ਬਾਲੀਵੁੱਡ ਅਦਾਕਾਰਾ ਗੁੱਲ ਪਨਾਗ ਪਿਛਲੇ ਕੁੱਝ ਸਮੇਂ ਤੋਂ ਸੁਰਖੀਆਂ ਵਿੱਚ ਹਨ। ਪਹਿਲਾਂ ਜਿੱਥੇ ਉਹ ਆਪਣੀ ਇੱਕ ਥਰੋਅਬੈਕ ਫੋਟੋ ਨੂੰ ਲੈ ਕੇ ਸੁਰਖੀਆਂ ਵਿੱਚ ਸਨ ਤਾਂ ਉਥੇ ਹੀ ਹੁਣ ਉਨ੍ਹਾਂ ਦੇ ਬੇਟੇ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਉਥੇ ਹੀ ਇਸ ਵੀਡੀਓ ਨੂੰ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਵੀ ਰੀਟਵੀਟ ਕੀਤਾ ਹੈ।
ਦਰਅਸਲ ਗੁੱਲ ਪਨਾਗ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਇੱਕ ਵੀਡੀਓ ਅਪਲੋਡ ਕੀਤੀ। ਜਿਸ ਵਿੱਚ ਗੁੱਲ ਪਨਾਗ ਦੇ ਨਾਲ ਉਨ੍ਹਾਂ ਦਾ ਪੁੱਤਰ ਨਿਹਾਲ ਨਜ਼ਰ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਨਿਹਾਲ ਇੱਕ ਮੈਗਜ਼ੀਨ ਕਵਰ ਪੇਜ ‘ਤੇ ਪੀਐੱਮ ਮੋਦੀ ਦੀ ਫੋਟੋ ਵੇਖਦਾ ਹੈ ਤੇ ਉਨ੍ਹਾਂ ਨੂੰ ਪਹਿਚਾਣ ਲੈਂਦਾ ਹੈ।
So Nihal now promptly identifies @narendramodi in magazines & newspapers. Gleefully pointing him out me – often first thing in the morning. I managed to make him do it 'for the camera'. @Openthemag pic.twitter.com/lQCLWqQOeZ
— Gul Panag (@GulPanag) October 16, 2019
ਇਸ ਵੀਡੀਓ ਦੀ ਕੈਪਸ਼ਨ ਵਿੱਚ ਗੁੱਲ ਪਨਾਗ ਨੇ ਲਿਖਿਆ ਤਾਂ ਹੁਣ ਨਿਹਾਲ ਮੈਗਜ਼ੀਨ ਤੇ ਨਿਊਜ਼ਪੇਪਰਸ ਵਿੱਚ ਪੀਐੱਮ ਨਰਿੰਦਰ ਮੋਦੀ ਨੂੰ ਪਹਿਚਾਣਨ ਲੱਗਿਆ ਹੈ। ਜ਼ਿਆਦਾਤਰ ਸਵੇਰੇ ਉਹ ਖੁਸ਼ੀ ਨਾਲ ਮੈਨੂੰ ਉਨ੍ਹਾਂ ਵੱਲ ਇਸ਼ਾਰਾ ਕਰਦੇ ਦੱਸਦਾ ਹੈ। ਮੈਂ ਬਹੁਤ ਮੁਸ਼ਕਲ ਨਾਲ ਕੈਮਰੇ ਦੇ ਸਾਹਮਣੇ ਉਸ ਤੋਂ ਅਜਿਹਾ ਕਰਵਾਇਆ ਇਸਦੇ ਨਾਲ ਹੀ ਗੁੱਲ ਨੇ ਮੋਦੀ ਨੂੰ ਵੀ ਵੀਡੀਓ ਵਿੱਚ ਟੈਗ ਕੀਤਾ।
Extremely adorable!
Do convey my blessings to young Nihal. Wishing him the very best, in whatever he seeks to do. I am also sure he will find an amazing mentor and guide in you, @GulPanag. https://t.co/CQN5hMPg7Z
— Narendra Modi (@narendramodi) October 17, 2019
ਵੀਡੀਓ ਅਪਲੋਡ ਹੋਣ ਤੋਂ ਕੁੱਝ ਦੇਰ ਬਾਅਦ ਹੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਲਗੀ। ਅਜਿਹੇ ਵਿੱਚ ਪੀਐਮ ਮੋਦੀ ਨੇ ਵੀ ਵੀਡੀਓ ਨੂੰ ਰੀਟਵੀਟ ਕਰਦੇ ਹੋਏ ਲਿਖਿਆ ਬਹੁਤ ਪਿਆਰਾ ! ਨਿਹਾਲ ਨੂੰ ਮੇਰਾ ਅਸ਼ਿਰਵਾਦ। ਉਹ ਭਵਿੱਖ ਵਿੱਚ ਜੋ ਵੀ ਕਰੇ ਉਸ ਦੇ ਲਈ ਸ਼ੁਭਕਾਮਨਾਵਾਂ। ਮੈਨੂੰ ਪੂਰਾ ਵਿਸ਼ਵਾਸ ਹੈ ਕਿ ਉਸ ਨੂੰ ਤੁਹਾਡੇ ਰੂਪ ਵਿੱਚ ਇੱਕ ਚੰਗਾ ਗੁਰੂ ਤੇ ਗਾਈਡ ਮਿਲੇਗਾ।
ਗੱਲ ਗੁੱਲ ਪਨਾਗ ਦੇ ਕਰੀਅਰ ਦੀਆਂ ਕਰੀਏ ਤਾਂ ਹਾਲ ਹੀ ਵਿੱਚ ਉਹ ਵੈੱਬ ਸੀਰੀਜ਼ ਦ ਫੈਮਿਲੀ ਮੈਨ ਵਿੱਚ ਨਜ਼ਰ ਆਈ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਅਗਲੀ ਫਿਲਮ ਬਾਇਪਾਸ ਰੋਡ ਹੈ। ਦੱਸ ਦਿਓ ਕਿ ਗੁੱਲ ਪਨਾਗ ਫਿਟਨੈੱਸ ਨੂੰ ਲੈ ਕੇ ਕਾਫ਼ੀ ਐਕਟਿਵ ਰਹਿੰਦੀ ਹੈ ਤੇ ਅਕਸਰ ਸੋਸ਼ਲ ਮੀਡੀਆ ‘ਤੇ ਫਿਟਨੈੱਸ ਨਾਲ ਜੁੜੀਆਂ ਤਸਵੀਰਾਂ ਤੇ ਵੀਡੀਓਜ਼ ਸ਼ੇਅਰ ਕਰਦੀ ਰਹਿੰਦੀ ਹੈ।
