ਨਿਊਜ਼ ਡੈਸਕ: ਬੀਕਾਨੇਰ-ਜੰਮੂ-ਤਵੀ ਸਾਬਰਮਤੀ ਐਕਸਪ੍ਰੈਸ ਟਰੇਨ ਵਿੱਚ ਇੱਕ ਫੌਜੀ ਜਵਾਨ ਦੀ ਹੱਤਿਆ ਕਰ ਦਿੱਤੀ ਗਈ ਹੈ। ਰਿਪੋਰਟਾਂ ਅਨੁਸਾਰ, ਸਿਪਾਹੀ ਦਾ ਇੱਕ ਟਰੇਨ ਅਟੈਂਡੈਂਟ ਨਾਲ ਬੈੱਡਸ਼ੀਟ ਮੰਗਣ ਨੂੰ ਲੈ ਕੇ ਬਹਿਸ ਹੋ ਗਈ ਸੀ।ਫਿਰ ਫੌਜੀ ਦੀ ਹੱਤਿਆ ਕਰ ਦਿੱਤੀ ਗਈ। ਫੌਜੀ ਨੂੰ ਮਾਰਨ ਵਾਲੇ ਵਿਅਕਤੀ ਦੀ ਪਛਾਣ ਜ਼ੁਬੇਰ ਮੇਮਨ ਵਜੋਂ ਹੋਈ ਹੈ। ਰਾਜਸਥਾਨ ਦੀ ਬੀਕਾਨੇਰ ਰੇਲਵੇ ਪੁਲਿਸ ਨੇ ਇਸ ਘਟਨਾ ਦੇ ਦੋਸ਼ੀ ਜ਼ੁਬੇਰ ਮੇਮਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਹਾਸਿਲ ਜਾਣਕਾਰੀ ਅਨੁਸਾਰ ਮ੍ਰਿਤਕ ਫੌਜੀ ਸਿਪਾਹੀ ਫਿਰੋਜ਼ਪੁਰ ਛਾਉਣੀ ਤੋਂ ਬੀਕਾਨੇਰ-ਜੰਮੂ ਤਵੀ ਸਾਬਰਮਤੀ ਐਕਸਪ੍ਰੈਸ ਵਿੱਚ ਯਾਤਰਾ ਕਰ ਰਿਹਾ ਸੀ। ਉਹ ਗੁਜਰਾਤ ਦੇ ਸਾਬਰਮਤੀ ਦਾ ਰਹਿਣ ਵਾਲਾ ਸੀ। ਉਹ ਫਿਰੋਜ਼ਪੁਰ ਤੋਂ ਘਰ ਜਾ ਰਿਹਾ ਸੀ। ਹਾਲਾਂਕਿ, ਟ੍ਰੇਨ ਵਿੱਚ ਚਾਦਰ ਮੰਗਣ ਨੂੰ ਲੈ ਕੇ ਹੋਏ ਝਗੜੇ ਤੋਂ ਬਾਅਦ, ਸੇਵਾਦਾਰ ਜ਼ੁਬੇਰ ਮੇਮਨ ਨੇ ਸਿਪਾਹੀ ‘ਤੇ ਚਾਕੂ ਨਾਲ ਵਾਰ ਕੀਤਾ, ਜਿਸ ਕਾਰਨ ਉਸਦੀ ਮੌਤ ਹੋ ਗਈ। ਇਹ ਘਟਨਾ ਐਤਵਾਰ ਰਾਤ ਨੂੰ ਵਾਪਰੀ ਦੱਸੀ ਜਾ ਰਹੀ ਹੈ। ਘਟਨਾ ਸਬੰਧੀ ਹੁਣ ਤੱਕ ਪ੍ਰਾਪਤ ਜਾਣਕਾਰੀ ਅਨੁਸਾਰ, ਗੁਜਰਾਤ ਦੇ ਸਾਬਰਮਤੀ ਦਾ ਰਹਿਣ ਵਾਲਾ ਫੌਜ ਦਾ ਸਿਪਾਹੀ ਜਿਗਨੇਸ਼ ਚੌਧਰੀ ਜੰਮੂ ਦੇ ਊਧਮਪੁਰ ਵਿੱਚ ਤਾਇਨਾਤ ਸੀ। ਸਾਬਰਮਤੀ ਐਕਸਪ੍ਰੈਸ ਟਰੇਨ ਦੇ ਏਸੀ ਕੋਚ 3 ਵਿੱਚ ਐਤਵਾਰ ਰਾਤ ਨੂੰ ਇੱਕ ਸਿਪਾਹੀ ਅਤੇ ਇੱਕ ਸਹਾਇਕ ਵਿਚਕਾਰ ਬੈੱਡਸ਼ੀਟ ਦੀ ਮੰਗ ਨੂੰ ਲੈ ਕੇ ਝਗੜਾ ਹੋ ਗਿਆ। ਇਸ ਤੋਂ ਬਾਅਦ, ਜ਼ੁਬੇਰ ਆਪਣੇ ਕੋਚ ਵਿੱਚ ਜਿਗਨੇਸ਼ ਨੂੰ ਲੱਭਣ ਗਿਆ। ਫਿਰ ਉਸਨੇ ਸਿਪਾਹੀ ਦੀ ਲੱਤ ਵਿੱਚ ਚਾਕੂ ਮਾਰ ਦਿੱਤਾ। ਫੌਜੀ ਜਵਾਨ ਦੀ ਮੌਤ ਚਾਕੂ ਦੇ ਸੱਟ ਲੱਗਣ ਅਤੇ ਖੂਨ ਵਹਿਣ ਕਾਰਨ ਹੋਈ।
