ਬ੍ਰਿਟਿਸ਼ ਲਗਜ਼ਰੀ ਕਾਰ ਨਿਰਮਾਤਾ ਐਸਟਨ ਮਾਰਟਿਨ ਨੇ ਭਾਰਤ ਵਿੱਚ ਆਪਣੀ ਪ੍ਰੀਮੀਅਮ ਗ੍ਰੈਂਡ ਟੂਰਰ ਵੈਨਕੁਸ਼ ਲਾਂਚ ਕੀਤੀ ਹੈ। ਤੀਜੀ ਪੀੜ੍ਹੀ ਦੇ ਐਸਟਨ ਮਾਰਟਿਨ ਵੈਨਕੁਈਸ਼ ਵਿੱਚ ਆਧੁਨਿਕ ਅਤੇ ਸਪੋਰਟੀ ਡਿਜ਼ਾਈਨ ਟਚ ਸ਼ਾਮਲ ਕੀਤੇ ਗਏ ਹਨ। ਡਿਜ਼ਾਇਨ ਦੇ ਹਿਸਾਬ ਨਾਲ ਨਵੀਂ ਵੈਨਕੁਈਸ਼ ਵਿੱਚ ਫਰੰਟ ‘ਤੇ ਸ਼ਾਰਪ ਦਿੱਖ ਵਾਲੀਆਂ ਹੈੱਡਲਾਈਟਾਂ ਹਨ, ਜੋ ਕਿ ਕਾਰਮੇਕਰ ਦੇ ਦੂਜੇ ਮਾਡਲਾਂ ਦੇ ਸਮਾਨ ਹਨ, ਅਤੇ ਹੋਰਿਜ਼ੋਨਟਲ ਐਲੀਮੈਂਟਸ ਦੇ ਨਾਲ ਇੱਕ ਵੱਡੀ ਗਰਿੱਲ ਹੈ।
ਇਸ ਸੁਪਰਕਾਰ ਨੇ ਸਤੰਬਰ 2024 ਵਿੱਚ ਆਪਣੀ ਗਲੋਬਲ ਸ਼ੁਰੂਆਤ ਕੀਤੀ ਸੀ, ਅਤੇ ਹੁਣ ਭਾਰਤ ਵਿੱਚ ਵੀ ਇਹ ਦਾਖਲ ਹੋ ਗਈ ਹੈ। ਐਸਟਨ ਮਾਰਟਿਨ ਹਰ ਸਾਲ ਇਸ ਕਾਰ ਦੇ ਸਿਰਫ 1,000 ਯੂਨਿਟ ਬਣਾਏਗਾ। ਜਿਸ ਕਾਰਨ ਇਸ ਦੀ ਵਿਸ਼ੇਸ਼ਤਾ ਹੋਰ ਵੀ ਵੱਧ ਜਾਂਦੀ ਹੈ। 2025 Aston Martin Vanquish ਵਿੱਚ ਮੈਟ੍ਰਿਕਸ LED ਹੈੱਡਲਾਈਟਾਂ ਅਤੇ ਨਵੀਆਂ LED DRLs ਹਨ, ਜੋ ਇਸਨੂੰ ਸੜਕ ‘ਤੇ ਹੋਰ ਵੀ ਆਕਰਸ਼ਕ ਬਣਾਉਂਦੀਆਂ ਹਨ। ਇਸ ਵਿੱਚ ਯੂਵੀ ਸੁਰੱਖਿਆ ਦੇ ਨਾਲ ਇੱਕ ਪੈਨੋਰਾਮਿਕ ਸਨਰੂਫ ਵੀ ਹੈ, ਜੋ ਇਸਨੂੰ ਇੱਕ ਪ੍ਰੀਮੀਅਮ ਲੁੱਕ ਦਿੰਦਾ ਹੈ।
ਯਾਤਰੀਆਂ ਦੀ ਸੁਰੱਖਿਆ ਲਈ ਇਹ ਮਲਟੀਪਲ ਏਅਰਬੈਗਸ, 360 ਡਿਗਰੀ ਕੈਮਰਾ, ADAS ਵਰਗੀਆਂ ਵਿਸ਼ੇਸ਼ਤਾਵਾਂ ਨਾਲ ਲੈਸ ਹੈ ਜਿਸ ਵਿੱਚ ਫਾਰਵਰਡ ਟੱਕਰ ਚੇਤਾਵਨੀ ਅਤੇ ਅਡੈਪਟਿਵ ਕਰੂਜ਼ ਕੰਟਰੋਲ ਵਰਗੀਆਂ ਵਿਸ਼ੇਸ਼ਤਾਵਾਂ ਹਨ। ਸੁਪਰਕਾਰ ਵਿੱਚ 5.2-ਲੀਟਰ ਟਵਿਨ-ਟਰਬੋਚਾਰਜਡ V12 ਪੈਟਰੋਲ ਇੰਜਣ ਹੈ। ਇਹ ਇੰਜਣ 823 bhp ਦੀ ਜ਼ਬਰਦਸਤ ਪਾਵਰ ਅਤੇ 1,000 Nm ਦਾ ਜ਼ਬਰਦਸਤ ਟਾਰਕ ਪੈਦਾ ਕਰਦਾ ਹੈ। ਇਸ ਸੁਪਰਕਾਰ ਦੀ ਟਾਪ ਸਪੀਡ 344 kmph ਹੈ ਅਤੇ ਇਹ ਸਿਰਫ 3.3 ਸੈਕਿੰਡ ‘ਚ 0 ਤੋਂ 100 kmph ਦੀ ਰਫਤਾਰ ਫੜ ਸਕਦੀ ਹੈ। 2025 Aston Martin Vanquish ਨੂੰ ਕਾਰ ਨਿਰਮਾਤਾ ਨੇ 8.85 ਕਰੋੜ ਰੁਪਏ (ਐਕਸ-ਸ਼ੋਰੂਮ) ਦੀ ਕੀਮਤ ‘ਤੇ ਲਾਂਚ ਕੀਤਾ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
