ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਤੇਵਰ ਲਗਾਤਾਰ ਤਿੱਖੇ ਹੁੰਦੇ ਜਾ ਰਹੇ ਹਨ। ਆਪਣੇ ਖਿਲਾਫ ਆਏ ਹਰੇਕ ਬਿਆਨ ‘ਤੇ ਉਹ ਕਾਂਗਰਸੀ ਆਗੂਆਂ ਨੂੰ ਕਰੜੇ ਹੱਥੀਂ ਲੈ ਰਹੇ ਹਨ ਅਤੇ ਨਾਲ ਹੀ ਹਾਈਕਮਾਨ ਨੂੰ ਵੀ ਭੰਡਣ ਤੋਂ ਪਿੱਛੇ ਨਹੀਂ ਹਟ ਰਹੇ।
ਕੈਪਟਨ ਨੇ ਸ਼ਨੀਵਾਰ ਨੂੰ ਕੁਝ ਸੀਨੀਅਰ ਕਾਂਗਰਸੀ ਆਗੂਆਂ ਦੀ ਆਲੋਚਨਾ ਕਰਦੇ ਹੋਏ ਕਿਹਾ ਕਿ ਪਾਰਟੀ ਨੇਤਾਵਾਂ ਵਲੋਂ ਆਪਣੀ ਬਦ-ਇੰਤਜ਼ਾਮੀ ਨੂੰ ਛੁਪਾਉਣ ਲਈ ਸਪਸ਼ਟ ਝੂਠ ਬੋਲਿਆ ਜਾ ਰਿਹਾ ਹੈ।
'Preposterous lies are being floated by various @INCIndia leaders to cover up their mishandling of crisis in @INCPunjab. They're in panic & resorting to lies to divert attention': @capt_amarinder in response to @rssurjewala @harishrawatcmuk pic.twitter.com/TqLvlyYacu
— Raveen Thukral (@Raveen64) October 2, 2021
ਪਾਰਟੀ ਦੇ ਪੰਜਾਬ ਇੰਚਾਰਜ ਹਰੀਸ਼ ਰਾਵਤ ਤੇ ਸੀਨੀਅਰ ਆਗੂ ਰਣਦੀਪ ਸੁਰਜੇਵਾਲਾ ਵਲੋਂ ਸਾਂਝੇ ਕੀਤੇ ਗਏ ਬਿਆਨ ਨੂੰ ਉਨ੍ਹਾਂ ਬੇਕਾਰ ਦੱਸਿਆ। ਉਨ੍ਹਾਂ ਤੰਜ਼ ਕੱਸਦੇ ਹੋਏ ਕਿਹਾ ਕਿ ਬੀਤੇ ਕੱਲ੍ਹ ਪੰਜਾਬ ਕਾਂਗਰਸ ਇੰਚਾਰਜ ਹਰੀਸ਼ ਰਾਵਤ ਕਹਿ ਰਹੇ ਸਨ ਕਿ ਪੰਜਾਬ ਦੇ 43 ਵਿਧਾਇਕਾਂ ਨੇ ਮੇਰੇ ਖਿਲਾਫ ਕਾਂਗਰਸ ਹਾਈਕਮਾਨ ਨੂੰ ਚਿੱਠੀ ਲਿਖੀ । ਅੱਜ ਰਣਦੀਪ ਸੁਰਜੇਵਾਲਾ ਕਹਿ ਰਹੇ ਹਨ ਕਿ 78 ਕਾਂਗਰਸੀ ਵਿਧਾਇਕਾਂ ਨੇ ਹਾਈਕਮਾਨ ਨੂੰ ਚਿੱਠੀ ਲਿਖੀ। ਹੁਣ ਕੱਲ੍ਹ ਇਹ ਕਹਿਣਗੇ ਕਿ 117 ਵਿਧਾਇਕਾਂ ਨੇ ਮੇਰੇ ਖਿਲਾਫ ਚਿੱਠੀ ਲਿਖੀ ਸੀ।
ਸੁਰਜੇਵਾਲਾ ਦੇ ਬਿਆਨ ਅਤੇ ਆਪਣੇ ਖ਼ਿਲਾਫ਼ ਭਰੋਸੇ ਦੀ ਕਮੀ ਪ੍ਰਗਟ ਕਰਨ ਵਾਲੇ ਇਕ ਕਥਿਤ ਪੱਤਰ ਨੂੰ ਕੈਪਟਨ ਅਮਰਿੰਦਰ ਸਿੰਘ ਨੇ ਗ਼ਲਤੀਆਂ ਦੀ ਕਾਮੇਡੀ ਕਰਾਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਅਜਿਹਾ ਲਗਦਾ ਹੈ ਕਿ ਪੂਰੀ ਪਾਰਟੀ ਨਵਜੋਤ ਸਿੰਘ ਸਿੱਧੂ ਦੀ ਮਜਾਕਿਆ ਥਿਏਟ੍ਰਿਕਸ ਦੀ ਭਾਵਨਾ ਨਾਲ ਪ੍ਰਭਾਵਿਤ ਹੋ ਗਈ ਹੈ।
'Total comedy of errors. Yesterday @harishrawatcmuk said 43 @INCPunjab MLAs wrote to @INCIndia leadership. Today @rssurjewala says it was 78. Next they'll say 117 wrote against me! I think @sherryontopp’s comic theatrics have affected them': @capt_amarinder pic.twitter.com/ztH5psWPMg
— Raveen Thukral (@Raveen64) October 2, 2021
ਕੈਪਟਨ ਅਮਰਿੰਦਰ ਸਿੰਘ ਨੇ ਕਿਹਾ ਕਿ ਕਾਂਗਰਸ ਦੀ ਸਥਿਤੀ ਇਹ ਹੈ ਕਿ ਉਹ ਆਪਣੇ ਝੂਠ ਦਾ ਠੀਕ ਨਾਲ ਸੰਤੁਲਨ ਵੀ ਨਹੀਂ ਕਰ ਸਕਦੀ। ਪਾਰਟੀ ਦੇ ਸੀਨੀਅਰ ਨੇਤਾਵਾਂ ਦਾ ਪਾਰਟੀ ਦੇ ਕੰਮਕਾਜ ਤੋਂ ਪੂਰੀ ਤਰ੍ਹਾਂ ਮੋਹ ਭੰਗ ਹੋ ਚੁੱਕਾ ਹੈ।
