ਚੰਡੀਗੜ੍ਹ: ਚੰਡੀਗੜ੍ਹ ਦੇ ਤਿੰਨ ਵੱਡੇ ਹੋਟਲਾਂ ਨੂੰ ਬੰਬ ਦੀ ਧਮ.ਕੀ ਮਿਲੀ ਹੈ। ਧਮ.ਕੀ ਭਰੀ ਈ-ਮੇਲ ਆਈ ਹੈ। ਈ-ਮੇਲ ਵਿੱਚ ਆਈਟੀ ਪਾਰਕ ਵਿੱਚ ਸਥਿਤ ਲਲਿਤ ਹੋਟਲ, ਇੰਡਸਟਰੀਅਲ ਏਰੀਆ ਫੇਜ਼-1 ਵਿੱਚ ਸਥਿਤ ਲੈਮਨ ਟ੍ਰੀ ਹੋਟਲ ਅਤੇ ਸੈਕਟਰ-22 ਵਿੱਚ ਸਥਿਤ ਪਿਕਾਡਿਲੀ ਹੋਟਲ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਦਿੱਤੀ ਗਈ ਹੈ।
ਜਾਣਕਾਰੀ ਅਨੁਸਾਰ ਸੂਚਨਾ ਮਿਲਦੇ ਹੀ ਆਪ੍ਰੇਸ਼ਨ ਸੈੱਲ, ਬੰਬ ਡਿਸਪੋਜ਼ਲ ਅਤੇ ਥਾਣਾ ਸਦਰ ਦੀਆਂ ਟੀਮਾਂ ਤਿੰਨਾਂ ਹੋਟਲਾਂ ‘ਚ ਪਹੁੰਚ ਗਈਆਂ। ਡੌਗ ਸਕੁਐਡ ਅਤੇ ਬੰਬ ਨਿਰੋਧਕ ਟੀਮ ਐਤਵਾਰ ਦੇਰ ਰਾਤ ਤੱਕ ਹੋਟਲਾਂ ਦੀ ਬਾਰੀਕੀ ਨਾਲ ਜਾਂਚ ਕਰਦੀ ਰਹੀ ਪਰ ਕੋਈ ਬੰਬ ਨਹੀਂ ਮਿਲਿਆ। ਜਾਂਚ ‘ਚ ਸਾਹਮਣੇ ਆਇਆ ਕਿ ਅਬਦੁਲ ਨਾਂ ਦੇ ਵਿਅਕਤੀ ਨੇ ਚੰਡੀਗੜ੍ਹ ਪੁਲਿਸ ਦੇ ਨਾਲ-ਨਾਲ ਆਈ.ਬੀ. ਅਤੇ ਹੋਰ ਵਿਭਾਗਾਂ ਨੂੰ ਈ-ਮੇਲ ਭੇਜੀ। ਸੈਕਟਰ-17, ਇੰਡਸਟਰੀਅਲ ਏਰੀਆ ਅਤੇ ਆਈਟੀ ਪਾਰਕ ਥਾਣਾ ਪੁਲਿਸ ਨੇ ਡੀ.ਡੀ.ਆਰ.ਦਰਜ ਕਰ ਲਈ ਹੈ। ਪੁਲਿਸ ਈ-ਮੇਲ ਭੇਜਣ ਵਾਲੇ ਦਾ ਸੁਰਾਗ ਲੱਭਣ ਵਿੱਚ ਜੁਟੀ ਹੈ।
ਐਤਵਾਰ ਨੂੰ ਚੰਡੀਗੜ੍ਹ ਪੁਲਿਸ ਅਤੇ ਹੋਰ ਵਿਭਾਗਾਂ ਨੂੰ ਅਬਦੁਲ ਨਾਂ ਦੇ ਵਿਅਕਤੀ ਦੀ ਈ. ਈ-ਮੇਲ ‘ਚ ਆਈਟੀ ਪਾਰਕ ਸਥਿਤ ਹੋਟਲ ਦਿ ਲਲਿਤ, ਇੰਡਸਟਰੀਅਲ ਏਰੀਆ ਫੇਜ਼-1 ਸਥਿਤ ਲੈਮਨ ਟ੍ਰੀ ਅਤੇ ਸੈਕਟਰ-22 ਸਥਿਤ ਪਿਕਾਡਿਲੀ ਹੋਟਲ ‘ਚ ਬੰਬ ਰੱਖੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਸੀ। ਈ-ਮੇਲ ਵਿੱਚ ਲਿਖਿਆ ਗਿਆ ਸੀ ਕਿ ਤਿੰਨੋਂ ਹੋਟਲਾਂ ਨੂੰ ਬੰਬ ਨਾਲ ਉਡਾ ਦਿੱਤਾ ਜਾਵੇਗਾ। ਮਾਮਲੇ ਦੀ ਸੂਚਨਾ ਮਿਲਦਿਆਂ ਹੀ ਐਸਪੀ ਸਿਟੀ ਮ੍ਰਿਦੁਲ ਦੀ ਅਗਵਾਈ ਹੇਠ ਤਿੰਨੋਂ ਹੋਟਲਾਂ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਪਰ ਤਿੰਨੋਂ ਹੋਟਲਾਂ ਵਿੱਚੋਂ ਕੁਝ ਨਹੀਂ ਮਿਲਿਆ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
