਆ ਗਿਆ ਸੀ।
ਨਿਆਂ ਮੰਤਰਾਲੇ ਨੇ ਕਿਹਾ ਕਿ ਬੋਰਡ ਨੂੰ ਇਸ ਘਟਨਾ ਬਾਰੇ ਪਿਛਲੇ ਸਾਲ ਦੱਸਿਆ ਗਿਆ ਸੀ ਜਦੋਂ ਉਸ ਦੀ ਧੀ ਮਈ ਵਿਚ ਜੇਲ੍ਹ ਗਈ ਸੀ। ਇਸ ਦੌਰਾਨ ਬਚਨ ਨੇ ਆਪਣੀ ਬੇਟੀ ਨੂੰ ਥੱਪੜ ਮਾਰ ਦਿੱਤਾ। ਇਸ ਤੋਂ ਇਲਾਵਾ ਉਸ ਨੇ ਇਕ ਜੇਲ੍ਹ ਕਰਮਚਾਰੀ ‘ਤੇ ਵੀ ਹਮਲਾ ਕੀਤਾ ਸੀ। ਰਿਪੋਰਟ ਦੇ ਅਨੁਸਾਰ, ਡਾਕਟਰੀ ਮੁਲਾਂਕਣ ਨੇ ਸੁਝਾਅ ਦਿੱਤਾ ਹੈ ਕਿ ਬਚਨ ਨੂੰ ਡਿਮੇਨਸ਼ੀਆ ਵਾਲੇ ਕਿਸੇ ਹੋਰ ਵਿਅਕਤੀ ਦੀ ਤਰ੍ਹਾਂ ਪ੍ਰਬੰਧਨ ਕਰਨਾ ਮੁਸ਼ਕਲ ਹੋਵੇਗਾ । ਸੁਰਜੀਤ ਦੀ ਲਾਸ਼ ਕਦੇ ਨਹੀਂ ਮਿਲੀ ਅਤੇ ਉਹ ਆਪਣੇ ਪਿੱਛੇ ਦੋ ਛੋਟੇ ਬੱਚੇ ਗਈ ਹੈ।
ਲੰਡਨ ਦੀ ਓਲਡ ਬੇਲੀ ਕੋਰਟ ਵਿੱਚ ਸੁਣਵਾਈ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ 16 ਸਾਲ ਦੀ ਉਮਰ ਵਿੱਚ ਸੁਰਜੀਤ ਨੂੰ ਸੁਖਦੇਵ ਨਾਲ ਵਿਆਹ ਕਰਵਾਉਣ ਲਈ ਮਜਬੂਰ ਕੀਤਾ ਗਿਆ ਸੀ। ਵਿਆਹ ਦੌਰਾਨ ਪਰਿਵਾਰ ਵਾਲਿਆਂ ਨੇ ਉਸ ਨੂੰ ਧਮਕੀਆਂ ਵੀ ਦਿੱਤੀਆਂ ਸਨ। ਔਰਤ ਨੂੰ ਡਰ ਸੀ ਕਿ ਸੁਰਜੀਤ ਆਪਣੇ ਪਤੀ ਨੂੰ ਤਲਾਕ ਦੇਣ ਦੀ ਯੋਜਨਾ ਬਣਾ ਰਹੀ ਹੈ। ਪਰਿਵਾਰ ਦਾ ਨਾਂ ਖਰਾਬ ਹੋਣ ਦੇ ਡਰੋਂ ਉਸ ਦਾ ਕਤਲ ਕਰ ਦਿੱਤਾ ਗਿਆ। ਸਾਲ 2007 ‘ਚ ਜਸਟਿਸ ਫੋਰੈਸਟਰ ਨੇ ਕਤਲ ਦੇ ਦੋਸ਼ੀ ਮਾਂ-ਪੁੱਤ ਨੂੰ ਸਜ਼ਾ ਸੁਣਾਉਂਦੇ ਹੋਏ ਕਿਹਾ ਸੀ ਕਿ ਇਹ ਘਿਨੌਣਾ ਅਪਰਾਧ ਹੈ, ਜਿਸ ਨੂੰ ਬਿਆਨ ਨਹੀਂ ਕੀਤਾ ਜਾ ਸਕਦਾ। ਦੱਸ ਦਈਏ, ਸੁਰਜੀਤ ਦੀ ਭੈਣ ਨੇ ਆਨਰ ਕਿਲਿੰਗ ਦੇ ਖਿਲਾਫ ਇੱਕ ਚੈਰਿਟੀ ਬਣਾਈ ਸੀ, ਜਿਸ ਦਾ ਨਾਂ ਟਰੂ ਆਨਰ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
