ਨਵੀਂ ਦਿੱਲੀ: ਅੱਜਕੱਲ੍ਹ ਨਕਲੀ ਦੁੱਧ ਅਤੇ ਪਨੀਰ ਇੱਕ ਵੱਡੀ ਸਮੱਸਿਆ ਬਣ ਗਿਆ ਹੈ। ਲੋਕਾਂ ਨੂੰ ਲਗਦਾ ਹੈ ਕਿ ਉਹ ਦੁੱਧ ਪੀ ਕੇ ਸਿਹਤ ਬਣਾ ਰਹੇ ਹਨ ਪਰ ਹੁੰਦਾ ਉਲਟ ਹੈ ਸਗੋਂ ਉਨ੍ਹਾਂ ਦੀ ਸਿਹਤ ਤੇ ਮਾੜਾ ਅਸਰ ਪੈ ਰਿਹਾ ਹੈ। ਲੋਕ ਅਸਲੀ ਦੁੱਧ ਅਤੇ ਪਨੀਰ ਦੀ ਕੀਮਤ ‘ਤੇ ਨਕਲੀ ਉਤਪਾਦ ਖਰੀਦ ਰਹੇ ਹਨ। ਪਰ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਕਿ ਉਹ ਅਣਜਾਣੇ ਵਿੱਚ ਖਤਰਨਾਕ ਰਸਾਇਣਾਂ ਦਾ ਸੇਵਨ ਕਰ ਰਹੇ ਹਨ, ਜੋ ਹੌਲੀ-ਹੌਲੀ ਉਨ੍ਹਾਂ ਦੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ।
ਹਾਲ ਹੀ ਵਿੱਚ, ਫੂਡ ਸੇਫਟੀ ਵਿਭਾਗ ਨੇ ਉੱਤਰ ਪ੍ਰਦੇਸ਼ ਦੇ ਬੁਲੰਦਸ਼ਹਿਰ ਵਿੱਚ ਇੱਕ ਵੱਡੇ ਨਕਲੀ ਦੁੱਧ ਦੇ ਕਾਰੋਬਾਰ ਦਾ ਪਰਦਾਫਾਸ਼ ਕੀਤਾ ਹੈ। ਪੁਲਿਸ ਨੇ ਕਾਰੋਬਾਰੀ ਅਜੈ ਅਗਰਵਾਲ ਦੇ ਗੋਦਾਮ ’ਤੇ ਛਾਪਾ ਮਾਰ ਕੇ ਉਸ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਹ ਨਕਲੀ ਦੁੱਧ ਬਣਾਉਣ ਲਈ ਕੈਮੀਕਲ ਤਿਆਰ ਕਰਦਾ ਸੀ। ਇਸ ਕੈਮੀਕਲ ਦਾ ਇੱਕ ਲੀਟਰ 500 ਲੀਟਰ ਨਕਲੀ ਦੁੱਧ ਬਣਾਉਣ ਲਈ ਵਰਤਿਆ ਜਾਂਦਾ ਸੀ, ਜਿਸ ਨੂੰ ਦਿੱਲੀ ਅਤੇ ਨੋਇਡਾ ਭੇਜਿਆ ਜਾਂਦਾ ਸੀ।
ਅਜੈ ਅਗਰਵਾਲ ਦੀ ਗ੍ਰਿਫਤਾਰੀ ਤੋਂ ਬਾਅਦ ਫੂਡ ਸੇਫਟੀ ਵਿਭਾਗ ਨੇ ਇਸ ਕੈਮੀਕਲ ਨੂੰ ਬਣਾਉਣ ਦਾ ਲਾਈਵ ਡੈਮੋ ਦਿੱਤਾ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਅਧਿਕਾਰੀ ਬੋਤਲ ‘ਚ ਕੈਮੀਕਲ ਪਾ ਰਹੇ ਹਨ ਅਤੇ ਕੁਝ ਹੀ ਦੇਰ ‘ਚ ਪਾਣੀ ਦੁੱਧ ਵਰਗਾ ਹੋਣ ਲੱਗਦਾ ਹੈ। ਛਾਪੇਮਾਰੀ ਦੌਰਾਨ ਵਿਭਾਗ ਨੂੰ ਕਾਰੋਬਾਰੀ ਦੇ ਗੋਦਾਮ ਵਿੱਚੋਂ 21,700 ਕਿਲੋ ਕੈਮੀਕਲ ਬਰਾਮਦ ਹੋਇਆ ਹੈ। ਇਨ੍ਹਾਂ ਵਿੱਚ ਹਾਨੀਕਾਰਕ ਪਦਾਰਥ ਜਿਵੇਂ ਕਿ ਸਕਿਮਡ ਦੁੱਧ, ਕਾਸਟਿਕ ਪੋਟਾਸ਼, ਵੇਅ ਪਾਊਡਰ, ਸੋਰਬਿਟੋਲ ਅਤੇ ਸੋਇਆ ਰਿਫਾਇੰਡ ਸ਼ਾਮਿਲ ਸਨ।
एक लीटर केमिकल से 500 लीटर नक़ली दूध तैयार किया जा रहा है. हैरान करने वाली बात यह है की मशीन भी इस नक़ली दूध को नहीं पकड़ पा रही है. बुलन्दशहर में छापेमारी के दौरान नक़ली दूध बनाने वाली फ़ैक्ट्री का खुलासा हुआ है.
आप डेमो देख लीजिए. समझ जाएंगे कि नक़ली दूध कैसे तैयार हो रहा है.… pic.twitter.com/Pc2APX4VUd
— Priya singh (@priyarajputlive) December 8, 2024
ਅਜੈ ਅਗਰਵਾਲ, ਜੋ ਕਿ ਬੁਲੰਦਸ਼ਹਿਰ ਦੇ ਦੇਵੀਪੁਰਾ ਦਾ ਰਹਿਣ ਵਾਲਾ ਹੈ, ਪਿਛਲੇ 20 ਸਾਲਾਂ ਤੋਂ ਨਕਲੀ ਦੁੱਧ ਬਣਾਉਣ ਦੇ ਇਸ ਧੰਦੇ ਵਿੱਚ ਸ਼ਾਮਿਲ ਸੀ। ਉਸ ਵੱਲੋਂ ਤਿਆਰ ਕੀਤੇ ਡੇਅਰੀ ਉਤਪਾਦਾਂ ਨੂੰ ਸਿਆਣਾ ਰੋਡ ’ਤੇ ਸਥਿਤ ਆਪਣੀ ਦੁਕਾਨ ‘ਅਗਰਵਾਲ ਟਰੇਡਰਜ਼’ ’ਤੇ ਵੇਚਿਆ ਜਾਂਦਾ ਸੀ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
