ਨਵੀਂ ਦਿੱਲੀ: ਕਾਂਗਰਸ ਨੂੰ ਸੇਵਾ ਦਲ ਦਾ ਦਫ਼ਤਰ ਖਾਲੀ ਕਰਨਾ ਪਵੇਗਾ। ਰਾਜਾਂ ਦੇ ਡਾਇਰੈਕਟੋਰੇਟ (Directorate Of States) ਨੇ ਕਾਂਗਰਸ ਨੂੰ ਸੇਵਾ ਦਲ ਦਾ ਦਫ਼ਤਰ ਖਾਲੀ ਕਰਨ ਦਾ ਹੁਕਮ ਦਿੱਤਾ ਹੈ। ਸੇਵਾ ਦਲ ਦਾ ਇਹ ਦਫ਼ਤਰ ਦਿੱਲੀ ਦੇ 26 ਅਕਬਰ ਰੋਡ ‘ਤੇ ਸਥਿਤ ਹੈ।
ਦੱਸ ਦੇਈਏ ਕਿ ਪੰਡਿਤ ਦੀਨਦਿਆਨ ਮਾਰਗ ‘ਤੇ ਕਾਂਗਰਸ ਨੂੰ ਨਵੀਂ ਜਗ੍ਹਾ ਅਲਾਟ ਕੀਤੀ ਗਈ ਹੈ, ਉਥੇ ਨਿਰਮਾਣ ਦਾ ਕੰਮ ਚੱਲ ਰਿਹਾ ਹੈ। ਸੇਵਾ ਦਲ ਦੇ ਦਫ਼ਤਰ ਨੂੰ ਖਾਲੀ ਕਰਨ ਲਈ ਦਿੱਤੀ ਗਈ ਸਮਾਂ ਸੀਮਾ ਵਾਰ-ਵਾਰ ਵਧਾਈ ਗਈ ਕਿਉਂਕਿ ਨਵੀਂ ਇਮਾਰਤ ਦੀ ਉਸਾਰੀ ਦਾ ਕੰਮ ਕੋਰੋਨਾ ਕਾਰਨ ਰੋਕਣਾ ਪਿਆ ਸੀ। ਨਵੀਂ ਇਮਾਰਤ ਦਾ ਕੰਮ ਅਜੇ ਅਧੂਰਾ ਹੈ। ਫਿਲਹਾਲ ਸੇਵਾ ਦਲ ਦਾ ਦਫ਼ਤਰ 5 ਰਾਇਸੀਨਾ ਮਾਰਗ ਸਥਿਤ ਐਨ.ਐਸ.ਯੂ.ਆਈ ਦੇ ਦਫ਼ਤਰ ਵਿੱਚ ਤਬਦੀਲ ਕੀਤਾ ਜਾਵੇਗਾ।
ਦੱਸ ਦੇਈਏ ਕਿ ਇਸ ਸਮੇਂ ਦਿੱਲੀ ਵਿੱਚ ਕਾਂਗਰਸ ਦੀਆਂ ਤਿੰਨ ਇਮਾਰਤਾਂ ਹਨ। ਕਾਂਗਰਸ ਦਾ ਹੈੱਡਕੁਆਰਟਰ 24, ਅਕਬਰ ਰੋਡ ‘ਤੇ ਹੈ ਅਤੇ ਸੇਵਾ ਦਲ ਦਾ ਦਫ਼ਤਰ 26, ਅਕਬਰ ਰੋਡ ‘ਤੇ ਹੈ। ਇਸ ਤੋਂ ਇਲਾਵਾ ਤੀਜੀ ਇਮਾਰਤ 5 ਰਾਇਸੀਨਾ ਮਾਰਗ ‘ਤੇ ਹੈ, ਜਿੱਥੇ ਐਨਐਸਯੂਆਈ ਦਾ ਦਫ਼ਤਰ ਹੈ।
ਸੂਤਰਾਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਾਂਗਰਸ ਦੇ ਸਾਰੇ ਦਫ਼ਤਰ ਪੰਡਿਤ ਦੀਨਦਿਆਨ ਮਾਰਗ ‘ਤੇ ਬਣ ਰਹੀ ਨਵੀਂ ਇਮਾਰਤ ‘ਚ ਤਬਦੀਲ ਕੀਤੇ ਜਾਣਗੇ | ਸ਼ਿਫ਼ਟਿੰਗ ਦਾ ਕੰਮ ਇਸ ਸਾਲ ਦੇ ਅੰਤ ਤੱਕ ਪੂਰਾ ਕਰ ਲਿਆ ਜਾਵੇਗਾ। ਨਵੀਂ ਇਮਾਰਤ ਦੀ ਉਸਾਰੀ ਦਾ ਕੰਮ ਅੰਤਿਮ ਪੜਾਅ ‘ਤੇ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
