ਨਿਊਜ਼ ਡੈਸਕ: ਯੋਗਗੁਰੂ ਬਾਬਾ ਰਾਮਦੇਵ ਨੂੰ ਸਵਾਮੀ ਰਾਮਦੇਵ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ। ਬਾਬਾ ਰਾਮਦੇਵ ਅਧਿਆਤਮਿਕ ਗੁਰੂ ਵੀ ਹਨ ਅਤੇ ਯੋਗਾ ਸਿਖਾਉਣ ਤੋਂ ਲੈ ਕੇ ਸਿਹਤ ਨੂੰ ਸੁਧਾਰਨ ਲਈ ਵੱਖ-ਵੱਖ ਤਰ੍ਹਾਂ ਦੀਆਂ ਸਲਾਹਾਂ ਦਿੰਦੇ ਰਹਿੰਦੇ ਹਨ। ਬਹੁਤ ਸਾਰੇ ਲੋਕ ਬਾਬਾ ਰਾਮਦੇਵ ਨੂੰ ਫਾਲੋਅ ਕਰਦੇ ਹਨ ਅਤੇ ਉਨ੍ਹਾਂ ਦੁਆਰਾ ਦਿੱਤੇ ਗਏ ਟਿਪਸ ਨੂੰ ਅਜ਼ਮਾਉਂਦੇ ਹਨ। X ‘ਤੇ ਸ਼ੇਅਰ ਕੀਤੇ ਗਏ ਆਪਣੇ ਇਕ ਵੀਡੀਓ ‘ਚ ਬਾਬਾ ਰਾਮਦੇਵ ਦੱਸ ਰਹੇ ਹਨ ਕਿ ਗੁੜ ਦੇ ਲੱਡੂ ਕਿਵੇਂ ਬਣਾਉਣੇ ਹਨ। ਯੋਗਗੁਰੂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇਹ ਨੁਸਖਾ ਆਪਣੀ ਮਾਂ ਤੋਂ ਸਿੱਖਿਆ ਹੈ। ਬਾਬਾ ਰਾਮਦੇਵ ਮੁਤਾਬਕ ਇਹ ਦੁਨੀਆ ਦਾ ਸਭ ਤੋਂ ਸਸਤਾ ਸੁਪਰ ਟੌਨਿਕ ਗੋਂਦ ਲੱਡੂ ਹੈ ਜਿਸ ਨੂੰ ਘਰ ‘ਚ ਆਸਾਨੀ ਨਾਲ ਬਣਾਇਆ ਜਾ ਸਕਦਾ ਹੈ। ਅਜਿਹੇ ‘ਚ ਬਿਨਾਂ ਕਿਸੇ ਦੇਰੀ ਦੇ ਤੁਹਾਨੂੰ ਇਨ੍ਹਾਂ ਲੱਡੂਆਂ ਨੂੰ ਬਣਾਉਣ ਦਾ ਤਰੀਕਾ ਵੀ ਜਾਣ ਲੈਣਾ ਚਾਹੀਦਾ ਹੈ।
ਗੋਂਦ ਦੇ ਲੱਡੂ ਬਣਾਉਣ ਲਈ ਸਭ ਤੋਂ ਪਹਿਲਾਂ ਇੱਕ ਕੜਾਹੀ ਵਿੱਚ ਗਾਂ ਦੇ ਘਿਓ ਨੂੰ ਗਰਮ ਕਰੋ ਅਤੇ ਇਸ ਵਿੱਚ 3 ਮੁੱਠੀ ਗੋਂਦ ਪਾਓ। ਗੋਂਦ ਨੂੰ ਜ਼ਿਆਦਾ ਨਾ ਫ੍ਰਾਈ ਨਹੀਂ ਕਰਨਾ ਨਹੀਂ ਤਾਂ ਇਹ ਕਾਲੀ ਅਤੇ ਕੌੜੀ ਹੋ ਜਾਵੇਗੀ। ਜਦੋਂ ਵੀ ਤੁਸੀਂ ਘਿਓ ‘ਚ ਭੁੰਨਣ ਲਈ ਗੋਂਦ ਪਾਓ ਤਾਂ ਧਿਆਨ ਰੱਖੋ ਕਿ ਘਿਓ ਗਰਮ ਹੋਵੇ। ਹੁਣ ਇੱਕ ਪੈਨ ਵਿੱਚ ਆਟੇ ਨੂੰ ਭੁੰਨ ਲਓ ਅਤੇ ਦੂਜੇ ਪੈਨ ਵਿੱਚ ਵੇਸਣ ਨੂੰ ਭੁੰਨਦੇ ਰਹੋ। ਇਸ ਤੋਂ ਬਾਅਦ ਦੋਵਾਂ ਨੂੰ ਇੱਕੋ ਕੜਾਹੀ ‘ਚ ਮਿਲਾ ਕੇ ਪਕਾਓ। ਦੋਵਾਂ ਨੂੰ ਮਿਲਾਓ ਅਤੇ ਉੱਪਰੋਂ ਬੂਰਾ ਜਾਂ ਖੰਡ ਪਾਓ। ਇਸ ਤੋਂ ਬਾਅਦ ਇਸ ਮਿਸ਼ਰਣ ਵਿਚ ਲੋੜ ਅਨੁਸਾਰ ਗੋਂਦ ਪਾਓ। ਇਸ ਮਿਸ਼ਰਣ ਦੇ ਪਕ ਜਾਣ ਤੋਂ ਬਾਅਦ ਇਸ ਨੂੰ ਠੰਢਾ ਕਰੋ ਅਤੇ ਫਿਰ ਲੱਡੂ ਬਣਾ ਲਓ।
घर में कैसे बनाएं दुनिया का सबसे अच्छा और सबसे सस्ता सुपर टॉनिक बलवर्धक गोंद का लड्डू #Health #HealthyFoods #Ayurveda pic.twitter.com/INdwMUbNpx
— स्वामी रामदेव (@yogrishiramdev) November 21, 2024
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
