ਲੋਕ ਸਭਾ ਸੈਸ਼ਨ ਦੌਰਾਨ ਜਿੱਥੇ ਕਈ ਅਹਿਮ ਮਸਲੇ ਵਿਚਾਰੇ ਜਾ ਰਹੇ ਹਨ ਤਾਂ ਨਾਲ ਨਾਲ ਲਗਾਤਾਰ ਆਪੋ ਆਪਣੇ ਵਿਰੋਧੀਆਂ ‘ਤੇ ਤੰਜ ਕਸੇ ਜਾ ਰਹੇ ਹਨ। ਇਸ ਦੇ ਚਲਦਿਆਂ ਲੋਕ ਸਭਾ ‘ਚ ਵਿਰੋਧੀ ਧਿਰ ‘ਤੇ ਹਮਲਾ ਕਰਦੇ ਹੋਏ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਕਿਹਾ ਕਿ ਅਸੀਂ ਰੀਲਾਂ ਨਹੀਂ ਬਣਾਉਂਦੇ, ਅਸੀਂ ਮਿਹਨਤ ਕਰਦੇ ਹਾਂ। ਉਹ ਸਿਰਫ਼ ਦਿਖਾਵੇ ਲਈ ਰੀਲਾਂ ਬਣਵਾਉਣ ਵਾਲੇ ਨਹੀਂ ਹਨ। ਰੇਲ ਹਾਦਸੇ ਨੂੰ ਲੈ ਕੇ ਵਿਰੋਧੀ ਧਿਰ ਦੇ ਹੰਗਾਮੇ ਤੋਂ ਨਾਰਾਜ਼ ਅਸ਼ਵਨੀ ਵੈਸ਼ਨਵ ਨੇ ਕਿਹਾ ਕਿ ਜਿਹੜੇ ਲੋਕ ਇੱਥੇ ਰੌਲਾ ਪਾ ਰਹੇ ਹਨ, ਉਨ੍ਹਾਂ ਨੂੰ ਪੁੱਛਿਆ ਜਾਣਾ ਚਾਹੀਦਾ ਹੈ ਕਿ ਉਹ 58 ਸਾਲਾਂ ਦੇ ਸੱਤਾ ‘ਚ ਰਹਿਣ ਦੌਰਾਨ ਇਕ ਕਿਲੋਮੀਟਰ ਆਟੋਮੈਟਿਕ ਟਰੇਨ ਪ੍ਰੋਟੈਕਸ਼ਨ (ਏਟੀਪੀ) ਵੀ ਕਿਉਂ ਨਹੀਂ ਲਗਾ ਸਕੇ। ਉਨ੍ਹਾਂ ਕਿਹਾ ਕਿ ਨਰਿੰਦਰ ਮੋਦੀ ਸਰਕਾਰ ਨੇ 2016 ਵਿੱਚ ਸੋਧਾਂ ਲਿਆ ਕੇ ਲੋਕੋ ਪਾਇਲਟਾਂ ਦੇ ਕੰਮਕਾਜੀ ਹਾਲਾਤ ਵਿੱਚ ਸੁਧਾਰ ਕੀਤਾ ਹੈ।
ਅਸ਼ਵਨੀ ਵੈਸ਼ਨਵ ਨੇ ਕਿਹਾ, “ਲੋਕੋ ਪਾਇਲਟਾਂ ਦਾ ਔਸਤ ਕੰਮ ਕਰਨ ਅਤੇ ਆਰਾਮ ਕਰਨ ਦਾ ਸਮਾਂ 2005 ਵਿੱਚ ਬਣਾਏ ਗਏ ਇੱਕ ਨਿਯਮ ਦੁਆਰਾ ਤੈਅ ਕੀਤਾ ਜਾਂਦਾ ਹੈ। 2016 ਵਿੱਚ, ਨਿਯਮਾਂ ਵਿੱਚ ਸੋਧ ਕੀਤੀ ਗਈ ਸੀ ਅਤੇ ਲੋਕੋ ਪਾਇਲਟਾਂ ਨੂੰ ਵਧੇਰੇ ਸੁਵਿਧਾਵਾਂ ਦਿੱਤੀਆਂ ਗਈਆਂ ਸਨ ਅਤੇ ਬਹੁਤ ਸਾਰੇ ਡੱਬਿਆਂ ਨੁੰ ਏਅਰ ਕੰਡੀਸ਼ਨਡ ਬਣਾਇਆ ਗਿਆ ਸੀ। ਲੋਕੋ ਕੈਬਜ਼ ਬਹੁਤ ਵਾਈਬ੍ਰੇਟ ਹੁੰਦੀਆਂ ਹਨ, ਗਰਮ ਹੁੰਦੀਆਂ ਹਨ ਅਤੇ ਇਸ ਲਈ 7,000 ਤੋਂ ਵੱਧ ਲੋਕੋ ਕੈਬ ਏਅਰ ਕੰਡੀਸ਼ਨਡ ਹਨ, ਇਹ ਸਭ ਉਨ੍ਹਾਂ ਲੋਕਾਂ ਦੇ ਸਮੇਂ ਵਿੱਚ ਬੇਕਾਰ ਸੀ ਜੋ ਅੱਜ ਰੀਲਾਂ ਬਣਾ ਕੇ ਹਮਦਰਦੀ ਦਿਖਾਉਂਦੇ ਹਨ। ਜਦੋਂ ਅਸ਼ਵਨੀ ਵੈਸ਼ਨਵ ਸਦਨ ‘ਚ ਬੋਲਣ ਲਈ ਖੜ੍ਹੇ ਹੋਏ ਤਾਂ ਵਿਰੋਧੀ ਧਿਰ ਦੇ ਸੰਸਦ ਮੈਂਬਰਾਂ ਨੇ ‘ਅਸ਼ਵਨੀ ਵੈਸ਼ਨਵ ਹਾਇ ਹਾਇ’ ਦੇ ਨਾਅਰੇ ਲਾਉਣੇ ਸ਼ੁਰੂ ਕਰ ਦਿੱਤੇ। ਇਸ ਤੋਂ ਬਾਅਦ ਉਹ ਆਪਣਾ ਆਪਾ ਗੁਆ ਬੈਠੇ ਅਤੇ ਸੰਸਦ ਵਿੱਚ ਵਿਰੋਧੀ ਧਿਰ ਦੇ ਸੰਸਦ ਮੈਂਬਰਾਂ ਨੂੰ ਸਖ਼ਤ ਤਾੜਨਾ ਕੀਤੀ। ਉਨ੍ਹਾਂ ਕਿਹਾ, ”ਜਦੋਂ ਮਮਤਾ ਬੈਨਰਜੀ ਰੇਲ ਮੰਤਰੀ ਸਨ ਤਾਂ ਉਹ ਗੱਲ ਕਰਦੇ ਸਨ ਕਿ ਰੇਲ ਹਾਦਸੇ 0.24 ਫੀਸਦੀ ਤੋਂ ਘੱਟ ਕੇ 0.19 ਫੀਸਦੀ ‘ਤੇ ਆ ਗਏ ਹਨ ਤਾਂ ਇਹ ਲੋਕ ਸਦਨ ’ਚ ਤਾੜੀਆਂ ਵਜਾਉਂਦੇ ਸਨ ਅਤੇ ਅੱਜ ਜਦੋਂ ਇਹ ਘੱਟ ਹੋ ਗਈ ਹੈ। 0.19 ਫੀਸਦੀ ਤੋਂ 0.03 ਫੀਸਦੀ ‘ਤੇ ਆ ਗਏ ਹਨ ਤਾਂ ਉਹ ਅਜਿਹੇ ਦੋਸ਼ ਲਗਾਉਂਦੇ ਹਨ, ਕੀ ਇਹ ਦੇਸ਼ ਇਸ ਤਰ੍ਹਾਂ ਚੱਲੇਗਾ? ਉਨ੍ਹਾਂ ਅੱਗੇ ਕਿਹਾ, “ਰੇਲਵੇ ਦੇ ਸੁਧਾਰ ਲਈ ਸਾਰਿਆਂ ਨੂੰ ਇਕੱਠੇ ਹੋਣਾ ਪਵੇਗਾ। ਰਣਨੀਤੀ ਦੇ ਹਿੱਸੇ ਵਜੋਂ, ਸਪਾ ਅਤੇ ਕਾਂਗਰਸ ਨੇ ਅਯੁੱਧਿਆ ਦੇ ਪੁਰਾਣੇ ਰੇਲਵੇ ਸਟੇਸ਼ਨ ਦੀ ਕੰਧ ਦੀ ਤਸਵੀਰ ਸਾਂਝੀ ਕਰਕੇ ਨਵੇਂ ਰੇਲਵੇ ਸਟੇਸ਼ਨ ਦੇ ਨੁਕਸਾਨ ਦੀ ਗੱਲ ਕਹੀ, ਜੋ ਕਿ ਝੂਠ ਸਾਬਤ ਹੋਇਆ, ਆਪਣੀ ਟ੍ਰੋਲ ਫੌਜ ਦੀ ਮਦਦ ਨਾਲ 2 ਕਰੋੜ ਲੋਕਾਂ ਦੇ ਦਿਲਾਂ ਵਿੱਚ ਡਰ ਪੈਦਾ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ ਜੋ ਹਰ ਰੋਜ਼ ਰੇਲਾਂ ਰਾਹੀਂ ਯਾਤਰਾ ਕਰਦੇ ਹਨ। ਅਸੀਂ ਸਖ਼ਤ ਮਿਹਨਤ ਕਰਦੇ ਹਾਂ, ਤੁਹਾਡੇ ਵਰਗੇ ਲੋਕ ਸਿਰਫ਼ ਪ੍ਰਚਾਰ ਲਈ, ਦਿਖਾਵੇ ਲਈ ਰੀਲਾਂ ਬਣਾਉਂਦੇ ਹਨ।
