ਸਾਬਕਾ ਕ੍ਰਿਕਟ ਖਿਡਾਰੀ ਮਾਧਵ ਆਪਟੇ ਦਾ ਅੱਜ ਸਵੇਰੇ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ ਹੈ। ਜਾਣਕਾਰੀ ਮੁਤਾਬਿਕ ਉਨ੍ਹਾਂ ਦਾ ਦੇਹਾਂਤ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ ਵਿੱਚ ਹੋਇਆ ਹੈ। ਸਾਬਕਾ ਕ੍ਰਿਕਟਰ ਦੇ ਬੇਟੇ ਵਾਮਨ ਆਪਟੇ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਾਬਕਾ ਓਪਨਰ ਖਿਡਾਰੀ ਨੇ ਅੱਜ ਸਵੇਰੇ ਕਰੀਬ 6 ਵਜੇ ਆਪਣੀ ਆਖਰੀ ਸਾਂਹ ਲਿਆ। ਦੱਸਣਯੋਗ ਹੈ ਕਿ ਉਨ੍ਹਾਂ ਦੀ ਉਮਰ 86 ਸਾਲ ਦੀ ਸੀ। ਉਨ੍ਹਾਂ ਨੇ ਭਾਰਤੀ ਟੀਮ ਵਿੱਚ ਰਹਿੰਦਿਆਂ 7 ਟੈਸਟ ਮੈਚ ਖੇਡੇ। ਟੈਸਟਾਂ ਮੈਚਾਂ ਦਰਮਿਆਨ ਕ੍ਰਿਕਟ ‘ਚ ਉਨ੍ਹਾਂ ਦੇ ਨਾਮ ਇੱਕ ਬੜਾ ਹੀ ਅਨੋਖਾ ਰਿਕਾਰਡ ਹੈ।
ਜਾਣਕਾਰੀ ਮੁਤਾਬਿਕ ਮਾਧਵ ਆਪਟੇ ਟੈਸਟ ਮੈਚਾਂ ਦੀ ਲੜੀ ਵਿੱਚ 4 ਸੌ ਤੋਂ ਵਧੇਰੇ ਦੌੜਾਂ ਬਣਾਉਣ ਵਾਲੇ ਪਹਿਲੇ ਭਾਰਤੀ ਬੱਲੇਬਾਜ਼ ਹਨ। ਉਨ੍ਹਾਂ ਨੇ 1953 ‘ਚ ਵੈਸਟਇੰਡੀਜ਼ ਦੌਰੇ ‘ਚ 460 ਦੌੜਾਂ ਬਣਾਈਆਂ ਸਨ। ਉਸ ਸਮੇਂ ਉਨ੍ਹਾਂ ਨੇ 5 ਟੈਸਟ ਮੈਚਾਂ ਦੀਆਂ 10 ਪਾਰੀਆਂ ‘ਚ (64, 52, 64, 9, 0, ਨਾਬਾਦ 163 , 30, 30, 15, 33 ਦੌੜਾਂ) 51.11 ਦੀ ਔਸਤ ਨਾਲ 460 ਦੌੜਾਂ ਬਣਾਈਆਂ ਸਨ। ਜਿਸ ਵਿੱਚ ਇੱਕ ਵਾਰ ਉਨ੍ਹਾਂ ਨੇ ਸੌ ਦੌੜਾਂ ਬਣਾਈਆਂ ਅਤੇ 3 ਵਾਰ ਅਰਧ ਸੈਚਰੀ ਬਣਾਈ ਸੀ। ਇਸ ਮੌਕੇ ਸਮੂਹ ਕ੍ਰਿਕਟਰਾਂ ਵੱਲੋਂ ਦੁੱਖ ਸਾਂਝਾ ਕੀਤਾ ਗਿਆ।
Have fond memories of Madhav Apte Sir.
I got to play against him at Shivaji Park when I was 14.
Still remember the time when he & Dungarpur Sir let me play for the CCI as a 15-year old. He always supported me & was a well wisher.
May his Soul Rest In Peace🙏 pic.twitter.com/NKp6NicyO5
— Sachin Tendulkar (@sachin_rt) September 23, 2019
