ਫਾਜ਼ਿਲਕਾ: ਨਵੀਂ ਬਣੀ ਸਰਕਾਰ ਸਾਹਮਣੇ ਅਨੇਕਾਂ ਚਣੌਤੀਆਂ ਨੇ ਸਾਬਕਾ ਸਰਕਾਰ ‘ਚ ਬਹੁ ਚਰਚਿਤ ਰਿਹਾ ਨਾਜਾਇਜ਼ ਮਾਈਨਿੰਗ ਦਾ ਮਾਮਲਾ ਹੱਲ ਕਰਨਾ ਵੀ ਆਪ ਸਰਕਾਰ ਲਈ ਸੌਖਾ ਨਹੀਂ ਹੋਵੇਗਾ। ਭਾਵੇਂ ਕਿ ਭਗਵੰਤ ਮਾਨ ਦੀਆਂ ਹਦਾਇਤਾਂ ਤੇ ਆਪ ਵਿਧਾਇਕਾ ਵਲੋਂ ਆਪਣੇ ਆਪਣੇ ਹਲਕੇ ਦੇ ਲੋਕਾਂ ਦੀਆਂ ਸੱਮਸਿਆਵਾ ਨੂੰ ਹੱਲ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ, ਉਸੇ ਤਰਾਂ ਫਾਜ਼ਿਲਕਾ ਤੋਂ ਆਪ ਦੇ ਨਵੇਂ ਚੁਣੇ ਵਿਧਾਇਕ ਨਰਿੰਦਰਪਾਲ ਸਵਣਾ ਵਲੋਂ ਨਾਜਾਇਜ਼ ਮਾਈਨਿੰਗ ਦੇ ਖਿਲਾਫ ਕਾਰਵਾਈ ਕਰਦਿਆਂ ਭਾਰਤ ਪਾਕਿਸਤਾਨ ਸਰਹੱਦ ਨੇੜੇ ਪੈਂਦੇ ਪਿੰਡ ਪੱਕਾ ਚਿਸ਼ਤੀ ਦੇ ਨੇੜੇ ਤਾਰਬੰਦੀ ਦੇ ਕੋਲ ਰੇਤੇ ਨਾਲ ਭਰੀ ਟਰੈਕਟਰ-ਟਰਾਲੀ ਲਿਜਾ ਰਹੇ ਵਿਅਕਤੀ ਨੂੰ ਪੁਲਿਸ ਪਾਰਟੀ ਦੇ ਨਾਲ ਕਾਬੂ ਕੀਤਾ।
ਹਾਲਾਂਕਿ ਮੌਕੇ ਤੇ ਉਕਤ ਆਰੋਪੀ ਨੇ ਵਿਧਾਇਕ ਸਵਨਾਂ ਨੂੰ ਕੁਝ ਵੀ ਨਹੀਂ ਸਮਝਿਆ ਤੇ ਉਸ ਨੇ ਸਭ ਦੇ ਸਾਹਮਣੇ ਪੁਲਿਸ ਤੋਂ ਆਪਣਾ ਇਹ ਕਹਿੰਦਿਆਂ ਹੱਥ ਛੁਡਵਾਇਆ ਤੇ ਰੋਹਬ ਝਾੜਿਆ ਕਿ ਮੇਰਾ ਹੱਥ ਤੂੰ ਤਾਂ ਆਈ ਫੜ ਕੇ ਬਹਿ ਗਿਆ ਮੈਂ ਕੋਈ ਭੱਜਿਆ ਚੱਲਿਆ- ਇੰਨਾ ਹੀ ਨਹੀਂ ਵਿਧਾਇਕ ਦੇ ਨਾਲ ਖੜੇ ਸਾਥੀ ਉਸ ਨੂੰ ਕਹਿੰਦੇ ਰਹੇ ਕਿ ਆਰਾਮ ਨਾਲ ਗੱਲ ਕਰ ਇਹ ਵਿਧਾਇਕ ਹਨ।
ਭਾਵੇਂ ਕਿ ਵਿਧਾਇਕ ਵਲੋਂ ਆਪਣੀ ਬਣਦੀ ਜਿੰਮੇਵਾਰੀ ਤਹਿਤ ਕੰਮ ਕੀਤਾ ਜਾ ਰਿਹਾ ਪਰ ਪੰਜਾਬ ਭਰ ਦੇ ਨਾਜਾਇਜ਼ ਮਾਈਨਿੰਗ ਕਰਨ ਵਾਲਿਆਂ ਦੇ ਹੌਂਸਲੇ ਇੰਨੇ ਬੁਲੰਦ ਹਨ ਕਿ ਵਿਧਾਇਕ ਅਤੇ ਪੁਲਿਸ ਪਾਰਟੀ ਵੀ ਉਨ੍ਹਾਂ ਲਈ ਕੋਈ ਮਾਇਨੇ ਨਹੀਂ ਰੱਖਦੇ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਵਰਕ ਮੋਡ ‘ਚ ਆਈ ਆਪ ਸਰਕਾਰ ਇਹੋ ਜਿਹੇ ਆਰੋਪੀਆਂ ਨੂੰ ਕਿਵੇਂ ਨੱਥ ਪਾਉਂਦੀ ਹੈ ਤੇ ਨਾਜਾਇਜ਼ ਮਾਈਨਿੰਗ ਨੂੰ ਪੰਜਾਬ ਭਰ ‘ਚ ਕਿਵੇਂ ਠੱਲ ਪਾਉਂਦੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
