ਬਾਲਾਘਾਟ: ਪਰਵਾਸੀ ਮਜ਼ਦੂਰਾਂ ਦੇ ਘਰ ਪਰਤਣ ਦੀਆਂ ਜਿਹੜੀਆਂ ਤਸਵੀਰਾਂ ਅਜ ਸੋਸ਼ਲ ਮੀਡੀਆ ਰਾਹੀਂ ਸਾਹਮਣੇ ਆ ਰਹੀਆਂ ਹਨ ਇਹ ਦਿਲ ਖਿੱਚਵੀਂਆਂ ਤਸਵੀਰਾਂ ਸ਼ਾਇਦ ਹੀ ਕਦੀ ਸਾਹਮਣੇ ਆਈਆਂ ਹੋਣ । ਇਕ ਤਸਵੀਰ ਬਾਲਾਘਾਟ ਤੋਂ ਵੀ ਸਾਹਮਣੇ ਆਈ ਹੈ ਜਿਸ ਨੂੰ ਦੇਖ ਰੂਹ ਅੰਦਰ ਤਕ ਕੰਬ ਜਾਂਦੀ ਹੈ । ਦਰਅਸਲ ਇਸ ਤਸਵੀਰ ਵਿੱਚ ਇਕ ਮਜ਼ਦੂਰ ਗਰਭਵਤੀ ਮਹਿਲਾ ਨੂੰ ਲੱਕੜ ਦੀ ਗੱਡੀ ਤੇ ਖਿੱਚ ਕੇ ਲੈ ਜਾ ਰਿਹਾ ਹੈ । ਜਾਣਕਾਰੀ ਮੁਤਾਬਕ ਇਹ ਮਜਦੂਰ ਹੈਦਰਾਬਾਦ ਵਿਚ ਕੰਮ ਕਰਦਾ ਸੀ ਅਤੇ ਉਹ 800 ਕਿਲੋਮੀਟਰ ਦੀ ਦੂਰੀ ‘ਤੇ ਬਾਲਾਘਾਟ ਪੈਦਲ ਹੀ ਪਹੁੰਚਿਆ ਹੈ । ਦਸਣਯੋਗ ਹੈ ਕਿ ਉਸ ਵਿਅਕਤੀ ਦੀ ਪਤਨੀ 8 ਮਹੀਨੇ ਦੀ ਗਰਭਵਤੀ ਹੈ ਅਤੇ ਉਨ੍ਹਾਂ ਨਾਲ ਇਕ 2 ਸਾਲ ਦੀ ਬੱਚੀ ਵੀ ਹੈ।
बालाघाट का एक #मजदूर जो कि हैदराबाद में नौकरी करता था 800 किलोमीटर दूर से एक हाथ से बनी लकड़ी की गाड़ी में बैठा कर अपनी 8 माह की गर्भवती पत्नी के साथ अपनी 2 साल की बेटी को लेकर गाड़ी खींचता हुआ बालाघाट पहुंच गया @ndtvindia @ndtv #modispeech #selfreliant #Covid_19 pic.twitter.com/0mGvMmsWul
— Anurag Dwary (@Anurag_Dwary) May 13, 2020
ਦਸ ਦੇਈਏ ਕਿ ਸਫਰ ਸ਼ੁਰੂ ਕਰਨ ਸਮੇ ਮਜਦੂਰ ਨੇ ਆਪਣੀ ਬੱਚੀ ਨੂੰ ਗੋਦ ਵਿਚ ਚੁੱਕ ਕੇ ਤੁਰਨਾ ਸ਼ੁਰੂ ਕੀਤਾ ਸੀ ਪਰ ਰਸਤਾ ਬਹੁਤ ਲੰਬਾ ਸੀ। ਜਿਸ ਕਾਰਨ ਮਜਦੂਰ ਨੇ ਰਸਤੇ ਵਿੱਚ ਹੀ ਬਾਂਸ ਅਤੇ ਲੱਕੜੀਆਂ ਨਾਲ ਗੱਡੀ ਬਣਾਈ ਅਤੇ ਬੱਚੀ ਸਮੇਤ ਆਪਣੀ ਗਰਭਵਤੀ ਪਤਨੀ ਨੂੰ ਬਿਠਾ ਕੇ ਚੱਲਣਾ ਸ਼ੁਰੂ ਕਰ ਦਿੱਤਾ । ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਸ ਵਿਅਕਤੀ ਨੂੰ ਆਪਣੇ ਘਰ ਤਕ ਪਹੁੰਚਣ ਲਈ 17 ਦਿਨ ਦਾ ਸਮਾਂ ਲੱਗਾ ।
