ਟੋਰਾਂਟੋ: ਕੈਨੇਡਾ ਦੇ ਸੂਬੇ ਟੋਰਾਂਟੋ ਦੀ ਪੁਲਿਸ ਦੇ ਅਫਸਰਾਂ ‘ਤੇ ਗੰਭੀਰ ਦੋਸ਼ ਲੱਗੇ ਹਨ। ਜਾਣਕਾਰੀ ਮੁਤਾਬਕ ਬੀਤੇ ਮਹੀਨੇ ਇੱਕ ਵਿਅਕਤੀ ਦੀ ਗ੍ਰਿਫ਼ਤਾਰੀ ਦੌਰਾਨ ਉਸ ਕੋਲੋਂ ਦੋ ਬੋਤਲਾਂ ਬਰਾਮਦ ਕੀਤੀਆਂ ਸੀ, ਜਿਹਨਾਂ ਨੂੰ ਥਾਣੇ ‘ਚ ਜਮ੍ਹਾਂ ਨਹੀਂ ਕਰਵਾਇਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਟੋਰਾਂਟੋ ਪੁਲਿਸ ਦੀ 51 ਡਿਵੀਜ਼ਨ ਦੇ ਦੋ ਅਫ਼ਸਰਾਂ ਵੱਲੋਂ ਬੀਤੀ 12 ਅਪ੍ਰੈਲ ਨੂੰ ਕਈ ਵਾਰਟਾਂ ਅਧੀਨ ਲੋੜੀਂਦੇ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਉਹਨਾਂ ਕੋਲੋਂ ਚੋਰੀ ਦੀ ਸ਼ਰਾਬ ਬਰਾਮਦ ਕੀਤੀ।
ਅਫਸਰਾਂ ‘ਤੇ ਦੋਸ਼ ਲੱਗ ਰਹੇ ਹਨ ਕਿ ਦੋਵੇਂ ਸ਼ਰਾਬ ਦੀਆਂ ਬੋਤਲਾਂ ਆਪਣੀਆਂ ਨਿੱਜੀ ਗੱਡੀਆਂ ‘ਚ ਲੈ ਗਏ। ਮਾਮਲਾ ਗਰਮਾਉਣ ਤੋਂ ਬਾਅਦ ਪੁਲਿਸ ਵੱਲੋਂ ਤਲਾਸ਼ੀ ਵਾਰੰਟਾਂ ਦੇ ਆਧਾਰ ‘ਤੇ ਕਾਰਵਾਈ ਕੀਤੀ ਗਈ ਤਾਂ ਇੱਕ ਬੋਤਲ ਇੱਕ ਅਫਸਰ ਦੇ ਘਰ ਬਰਾਮਦ ਹੋਈ ਜਦਕਿ ਦੂਜੀ ਦੂਜੇ ਅਫ਼ਸਰ ਦੀ ਗੱਡੀ ‘ਚੋਂ ਮਿਲੀ।
ਮੰਗਲਵਾਰ ਨੂੰ ਪੁਲਿਸ ਨੇ ਕਾਂਸਟੇਬਲ ਬਰਾਇਨ ਜੇਮਜ਼ ਅਤੇ ਕਾਂਸਟੇਬਲ ਥੌਮਸ ਵਿਕਟਰ ਨੂੰ ਗ੍ਰਿਫਤਾਰ ਕਰਦਿਆਂ 5 ਹਜ਼ਾਰ ਡਾਲਰ ਦੀ ਚੋਰੀ ਕਰਨ, ਅਪਰਾਧ ਰਾਹੀਂ ਹਾਸਲ 5 ਹਜ਼ਾਰ ਡਾਲਰ ਤੋਂ ਘੱਟ ਮੁੱਲ ਦੀ ਚੀਜ਼ ਆਪਣੇ ਕੋਲ ਰੱਖਣ ਅਤੇ ਵਿਸਾਹਘਾਤ ਕਰਨ ਦੇ ਦੋਸ਼ ਆਇਦ ਕੀਤੇ। ਦੋਹਾਂ ਪੁਲਿਸ ਅਫ਼ਸਰਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
