ਚੰਡੀਗੜ੍ਹ: ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਅਧਿਕਾਰੀਆਂ ਨੂੰ ਗੋਲਡਨ ਜੈਯੰਤੀ ਗੁਰੂ ਦਰਸ਼ਨ ਯਾਤਰਾ ਯੋਜਨਾ, ਸਿੰਧੂ ਦਰਸ਼ਨ ਯਾਤਰਾ ਅਤੇ ਕੈਲਾਸ਼ ਮਾਨਸਰੋਵਰ ਯਾਤਰਾ ਦਾ ਵਿਸਤਾਰ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ, ਤਾਂ ਜੋ ਨਾਗਰਿਕਾਂ ਲਈ ਤੀਰਥਯਾਤਰਾ ਦੇ ਮੌਕਿਆਂ ਵਿੱਚ ਵਾਧਾ ਹੋ ਸਕੇ। ਨਾਲ ਹੀ, ਸੈਰ-ਸਪਾਟਾ ਵਿਭਾਗ ਨੂੰ ਹਰਿਆਣਾ ਦੇ ਸਾਰੇ 5 ਹੋਟਲ ਪ੍ਰਬੰਧਨ ਸੰਸਥਾਨਾ (ਆਈਐਚਐਮ) ਵਿੱਚ ਬਿਹਤਰ ਵਿਦਿਆਰਥੀ ਦਾਖਲਾ ਯਕੀਨੀ ਕਰਨ ਦੀ ਸਹੀ ਵਿਵਸਥਾ ਯਕੀਨੀ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ।
ਮੁੱਖ ਮੰਤਰੀ ਅੱਜ ਇੱਥੇ ਹਰਿਆਣਾ ਵਿਰਾਸਤ ਅਤੇ ਸੈਰ-ਸਪਾਟਾ ਵਿਭਾਗ ਦੀ ਸਮੀਖਿਆ ਮੀਟਿੰਗ ਦੀ ਅਗਵਾਈ ਕੀਤੀ। ਮੀਟਿੰਗ ਵਿੱਚ ਵਿਰਾਸਤ ਤੇ ਸੈਰ-ਸਪਾਟਾ ਮੰਤਰੀ ਡਾ. ਅਰਵਿੰਦ ਸ਼ਰਮਾ ਵੀ ਮੌਜੂਦ ਸਨ।
ਮੁੱਖ ਮੰਤਰੀ ਨੂੰ ਜਾਣੂ ਕਰਾਇਆ ਕਿ ਡਿਜੀਟਲ ਬਦਲਾਅ ਦੀ ਦਿਸ਼ਾ ਵਿੱਚ ਇੱਕ ਵੱਡੇ ਕਦਮ ਵਜੋ, ਹਰਿਆਣਾ ਸੈਰ-ਸਪਾਟਾ ਨਿਗਮ ਆਪਣੇ 42 ਟੂਰੀਜ਼ਮ ਕੰਪਲੈਕਸ ਵਿੱਚ ਬੈਂਕੁਅਟ ਹਾਲ, ਕਮੇਟੀ ਰੂਮ ਅਤੇ ਸਮੇਲਨ ਹਾਲ ਲਈ ਬੁਕਿੰਗ ਪ੍ਰਣਾਲੀ ਨੂੰ ਡਿਜੀਟਲ ਕਰੇਗਾ। ਮੁੱਖ ਮੰਤਰੀ ਨੇ ਹਾਲ ਹੀ ਵਿੱਚ ਸ਼ੁਰੂ ਕੀਤੀ ਗਈ ਡਿਜੀਟਲ ਬੁਕਿੰਗ ਪਹਿਲਾਂ ਅਤੇ ਮੇਕ ਮਾਈ ਟ੍ਰਿਪ ਅਤੇ ਬੁਕਿੰਗਜਿਨੀ ਵਰਗੇ ਆਨਲਾਇਨ ਟ੍ਰੈਵਲ ਏਜੰਟਾਂ ਦੇ ਨਾਲ ਸਹਿਯੋਗ ਦੀ ਵੀ ਸਮੀਖਿਆ ਕੀਤੀ।
ਮੁੱਖ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਕਿ ਹਰਿਆਣਾ ਸੈਰ-ਸਪਾਟਾ ਨਿਗਮ ਦੇ ਤਹਿਤ ਆਉਣ ਵਾਲੇ ਪੂਰੇ ਸੂਬੇ ਦੇ ਸਾਰੇ ਟੂਰੀਜ਼ਮ ਕੰਪਲੈਕਸ ਦਾ ਸੁੰਦਰੀਕਰਣ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਨੁੰ ਆਧੁਨਿਕ ਸਹੂਲਤਾਂ ਨਾਲ ਲੈਸ ਕੀਤਾ ਜਾਵੇ। ਉਨ੍ਹਾਂ ਨੇ ਕਿਹਾ ਕਿ ਇਸ ਪਹਿਲ ਨਾਲ ਜਨਤਾ ਦੇ ‘ਚ ਨਾ ਸਿਰਫ ਇੰਨ੍ਹਾਂ ਪਰਿਸਰਾਂ ਦੀ ਪ੍ਰਸਿੱਧੀ ਵਧੇਗੀ, ਸਗੋ ਉਨ੍ਹਾਂ ਦੇ ਮਾਲ ਵਿੱਚ ਵੀ ਵਰਨਣਯੋਗ ਵਾਧਾ ਹੋਵੇਗਾ।
ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸੂਬਾ ਸਰਕਾਰ ਹਰਿਆਣਾ ਵਿੱਚ ਸੈਰਸਪਾਟਾ ਨੂੰ ਹੋਰ ਵੱਧ ਪ੍ਰੋਤਸਾਹਨ ਦੇਣ ਦੇ ਲਈ ਪ੍ਰਤੀਬੱਧ ਹੈ ਅਤੇ ਇਸ ਦਿਸ਼ਾ ਵਿੱਚ ਕਈ ਵਿਸ਼ੇਸ਼ ਪਹਿਲ ਸ਼ੁਰੂ ਕੀਤੀ ਗਈ ਹੈ, ਜਿਨ੍ਹਾਂ ਵਿੱਚ ਹੋਮ ਸਟੇ ਯੋਜਨਾ ਨੁੰ ਲਾਗੂ ਕਰਨ, ਫਾਰਮ ਟੂਰੀਜ਼ਮ ਨੂੰ ਪ੍ਰੋਤਸਾਹਨ, ਏਡਵੇਂਚਰ ਖੇਡ ਗਤੀਵਿਧੀਆਂ ਅਤੇ ਡੇਸਟੀਨੇਸ਼ਨ ਵੇਡਿੰਗ ਵਰਗੀ ਯੋਜਨਾਵਾਂ ਸ਼ਾਮਿਲ ਹਨ।
ਫਰੀਦਾਬਾਦ ਦੇ ਰਾਜਾ ਨਾਹਰ ਸਿੰਘ ਪੈਲੇਸ ਵਿੱਚ ਵੀ ਸ਼ੁਰੂ ਹੋਵੇਗੀ ਡੇਸਟੀਨੇਸ਼ਨ ਵੇਡਿੰਗ ਯੋਜਨਾ
ਪਿੰਜੌਰ ਸਥਿਤ ਯਾਦਵੇਂਦਰ ਗਾਰਡਨ ਵਿੱਚ ਡੇਸਟੀਨੇਸ਼ਨ ਵੇਡਿੰਗ ਦੀ ਸਫਲਤਾ ਨੂੰ ਦੇਖਦੇ ਹੋਏ ਹੁਣ ਇਸ ਯੋਜਨਾ ਦਾ ਵਿਸਤਾਰ ਫਰੀਦਾਬਾਦ ਸਥਿਤ ਰਾਜਾ ਨਾਹਰ ਸਿੰਘ ਪੈਲੇਸ ਲਈ ਵੀ ਕਰਨ ਦਾ ਪ੍ਰਸਤਾਵ ਰੱਖਿਆ ਗਿਆ ਹੈ। ਯਾਦਵੇਂਦਰ ਗਾਰਡਨ ਵਿੱਚ ਕਿਰਾਇਆ 10 ਲੱਖ ਰੁਪਏ ਹੈ। ਮੁੱਖ ਮੰਤਰੀ ਨੇ ਯਾਦਵੇਂਦਰ ਗਾਰਡਨ ਨੂੰ ਹੋਰ ਵੱਧ ਦਿਲਖਿੱਚ ਬਨਾਉਣ ਦੀ ਜਰੂਰਤ ‘ਤੇ ਜੋਰ ਦਿੱਤਾ। ਉਨ੍ਹਾਂ ਨੇ ਸੁਝਾਅ ਦਿੱਤਾ ਕਿ ਇਸ ਗਾਰਡਨ ਵਿੱਚ ਸ੍ਰੀਨਗਰ ਦੇ ਪ੍ਰਸਿੱਦ ਟਿਯੂਲਿਪ ਗਾਰਡਨ ਦੀ ਤਰ੍ਹਾ ਵੱਖ-ਵੱਖ ਦੇ ਤਰ੍ਹਾ ਦੇ ਫੁੱਲ ਲਗਾਏ ਜਾਣ ਤਾਂ ਜੋ ਇਸ ਦੇ ਸੁੰਦਰਤਾ ਨੂੰ ਵਧਾਇਆ ਜਾ ਸਕੇ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸੈਰ-ਸਪਾਟਾ ਵਿਭਾਗ ਨੂੰ ਵਨ ਅਤੇ ਜੰਗਲੀ ਜੀਵ ਵਿਭਾਗ ਦੇ ਨਾਲ ਤਾਲਮੇਲ ਸਥਾਪਿਤ ਕਰ ਗਾਰਡਨ ਪਰਿਸਰ ਵਿੱਚ ਇੱਕ ਮਿਨੀ ਝੂ ਸਥਾਪਿਤ ਕਰਨ ਦੀ ਸੰਭਾਵਨਾਵਾਂ ਦਾ ਅਧਿਐਨ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ, ਜਿਸ ਨਾਲ ਸੈਨਾਨੀਆਂ ਦੀ ਗਿਣਤੀ ਵਿੱਚ ਹੋਰ ਇਜਾਫਾ ਹੋ ਸਕੇ।
ਮੁੱਖ ਮੰਤਰੀ ਨੂੰ ਜਾਣੁ ਕਰਾਇਆ ਗਿਆ ਕਿ ਭਾਰਤ ਸਰਕਾਰ ਦੀ ਸਵਦੇਸ਼ ਦਰਸ਼ਨ ਯੋਜਨਾ 2.0 ਤਹਿਤ ਯਾਦਵੇਂਦਰ ਗਾਰਡਨ ਦੇ ਪੁਨਰ ਨਿਰਮਾਣ ਅਤੇ ਸੁੰਦਰੀਕਰਣ ਲਈ 65.82 ਕਰੋੜ ਰੁਪਏ ਦੀ ਰਕਮ ਮੰਜੂਰ ਕੀਤੀ ਗਈ ਹੈ। ਇਸ ਯੋਜਨਾ ਤਹਿਤ ਪਾਰਕਿੰਗ ਦਾ ਵਿਕਾਸ, ਵਿਰਾਸਤ ਭਵਨਾਂ ਦਾ ਸਰੰਖਣ ਅਤੇ ਮੁੜ ਵਰਤੋ, ਪਾਣੀ ਦੇ ਚੈਨਲ ਤੇ ਫੁਹਾਰਾ ਪ੍ਰਣਾਲੀ ਦਾ ਮੁੜ ਨਿਰਮਾਣ, ਕਾਨਫ੍ਰੈਂਸ ਹਾਲ, ਪਰਿਸਰ ਦੀ ਲਾਈਟਿੰਗ ਤ। ਬਿਜਲੀਕਰਣ ਅਤੇ ਸੀਸੀਟੀਵੀ ਨਿਗਰਾਨੀ ਪ੍ਰਣਾਲੀ ਵਰਗੀ ਗਤੀਵਿਧੀਆਂ ਸ਼ਾਮਿਲ ਹਨ। ਇਸ ਤੋਂ ਇਲਾਵ, ਰਾਣੀ ਮਹਿਲ ਦੇ ਮੁੜ ਵਿਸਥਾਰ ਦਾ ਵੀ ਪ੍ਰਸਤਾਵ ਹੈ। ਨਾਲ ਹੀ, ਮਨੋਰੰਜਨ ਪਾਰਕ ਲਈ ਨਵਾਂ ਟੇਂਡਰ ਜਾਰੀ ਕੀਤਾ ਜਾਵੇਗਾ, ਜਿਸ ਨਾਲ ਯਾਦਵੇਂਦਰ ਗਾਰਡਨ ਵਿੱਚ ਸੈਨਾਨੀਆਂ ਦੀ ਗਿਣਤੀ ਵਿੱਚ ਵਰਨਣਯੋਗ ਵਾਧਾ ਹੋਣ ਦੀ ਸੰਭਾਵਨਾ ਹੈ।
ਮੋਰਨੀ ਦਾ ਟਿੱਕਰ ਤਾਲ ਬਣੇਗਾ ਪ੍ਰਮੁੱਖ ਸੈਰ-ਸਪਾਟਾ ਸਥਾਨ, ਰੋਪਵੇ ਅਤੇ ਸਵੀਮਿੰਗ ਪੂਲ ਵਰਗੀ ਸਹੂਲਤਾਂ ਹੋਣਗੀਆਂ ਵਿਕਸਿਤ
ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਨਿਰਦੇਸ਼ ਦਿੱਤੇ ਕਿ ਪੰਚਕੂਲਾ ਜਿਲ੍ਹੇ ਦੇ ਮੋਰਨੀ ਸਥਿਤ ਟਿੱਕਰਤਾਲ ਨੂੰ ਇੱਕ ਪ੍ਰਮੁੱਖ ਸੈਰ-ਸਪਾਟਾ ਸਥਾਨ ਵਜੋ ਵਿਕਸਿਤ ਕੀਤਾ ਜਾਵੇ। ਉਨ੍ਹਾਂ ਨੇ ਕਿਹਾ ਕਿ ਸੈਨਾਨੀਆਂ ਨੂੰ ਖਿੱਚਣ ਲਈ ਇੱਥੇ ਰੋਪਵੇ ਅਤੇ ਸਵੀਮਿੰਗ ਪੂਲ ਵਰਗੀ ਆਧੁਨਿਕ ਸਹੂਲਤਾਂ ਉਪਲਬਧ ਕਰਾਈਆਂ ਜਾਣਗੀਆਂ। ਨਾਲ ਹੀ, ਟਿੱਕਰ ਤਾਲ ਤੱਕ ਆਉਣ ਵਾਲੀ ਸੜਕ ਚੌੜਾ ਕਰਨ ਦੇ ਵੀ ਨਿਰਦੇਸ਼ ਦਿੱਤੇ ਗਏ ਤਾਂ ਜੋ ਟੈਫ੍ਰਿਕ ਜਾਮ ਤੋਂ ਬਚਿਆ ਜਾ ਸਕੇ ਅਤੇ ਵਾਹਨਾ ਦੀ ਆਵਾਜਾਈ ਸਰਲ ਬਣੀ ਰਹੇ। ਮੀਟਿੰਗ ਵਿੱਚ ਦਸਿਆ ਗਿਆ ਕਿ ਭਾਰਤ ਸਰਕਾਰ ਤੋਂ ਟਿੱਕਰ ਤਾਲ ਦੇ ਵਿਕਾਸ ਤਹਿਤ 26.6 ਕਰੋੜ ਰੁਪਏ ਦੀ ਰਕਮ ਪ੍ਰਾਪਤ ਹੋਈ ਹੈ। ਇਸ ਤੋਂ ਇਲਾਵਾ, ਸੈਨਾਨੀਆਂ ਨੂੰ ੱਿਖਚਣ ਲਈ ਜਿਪ ਵਾਹਨ ਅਤੇ ਸਵਿਸ ਟੈਂਟ ਵਰਗੀ ਵੱਧ ਗਤੀਵਿਧੀਆਂ ਦੀ ਵੀ ਯੋਜਨਾ ਹੈ।
ਸੂਰਜਕੁੰਡ, ਫਰੀਦਾਬਾਦ ਵਿੱਚ ਬੁਨਿਆਦੀ ਢਾਂਚੇ ਨੂੰ ਮਜਬੂਤ ਕਰਨ ਦੇ ਨਿਰਦੇਸ਼ ਦਿੰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਦਿੱਲੀ ਦੇ ਪ੍ਰਸਿੱਦ ਮੁਗਲ ਗਾਰਡਨ ਦੀ ਤਰਜ ‘ਤੇ 10 ਏਕੜ ਖੇਤਰ ਵਿੱਚ ਇੱਕ ਸੁੰਦਰ ਗਾਰਡਨ ਵਿਕਸਿਤ ਕੀਤਾ ਜਾਵੇ। ਗਾਰਡਨ ਵਿੱਚ ਹਰਿਆਲੀ ਦੇ ਨਾਂਲ-ਨਾਲ ਏਡਵੇਂਚਰ ਗਤੀਵਿਧੀਆਂ, ਲਾਈਟਿੰਗ, ਸੰਗੀਤ ਅਤੇ ਲੇਜਰ ਸ਼ੌ ਵਰਗੀ ਸਹੂਲਤਾ ਵੀ ਸ਼ਾਮਿਲ ਕੀਤੀਆਂ ਜਾਣਗੀਆਂ, ਤਾਂ ਜੋ ਆਮ ਜਨਤਾ ਨੂੰ ਇੱਕ ਖੁਸ਼ਹਾਲ ਅਤੇ ਮਨੋਰੰਜਕ ਤਜਰਬਾ ਮਿਲ ਸਕੇ।
ਮੁੱਖ ਮੰਤਰੀ ਨੇ ਗੋਲਡਨ ਜੈਯੰਤੀ ਗੁਰੂ ਦਰਸ਼ਨ ਯੋਜਨਾ ਦੀ ਸਮੀਖਿਆ ਕਰਦੇ ਹੋਏ ਨਿਰਦੇਸ਼ ਦਿੱਤੇ ਕਿ ਨਨਕਾਣਾ ਸਾਹਿਬ, ਪਟਨਾ ਸਾਹਿਬ, ਹੇਮਕੁੰਟ ਸਾਹਿਬ, ਆਨੰਦਪੁਰ ਸਾਹਿਬ ਅਤੇ ਚਮਕੌਰ ਸਾਹਿਬ ਵਰਗੇ ਪ੍ਰਮੁੱਖ ਧਾਰਮਿਕ ਸਥਾਨਾਂ ਨੂੰ ਵੀ ਇਸ ਯੋਜਨਾ ਵਿੱਚ ਸ਼ਾਮਿਲ ਕੀਤਾ ਜਾਵੇ। ਇਸ ਯੋਜਨਾ ਤਹਿਤ ਹਰਿਆਣਾ ਦੇ ਨਿਵਾਸੀਆਂ ਨੁੰ ਗੁਰੂ ਦਰਸ਼ਨ ਯਾਤਰਾ ‘ਤੇ ਜਾਣ ਲਈ 6000 ਰੁਪਏ ਤੱਕ ਜਾਂ ਮੌਜੂਦਾ ਖਰਚ ਦਾ 50 ਫੀਸਦੀ (ਜੋ ਵੀ ਘੱਟ ਹੋਵੇ) ਵਿੱਤੀ ਸਹਾਇਤਾ ਦਿੱਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਵਿਭਾਗ ਦੀ ਇੱਕ ਹੋਰ ਯੋਜਨਾ ਤਹਿਤ ਰਾਜ ਦੇ ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਵਿਦਿਅਕ ਦੌਰੇ ‘ਤੇ ਮਨਾਲੀ ਲੈ ਜਾਇਆ ਜਾਂਦਾ ਹੈ। ਨਾਲ ਹੀ, ਆਈਆਰਬੀ ਵੱਲੋਂ ਵਿਦਿਆਰਥੀਆਂ ਲਈ ਟ੍ਰੇਨ ਵੱਲੋਂ ਜਿਮ ਕਾਰਬੇਟ ਨੈ ਸ਼ਨਲ ਪਾਰਕ ਦੀ ਯਾਤਰਾ ਪ੍ਰਬੰਧਿਤ ਕਰਨ ਦਾ ਵੀ ਪ੍ਰਸਤਾਵ ਪ੍ਰਾਪਤ ਹੋਇਆ ਹੈ।
