ਨਿਊਜ਼ ਡੈਸਕ: ਕਰਨਾਟਕ ‘ਚ ਸਾਬਕਾ ਮੁੱਖ ਮੰਤਰੀ ਸਿੱਧਰਮਈਆ ਨੂੰ ਲੈ ਕੇ ਭਾਜਪਾ ਅਤੇ ਕਾਂਗਰਸ ਵਿਚਾਲੇ ਸਿਆਸੀ ਜੰਗ ਚੱਲ ਰਹੀ ਹੈ। ਬੀਜੇਪੀ ਨੇ ਇਲਜ਼ਾਮ ਲਗਾਇਆ ਹੈ ਕਿ ਸਿੱਧਰਮਈਆ ਨੇ ਕੋਡਾਗੂ ਦੇ ਮੰਦਿਰ ਜਾਣ ਤੋਂ ਠੀਕ ਪਹਿਲਾਂ ਮਾਸਾਹਾਰੀ ਭੋਜਨ ਕੀਤਾ ਸੀ।ਪਾਰਟੀ ਦੇ ਵਿਧਾਇਕ ਬੋਪਈਆ ਨੇ ਦੋਸ਼ ਲਗਾਇਆ ਕਿ ਸਿੱਧਰਮਈਆ ਮਦੀਕੇਰੀ ਵਿੱਚ ਮਾਸਾਹਾਰੀ ਭੋਜਨ ਕਰਨ ਤੋਂ ਬਾਅਦ ਕੋਡਲੀਪੇਟ ਦੇ ਪਵਿੱਤਰ ਬਸਵੇਸ਼ਵਰ ਮੰਦਰ ਗਏ ਸਨ। ਉਨ੍ਹਾਂ ਕਿਹਾ ਕਿ ਹਿੰਦੂਆਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚੀ ਹੈ।
ਜਿਸ ਤੋਂ ਬਾਅਦ ਸਿੱਧਰਮਈਆ ਨੇ ਸਪੱਸ਼ਟੀਕਰਨ ਦਿਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਜਿਸ ਦਿਨ ਉਹ ਮੰਦਰ ਗਏ ਸਨ ਉਸ ਦਿਨ ਉਨ੍ਹਾਂ ਨੇ ਮਾਸ ਨਹੀਂ ਖਾਧਾ ਸੀ। ਸਾਬਕਾ ਮੁੱਖ ਮੰਤਰੀ ਸਿੱਧਰਮਈਆ ਨੇ ਇਸ ਨੂੰ ਗੈਰ ਮੁੱਦਾ ਆਖਿਆ ਹੈ ਅਤੇ ਆਪਣੀ ਪਸੰਦ ਦਾ ਭੋਜਨ ਲੈਣ ਦੇ ਅਧਿਕਾਰ ‘ਤੇ ਜ਼ੋਰ ਦਿੱਤਾ ਹੈ। ਸਿੱਧਰਮਈਆ 18 ਅਗਸਤ ਨੂੰ ਕੋਡਾਗੂ ਦੇ ਦੌਰੇ ਦੌਰਾਨ ਕਥਿਤ ਤੌਰ ‘ਤੇ ਮਾਸਾਹਾਰੀ ਭੋਜਨ ਖਾਣ ਤੋਂ ਬਾਅਦ ਕੋਡੀਲੀਪੇਟ ਦੇ ਬਸਵੇਸ਼ਵਰ ਮੰਦਰ ਗਏ ਸਨ, ਜਿਸ ਨਾਲ ਵਿਵਾਦ ਖੜ੍ਹਾ ਹੋ ਗਿਆ ਸੀ।
ਸੀਨੀਅਰ ਕਾਂਗਰਸੀ ਆਗੂ ਨੇ ਕਿਹਾ, ‘ਕੀ ਮੀਟ ਖਾਣਾ ਕੋਈ ਮੁੱਦਾ ਹੈ? (ਜੋ ਕੋਈ ਖਾਂਦਾ ਹੈ) ਇਹ ਇੱਕ ਨਿੱਜੀ ਖਾਣ ਦੀ ਆਦਤ ਹੈ। ਮੈਂ ਮਾਸਾਹਾਰੀ ਅਤੇ ਸ਼ਾਕਾਹਾਰੀ ਭੋਜਨ ਕਰਦਾ ਹਾਂ ਅਤੇ ਇਹ ਮੇਰੀ ਆਦਤ ਹੈ। ਕੁਝ ਲੋਕ ਮੀਟ ਨਹੀਂ ਖਾਂਦੇ, ਇਹ ਉਨ੍ਹਾਂ ਦੀ ਖਾਣ ਦੀ ਆਦਤ ਹੈ। ਉਨ੍ਹਾਂ ਕਿਹਾ, ‘ਉਨ੍ਹਾਂ ਮੁਤਾਬਕ ਇਹ ਕੋਈ ਮੁੱਦਾ ਨਹੀਂ ਹੈ। ਕਈ ਲੋਕ ਮਾਸ ਖਾ ਕੇ ਮੰਦਰ ਜਾਂਦੇ ਹਨ। ਕਈ ਥਾਵਾਂ ‘ਤੇ ਦੇਵੀ-ਦੇਵਤਿਆਂ ਨੂੰ ਮਾਸ ਚੜ੍ਹਾਇਆ ਜਾਂਦਾ ਹੈ। ਉਨ੍ਹਾਂ ਕਿਹਾ ਪਰ ਉਸ ਦਿਨ ਉਨ੍ਹਾਂ ਨੇ ਮੀਟ ਨਹੀਂ ਖਾਦਾ ਸੀ। ਉਨ੍ਹਾਂ ਸਵਾਲ ਉਠਾਇਆ ਸੀ ਕਿ ਕੀ ਭਗਵਾਨ ਨੇ ਮੰਦਰ ਜਾਣ ਤੋਂ ਪਹਿਲਾਂ ਕੀ ਖਾਣਾ ਹੈ ਅਤੇ ਕੀ ਨਹੀਂ ਖਾਣਾ ਕਿਹਾ ਹੈ।
ਦਸ ਦਈਏ ਕਿ ਸੱਤਾਧਾਰੀ ਭਾਜਪਾ ਦੇ ਨੇਤਾਵਾਂ ਨੇ ਕਾਂਗਰਸ ਵਿਧਾਇਕ ਦਲ ਦੇ ਨੇਤਾ ਦੇ ਮਾਸ ਖਾਣ ਤੋਂ ਬਾਅਦ ਮੰਦਰ ਜਾਣ ਦੀ ਕਥਿਤ ਕਾਰਵਾਈ ਅਤੇ ਉਸ ਤੋਂ ਬਾਅਦ ਦੇ ਬਿਆਨਾਂ ‘ਤੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
