ਨਿਊਜ਼ ਡੈਸਕ: ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਵੀਰਵਾਰ ਨੂੰ ਕਿਹਾ ਕਿ ਮਹਿੰਗਾਈ ਦੇ ਪ੍ਰਬੰਧਨ ਨੂੰ ਸਿਰਫ਼ ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੀ ਮੁਦਰਾ ਨੀਤੀ ‘ਤੇ ਨਹੀਂ ਛੱਡਿਆ ਜਾ ਸਕਦਾ ਹੈ। ਮਹਿੰਗਾਈ ਵਧਣ ਦੇ ਜ਼ਿਆਦਾਤਰ ਕਾਰਨ ਮੁਦਰਾ ਨੀਤੀ ਦੇ ਦਾਇਰੇ ਤੋਂ ਬਾਹਰ ਹਨ। ਦੇਸ਼ ‘ਚ ਮਹਿੰਗਾਈ ਅਪ੍ਰੈਲ ‘ਚ ਆਪਣੇ ਸਿਖਰ ‘ਤੇ ਪਹੁੰਚ ਗਈ ਸੀ ਪਰ ਉਦੋਂ ਤੋਂ ਇਸ ‘ਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਹਾਲਾਂਕਿ, ਇਹ ਅਜੇ ਵੀ 6 ਪ੍ਰਤੀਸ਼ਤ ਦੇ ਅੰਕ ਤੋਂ ਉੱਪਰ ਬਣੀ ਹੋਈ ਹੈ।
ਸੀਤਾਰਮਨ ਨੇ ਆਰਥਿਕ ਖੋਜ ਸੰਸਥਾ ਇੰਡੀਆ ਕਾਉਂਸਿਲ ਫਾਰ ਰਿਸਰਚ ਆਨ ਇੰਟਰਨੈਸ਼ਨਲ ਇਕਨਾਮਿਕ ਰਿਲੇਸ਼ਨਜ਼ (ICRIER) ਦੁਆਰਾ ਆਯੋਜਿਤ ਇੱਕ ਸੰਮੇਲਨ ਵਿੱਚ ਕਿਹਾ ਕਿ ਮਹਿੰਗਾਈ ਵਧਣ ਦੇ ਜ਼ਿਆਦਾਤਰ ਕਾਰਨ ਮੁਦਰਾ ਨੀਤੀ ਦੇ ਦਾਇਰੇ ਤੋਂ ਬਾਹਰ ਹਨ। ਉਨ੍ਹਾਂ ਕਿਹਾ ਕਿ ਮਹਿੰਗਾਈ ਨੂੰ ਕਾਬੂ ਵਿਚ ਰੱਖਣ ਲਈ ਵਿੱਤੀ ਨੀਤੀ ਅਤੇ ਮੁਦਰਾ ਨੀਤੀ ਦੋਵਾਂ ਨੂੰ ਮਿਲ ਕੇ ਕੰਮ ਕਰਨਾ ਹੋਵੇਗਾ।
ਵਿੱਤ ਮੰਤਰੀ ਨੇ ਕਿਹਾ ਕਿ ਮਹਿੰਗਾਈ ਪ੍ਰਬੰਧਨ ਨੂੰ ਸਿਰਫ਼ ਮੁਦਰਾ ਨੀਤੀ ‘ਤੇ ਨਹੀਂ ਛੱਡਿਆ ਜਾ ਸਕਦਾ। ਇਹ ਕਈ ਦੇਸ਼ਾਂ ਵਿੱਚ ਪ੍ਰਭਾਵਸ਼ਾਲੀ ਸਾਬਤ ਨਹੀਂ ਹੋਇਆ ਹੈ। ਸੀਤਾਰਮਨ ਨੇ ਕਿਹਾ, ‘ਰਿਜ਼ਰਵ ਬੈਂਕ ਨੂੰ ਥੋੜਾ ਨਾਲ ਚਲਣਾ ਪਵੇਗਾ। ਸ਼ਾਇਦ ਓਨਾ ਨਹੀਂ ਜਿੰਨਾ ਪੱਛਮੀ ਦੇਸ਼ਾਂ ਦੇ ਕੇਂਦਰੀ ਬੈਂਕਾਂ ਨੂੰ ਕਰਨਾ ਪੈਂਦਾ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਰਿਜ਼ਰਵ ਬੈਂਕ ਨੂੰ ਕੋਈ ਅਗਾਂਹਵਧੂ ਨਿਰਦੇਸ਼ ਨਹੀਂ ਦੇ ਰਹੀ ਪਰ ਇਹ ਸੱਚ ਹੈ ਕਿ ਭਾਰਤ ਦੀ ਅਰਥਵਿਵਸਥਾ ਨੂੰ ਸੰਭਾਲਣ ਦਾ ਹੱਲ, ਇੱਕ ਅਭਿਆਸ ਹੈ ਜਿੱਥੇ ਵਿੱਤੀ ਨੀਤੀ ਨੂੰ ਮੁਦਰਾ ਨੀਤੀ ਦੇ ਨਾਲ ਕੰਮ ਕਰਨਾ ਪੈਂਦਾ ਹੈ। ਇਸ ਦਾ ਇੱਕ ਹਿੱਸਾ ਮਹਿੰਗਾਈ ਨੂੰ ਵੀ ਸੰਭਾਲ ਰਿਹਾ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
