ਲੰਦਨ: ਦੁਨੀਆਂ ‘ਚ ਸਭ ਤੋਂ ਪਹਿਲਾਂ ਕੋਰੋਨਾ ਵੈਕਸੀਨ ਲਗਵਾਉਣ ਵਾਲੇ ਮਰਦ ਦਾ ਦੇਹਾਂਤ ਹੋ ਗਿਆ ਹੈ। ਬ੍ਰਿਟਿਸ਼ ਮੀਡੀਆ ਵੱਲੋਂ ਜਾਰੀ ਰਿਪੋਰਟਾਂ ਮੁਤਾਬਕ 81 ਸਾਲਾ ਬਜ਼ੁਰਗ ਵਿਲੀਅਮ ਸ਼ੇਕਸਪੀਅਰ ਦਾ ਦੇਹਾਂਤ ਕਿਸੇ ਹੋਰ ਬਿਮਾਰੀ ਕਾਰਨ ਹੋਇਆ ਹੈ।
ਵਿਲੀਅਮ ਪਿਛਲੇ ਸਾਲ 8 ਦਸੰਬਰ ਨੂੰ ਉਸ ਵੇਲੇ ਵਿਸ਼ਵ ਭਰ ਵਿੱਚ ਛਾ ਗਏ ਸਨ, ਜਦੋਂ ਉਹ ਵਾਰਵਿਕਸ਼ਾਇਰ ਕੋਵੈਂਟਰੀ ਦੇ ਯੂਨੀਵਰਸਿਟੀ ਹਸਪਤਾਲ ‘ਚ ਫਾਈਜ਼ਰ ਬਾਇਓਟੈੱਕ ਦੀ ਵੈਕਸੀਨ ਲਗਵਾਉਣ ਵਾਲੇ ਦੁਨੀਆਂ ਦੇ ਦੂਜੇ ਵਿਅਕਤੀ ਅਤੇ ਪਹਿਲੇ ਮਰਦ ਬਣ ਗਏ ਸਨ।
We’re sorry to hear of the death of Coventry Labour stalwart Bill Shakespeare. Bill made global headlines as 1st first man to have Covid vaccine. His decades of service to the party were recently recognised by @Keir_Starmer. Our thoughts are with Joy and Bill’s family & friends. pic.twitter.com/ANCTeGFYEs
— West Midlands Labour (@WMLabour) May 24, 2021
ਵਿਲੀਅਮ ਦੀ ਦੋਸਤ ਅਤੇ ਕੁਵੈਂਟਰੀ ਦੀ ਸੇਵਾਦਾਰ ਜੇਨ ਇਨਸ ਨੇ ਕਿਹਾ ਕਿ ਉਨ੍ਹਾਂ ਦਾ ਦੇਹਾਂਤ ਵੀਰਵਾਰ 20 ਮਈ ਨੂੰ ਹੋ ਗਿਆ ਸੀ ਤੇ ਵਿਲੀਅਮ ਨੂੰ ਸਭ ਤੋਂ ਵਧੀਆ ਸ਼ਰਧਾਂਜਲੀ ਕੋਰੋਨਾ ਟੀਕਾ ਲਗਵਾਉਣਾ ਹੈ।
ਉਨ੍ਹਾਂ ਤੋਂ ਕੁਝ ਮਿੰਟ ਪਹਿਲਾਂ ਹੀ ਉਸੇ ਹਸਪਤਾਲ ਵਿੱਚ 91 ਸਾਲਾ ਮਾਰਗਰੇਟ ਕੀਨਨ ਨੂੰ ਵੈਕਸੀਨ ਲੱਗੀ ਸੀ। ਕੋਵੈਂਟਰੀ ਲਾਈਵ ਦੀ ਰਿਪੋਰਟ ਦੇ ਮੁਤਾਬਕ ਲਗਜ਼ਰੀ ਕਾਰ ਨਿਰਮਾਤਾ ਰੋਲਜ਼ ਰੌਇਸ ਦੇ ਕਰਮਚਾਰੀ ਰਹੇ ਸ਼ੇਕਸਪੀਅਰ ਨੇ ਇਸ ਯੂਨੀਵਰਸਿਟੀ ਹਸਪਤਾਲ ‘ਚ ਬਿਮਾਰੀ ਨਾਲ ਕਈ ਦਿਨ ਜੂਝਣ ਤੋਂ ਬਾਅਦ ਆਪਣੇ ਆਖ਼ਰੀ ਸਾਹ ਲਏ।
