ਨਵੀਂ ਦਿੱਲੀ: ਦਿੱਲੀ ਵਿੱਚ 20,684 ਵਾਹਨ ਅਜਿਹੇ ਹਨ ਜਿਨ੍ਹਾਂ ਦੇ 100 ਜਾਂ ਇਸ ਤੋਂ ਵੱਧ ਵਾਰ ਚਲਾਨ ਕੱਟੇ ਗਏ ਹਨ, ਪਰ ਉਨ੍ਹਾਂ ਦੇ ਮਾਲਕਾਂ ਨੇ ਹਾਲੇ ਤੱਕ ਜੁਰਮਾਨਾ ਨਹੀਂ ਭਰਿਆ ਹੈ। 1,65,072 ਵਾਹਨ ਅਜਿਹੇ ਹਨ ਜਿਨ੍ਹਾਂ ਦੇ 20 ਤੋਂ ਵੱਧ ਵਾਰ ਚਲਾਨ ਕੀਤੇ ਗਏ ਹਨ, ਪਰ ਉਹਨਾਂ ਵਲੋਂ ਕਦੇ ਵੀ ਜ਼ੁਰਮਾਨਾ ਨਹੀਂ ਭਰਿਆ ਗਿਆ। ਖਾਸ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਆਮ ਨਹੀਂ ਸਗੋਂ ਖਤਰਨਾਕ ਟਰੈਫਿਕ ਨਿਯਮਾਂ ਨੂੰ ਤੋੜਿਆ ਹੈ। ਜਿਵੇਂ ਕਿ ਰੈਸ਼ ਡਰਾਈਵਿੰਗ, ਤੇਜ਼ ਰਫ਼ਤਾਰ, ਲਾਲ ਬੱਤੀ ਜਾਂ ਸਟਾਪ ਸਾਈਨ ‘ਤੇ ਨਾਂ ਰੁਕਣਾ, ਗਲਤ ਲੇਨ ਬਦਲਣਾ ਆਦਿ। ਦਿੱਲੀ ਸਣੇ ਜ਼ਿਆਦਾਤਰ ਵਾਹਨ ਦੂਜੇ ਸੂਬਿਆਂ ਦੇ ਹਨ, ਜਿਨ੍ਹਾਂ ਦੇ ਮਾਲਕ ਨਿਯਮਾਂ ਨੂੰ ਤੋੜ ਰਹੇ ਹਨ ਅਤੇ ਚਲਾਨ ਨਹੀਂ ਭਰ ਰਹੇ ਹਨ।
ਦਿੱਲੀ ਪੁਲਿਸ ਮੁਤਾਬਕ ਇਹ ਵਾਹਨ ਖਤਰਨਾਕ ਹਨ। ਦਿੱਲੀ ਟ੍ਰੈਫਿਕ ਪੁਲਿਸ ਨੇ ਦਿੱਲੀ ਸਰਕਾਰ ਨੂੰ ਪੱਤਰ ਲਿਖਿਆ ਹੈ ਕਿ ਅਜਿਹੇ ਲੋਕਾਂ ਦੇ ਡਰਾਈਵਿੰਗ ਲਾਇਸੈਂਸ ਜਾਂ ਤਾਂ ਰੱਦ ਕੀਤੇ ਜਾਣ ਜਾਂ ਸਸਪੈਂਡ ਕੀਤੇ ਜਾਣ। ਟਰੈਫਿਕ ਪੁਲੀਸ ਅਨੁਸਾਰ 30 ਜੂਨ 2023 ਤੱਕ 58,81,261 ਵਾਹਨਾਂ ਦੇ ਕੁੱਲ 2,63,96,367 ਚਲਾਨ ਜਾਰੀ ਕੀਤੇ ਗਏ ਹਨ। ਇਨ੍ਹਾਂ ਵਿੱਚੋਂ 2,21,56,496 ਚਲਾਨ ਬਕਾਇਆ ਹਨ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਇਨ੍ਹਾਂ 67,42,448 ਬਕਾਇਆ ਨੋਟਿਸਾਂ ਵਿੱਚੋਂ ਸਿਰਫ਼ 1,65,072 ਵਾਹਨਾਂ ਦੇ ਹਨ।
ਇਹ ਚਲਾਨ ਆਟੋਮੈਟਿਕ ਟਰੈਫਿਕ ਉਲੰਘਣਾ ਕੈਮਰਿਆਂ ਦੀ ਵਰਤੋਂ ਕਰਕੇ ਜਾਂ ਮੌਕੇ ‘ਤੇ ਫੜਕੇ ਕੀਤੇ ਜਾਂਦੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
