ਮਿਸੀਸਾਗਾ: ਕੈਨੇਡਾ ਵਿੱਚ ਪੰਜਾਬੀ ਨੌਜਵਾਨਾਂ ਵਿਚਾਲੇ ਡਾਂਗਾਂ ਸੋਟੇ ਚੱਲਣ ਦੇ ਮਾਮਲੇ ਦੀ ਜਾਂਚ ਕਰ ਰਹੀ ਪੀਲ ਰੀਜਨਲ ਪੁਲਿਸ ਨੇ ਪੰਜ ਸ਼ੱਕੀਆਂ ‘ਚੋਂ ਦੋ ਦੀ ਸ਼ਨਾਖਤ ਕਰਦਿਆਂ ਇਨ੍ਹਾਂ ਦੀ ਗ੍ਰਿਫ਼ਤਾਰੀ ਲਈ ਲੋਕਾਂ ਤੋਂ ਮਦਦ ਮੰਗੀ ਹੈ। ਪੁਲੀਸ ਵੱਲੋਂ ਤਸਵੀਰਾਂ ਅਤੇ ਵੀਡੀਓ ਜਾਰੀ ਕਰਦਿਆਂ ਸ਼ੱਕੀਆਂ ਦੇ ਨਾਮ ਹਰਪ੍ਰੀਤ ਸਿੰਘ ਅਤੇ ਆਯੁਸ਼ ਸ਼ਰਮਾ ਦੱਸੇ ਗਏ ਹਨ।
ਪੁਲੀਸ ਨੇ ਦੱਸਿਆ ਕਿ ਕ੍ਰਿਕਟ ਬੈਟ ਅਤੇ ਬੇਸਬਾਲ ਬੈਟ ਸਣੇ ਹੋਰ ਹਥਿਆਰਾਂ ਨਾਲ ਕੀਤੇ ਹਮਲੇ ਦੀ ਜਾਂਚ ਕਰਦਿਆਂ ਦੋਹਾਂ ਧਿਰਾਂ ਵਿਰੁੱਧ ਵਾਰੰਟ ਜਾਰੀ ਕੀਤੇ ਗਏ ਹਨ। ਫਿਲਹਾਲ 23 ਸਾਲਾ ਹਰਪ੍ਰੀਤ ਸਿੰਘ ਤੇ 24 ਸਾਲ ਤੇ ਆਯੂਸ਼ ਸ਼ਰਮਾ ਦੀ ਭਾਲ ਕੀਤੀ ਜਾ ਰਹੀ ਹੈ। ਇਹ ਦੋਵੇਂ ਬਰੈਂਪਟਨ ਦੇ ਵਸਨੀਕ ਦੱਸੇ ਜਾ ਰਹੇ ਹਨ।
Police Seeking Public Assistance in Assault Incident – https://t.co/OxeppVc4mf pic.twitter.com/2B0Nxzlq7L
— Peel Regional Police (@PeelPolice) August 10, 2021
ਦੱਸਣਯੋਗ ਹੈ ਕਿ ਬੀਤੀ 27 ਜੂਨ ਨੂੰ ਮਿਸੀਸਾਗਾ ਦੇ ਗੋਰਵੇਅ ਡਰਾਈਵ ਇਲਾਕੇ ਦੇ ਵੈਸਟਵੁੱਡ ਮਾਲ ਸਾਹਮਣੇ ਬੈਟ ਅਤੇ ਹਾਕੀਆਂ ਨਾਲ ਦੋ ਧਿਰਾਂ ਵਿਚਾਲੇ ਲੜਾਈ ਹੋਈ। ਪੀਲ ਪੁਲੀਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਜਿਸ ਕੋਲ ਇਨ੍ਹਾਂ ਦੋਹਾਂ ਨੌਜਵਾਨਾਂ ਸਬੰਧੀ ਜਾਣਕਾਰੀ ਹੋਵੇ ਉਹ 12 ਡਿਵੀਜ਼ਨ ਕ੍ਰਿਮੀਨਲ ਇਨਵੈਸਟੀਗੇਸ਼ਨ ਬਿਊਰੋ ਦੇ ਜਾਂਚਕਰਤਾਵਾਂ ਨਾਲ ਸੰਪਰਕ ਕਰ ਸਕਦਾ ਹੈ।
WATCH: Large Group Of People Get Into A Brawl With Bats Outside Of Westwood Mall In Malton 🅱️🛣 pic.twitter.com/TiNJqv2cwT
— Bramalea Rd 🅱️🛣 (@BramaleaRd) June 27, 2021
