ਚੰਡੀਗੜ੍ਹ: ਪੰਜਾਬ ਦੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਵਲੋਂ ਦਾਅਵਾ ਕੀਤਾ ਹੈ ਕਿ ਭਾਜਪਾ ਨੇ ‘ਆਪਰੇਸ਼ਨ ਲੋਟਸ’ ਤਹਿਤ ਆਪ ਦੇ 11 ਵਿਧਾਇਕਾਂ ਨੂੰ ਖਰੀਦਣ ਦੀ ਕੋਸ਼ਿਸ਼ ਕੀਤੀ ਹੈ। ਇਨ੍ਹਾਂ ਨੂੰ 25-25 ਕਰੋੜ ਰੁਪਏ ਦੀ ਪੇਸ਼ਕਸ਼ ਕੀਤੀ ਗਈ ਹੈ। ਇਸ ਨੂੰ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਭਾਜਪਾ ‘ਤੇ ਤਿੱਖਾ ਸ਼ਬਦੀ ਹਮਲਾ ਕੀਤਾ ਹੈ।
ਉਨ੍ਹਾਂ ਵੀਡੀਓ ਸੰਦੇਸ਼ ਜਾਰੀ ਕਰਦਿਆਂ ਕਿਹਾ ਕਿ, ‘ਸਾਡੇ ਦੇਸ਼ ਨੂੰ ਦੁਨੀਆ ਦਾ ਸਭ ਤੋਂ ਵੱਡਾ ਲੋਕਤੰਤਰਿਕ ਦੇਸ਼ ਕਿਹਾ ਜਾਂਦਾ, ਪਰ ਬੀਤੇ ਕਈ ਸਾਲਾਂ ਤੋਂ ਲੋਕਤੰਤਰ ਦੀ ਹੱਤਿਆ ਵੀ ਸਾਡੇ ਦੇਸ਼ ‘ਚ ਹੀ ਹੋਈ ਹੈ। ਇੱਥੇ ਕਈ ਸੂਬਿਆਂ ਦੀ ਸਰਕਾਰਾਂ ਲਾਲਚ ਦੇ ਕੇ ਤੇ ਐਮਐਲਏ ਖਰੀਦ ਕੇ ਤੋੜੀਆਂ ਗਈਆਂ। ਉਨ੍ਹਾਂ ਕਿਹਾ ਪਿਛਲੇ ਦਿਨੀਂ ਵੀ ਆਪਰੇਸ਼ਨ ਲੌਟਸ ਰਾਹੀਂ ਦਿੱਲੀ ਦੇ MLA ਖਰੀਦਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ। ਹੁਣ ਕਿਉਂਕਿ ਇਨ੍ਹਾਂ ਦੇ ਮੂੰਹ ਨੂੰ ਖੁਨ ਲਗ ਚੁੱਕਿਆ ਹੈ ਤਾਂ ਇਨ੍ਹਾਂ ਨੇ ਪੰਜਾਬ ਵੱਲ ਰੁਖ ਕੀਤਾ।’
ਸੀਅੱਮ ਮਾਨ ਨੇ ਕਿਹਾ ਕਿ, ‘ਉਨ੍ਹਾਂ ਨੇ ਸਾਡੇ MLAs ਨਾਲ ਸੰਪਰਕ ਕਰਕੇ ਲਾਲਚ ਦੇਣ ਦੀ ਕੋਸ਼ਿਸ਼ ਕੀਤੀ ਕਿ ਤੁਸੀਂ ਸਾਡੀ ਪਾਰਟੀ ‘ਚ ਆ ਜਾਓ, ਪਰ ਸਾਡੇ ਵਿਧਾਇਕ ਆਪਣੀ ਮਿੱਟੀ ਪ੍ਰਤੀ ਪੂਰੇ ਵਫ਼ਾਦਾਰ ਹਨ ਅਤੇ ਮੈਨੂੰ ਸਾਰਿਆਂ ‘ਤੇ ਪੂਰਾ ਯਕੀਨ ਹੈ।’
ਉਨ੍ਹਾਂ ਕਿਹਾ ਕਿ, ‘ਮੈਂ ਕਹਿਣਾ ਚਾਹੁੰਦਾ ਹਾਂ ਸਾਡੇ ਲੋਕ ਆਪਣੀ ਮਿੱਟੀ ਪ੍ਰਤੀ ਵਫਾਦਾਰ ਹਨ। ਦੂਜੀਆਂ ਪਾਰਟੀਆਂ ਨੇ ਚੋਣਾਂ ਸਮੇਂ ਖੂਬ ਪੈਸਾ ਵਹਾਇਆ ਪਰ ਲੋਕਾਂ ਨੇ ਆਮ ਆਦਮੀ ਪਾਰਟੀ ਨੂੰ ਵੋਟਾਂ ਪਾਈਆਂ। ਜੋ ਕੰਮ ਭਾਜਪਾ ਕਰਨਾ ਚਾਹੁੰਦੀ ਹੈ, ਉਹ ਪੰਜਾਬ ਵਿਚ ਨਹੀਂ ਚੱਲਦਾ। ਉਨ੍ਹਾਂ ਕਿਹਾ ਕਿ ਸਿੱਧੀ ਗੱਲ ਤਾਂ ਇਹ ਹੈ ਕਿ ਇਨ੍ਹਾਂ ਤੋਂ ਸਾਡੀ ਚੜ੍ਹਾਈ ਜਰੀ ਨਹੀਂ ਜਾਂਦੀ।’
ਪੰਜਾਬੀ ਆਪਣੀ ਮਿੱਟੀ ਦੇ ਵਫ਼ਾਦਾਰ ਹਨ, ਸਿਕੰਦਰ ਦਾ ਜੇਤੂ ਰੱਥ ਵੀ ਪੰਜਾਬੀਆਂ ਨੇ ਹੀ ਰੋਕਿਆ ਸੀ।
BJP ਦੇ ਮੂੰਹ ਨੂੰ ਖ਼ੂਨ ਲੱਗ ਚੁੱਕਿਆ ਹੈ ਕਿ ਜੇ ਲੋਕ ਵੋਟਾਂ ਨਹੀਂ ਪਾਉਂਦੇ, ਫਿਰ ਦੂਜੀ ਤਰ੍ਹਾਂ ਖ਼ਰੀਦ ਲਵੋ
ਸਾਡੇ MLAs ਪੰਜਾਬ ਦੇ ਆਪਣੀ ਮਿੱਟੀ ਪ੍ਰਤੀ ਪੂਰੇ ਵਫ਼ਾਦਾਰ ਹਨ ਅਤੇ ਮੈਨੂੰ ਸਾਰਿਆਂ ‘ਤੇ ਪੂਰਾ ਯਕੀਨ ਹੈ
-CM @BhagwantMann pic.twitter.com/c2W8ID0ccw
— AAP Punjab (@AAPPunjab) September 14, 2022
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
