ਯੂ ਪੀ ‘ਚ ਯੋਗੀ ਦਾ 1ਮੰਤਰੀ 4 ਵਿਧਾਇਕ ਸਮਾਜਵਾਦੀ ਪਾਰਟੀ ਚ ਸ਼ਾਮਲ , ਭਾਜਪਾ ਨੂੰ ਝਟਕਾ

TeamGlobalPunjab
1 Min Read

ਦਿੱਲੀ- ਉੱਤਰ ਪ੍ਰਦੇਸ਼ ਚ  ਵਿਧਾਨਸਭਾ ਚੋਣਾਂ ਤੋਂ ਪਹਿਲਾਂ  ਭਾਰਤੀ ਜਨਤਾ ਪਾਰਟੀ  ਤੇ ਅਦਿੱਤਿਆ ਨਾਥ ਯੋਗੀ  ਨੂੰ ਇਕ ਵੱਡਾ ਝਟਕਾ ਲੱਗਿਆ ਹੈ । ਯੋਗੀ ਸਰਕਾਰ ਦਾ ਇਕ ਮੰਤਰੀ  ਤੇ ਚਾਰ ਵਿਧਾਇਕਾਂ ਨੇ  ਭਾਜਪਾ ਛੱਡ ਕੇ ਅਖਿਲੇਸ਼ ਯਾਦਵ  ਦੀ ਸਮਾਜਵਾਦੀ ਪਾਰਟੀ ਚ ਸ਼ਮੂਲੀਅਤ ਕਰ ਦਿੱਤੀ ਹੈ । ਯੋਗੀ ਸਰਕਾਰ ਚ  ਮੰਤਰੀ  ਰਹੇ  ਸਵਾਮੀ ਪ੍ਰਸਾਦ ਮੌਰਿਆ ਨੇ  ਟਵਿੱਟਰ ਤੇ ਆਪਣੇ ਅਸਤੀਫ਼ਾ ਪੋਸਟ ਕੀਤਾ ਹੇੈ।

ਇਸ ਦੇ ਨਾਲ ਹੀ  ਚਾਰ ਵਿਧਾਇਕਾਂ  ਭਗਵਤੀ ਸਾਗਰ  , ਵਿਨੈ ਸ਼ਾਕਿਆ  ,ਬ੍ਰਿਜੇਸ਼ ਪ੍ਰਜਾਪਤੀ  ਤੇ ਰੋਸ਼ਨ ਲਾਲ ਵਰਮਾ  ਨੇ ਵੀ ਯੋਗੀ ਦੀ ਪਾਰਟੀ ਨੂੰ ਅਲਵਿਦਾ ਕਹਿ ਦਿੱਤਾ  । ਜ਼ਿਕਰਯੋਗ ਹੈ ਕਿ  ਸਵਾਮੀ ਪ੍ਰਸਾਦ ਮੌਰਿਆ ਨੇ  2016 ਚ ਮਾਇਆਵਤੀ ਦੀ  ਬਹੁਜਨ ਸਮਾਜ ਪਾਰਟੀ ਛੱਡ ਕੇ ਭਾਰਤੀ ਜਨਤਾ ਪਾਰਟੀ ਚ ਸ਼ਮੂਲੀਅਤ ਕੀਤੀ ਸੀ ਤੇ ਉਹ ਪਿਛੜੀਆਂ ਜਾਤੀਆਂ ਵਰਗ  ਨਾਲ ਸਬੰਧ ਰੱਖਦੇ ਹਨ ।
ਮੋਰੀਆ ਨੇ ਆਪਣੇ ਅਸਤੀਫੇ ਚ ਲਿਖਿਆ  ਕਿ ਬੀਜੇਪੀ ਦੀ ਇੱਕ ਵੱਖਰੀ ਵਿਚਾਰਧਾਰਾ ਹੋਣ ਦੇ ਬਾਵਜੂਦ  ਉਨ੍ਹਾਂ ਨੇ ਪਾਰਟੀ ਲਈ  ਤਨਦੇਹੀ ਨਾਲ ਕੰਮ ਕੀਤਾ  ਪਰ  ਦਲਿਤਾਂ  , ਪਿਛੜੇ ਵਰਗਾਂ  , ਬੇਰੁਜ਼ਗਾਰਾਂ  ਅਤੇ  ਛੋਟੇ ਦੁਕਾਨਦਾਰਾਂ  ਤੇ ਵਪਾਰੀਆਂ  ਤੇ ਗੰਭੀਰ ਰੂਪ ਨਾਲ  ਜ਼ੁਲਮ  ਕੀਤੇ ਜਾਣ  ਅਤੇ ਦਬਾਓ ਹੇਠ  ਨੀਤੀ ਦੇ ਚੱਲਦੇ  ਉਨ੍ਹਾਂ ਨੇ ਅਸਤੀਫ਼ਾ ਦੇਣ ਦਾ ਫ਼ੈਸਲਾ ਕੀਤਾ ਹੈ ।
Share This Article
Leave a Comment