ਨਿਊਜ਼ ਡੈਸਕ: ‘ਬਿੱਗ ਬੌਸ ਸੀਜ਼ਨ 15’ ‘ਚ ਰਾਖੀ ਸਾਵੰਤ ਅਤੇ ਰਿਤੇਸ਼ ਵਿਚਾਲੇ ਸਭ ਕੁਝ ਠੀਕ ਨਹੀਂ ਚੱਲ ਰਿਹਾ ਹੈ।ਰਿਤੇਸ਼ ਨੇ ਰਾਖੀ ਨਾਲ ਅਪਸ਼ਬਦ ਬੋਲੇ, ਜਿਸ ਤੋਂ ਬਾਅਦ ਖਬਰਾਂ ਆ ਰਹੀਆਂ ਹਨ ਕਿ ਰਿਤੇਸ਼ ਇਸ ਵੀਕੈਂਡ ਸ਼ੋਅ ਤੋਂ ਬਾਹਰ ਹੋ ਜਾਣਗੇ।ਇਸ ਗੱਲ ਦਾ ਖੁਲਾਸਾ ‘ਬਿੱਗ ਬੌਸ’ ਨਾਲ ਜੁੜੀ ਜਾਣਕਾਰੀ ਦਿੰਦੇ ਹੋਏ ‘ਦਿ ਖਬਰੀ’ ਦੇ ਟਵੀਟ ਤੋਂ ਹੋਇਆ ਹੈ।
ਇਸ ਵੀਕੈਂਡ ਕਾ ਵਾਰ ਰਿਤੇਸ਼ ਨੂੰ ਸ਼ੋਅ ਤੋਂ ਬਾਹਰ ਕਰ ਦਿੱਤਾ ਜਾਵੇਗਾ। ਸ਼ੋਅ ‘ਚ ਵਾਈਲਡ ਕਾਰਡ ਪ੍ਰਤੀਯੋਗੀ ਦੇ ਰੂਪ ‘ਚ ਆਏ ਰਿਤੇਸ਼ ਫਿਨਾਲੇ ‘ਚ ਜਗ੍ਹਾ ਬਣਾਉਣ ਤੋਂ ਖੁੰਝ ਗਏ। ਹੁਣ ਰਿਤੇਸ਼ ਦੇ ਬਾਹਰ ਹੋਣ ਦੀ ਖਬਰ ‘ਚ ਕਿੰਨੀ ਸੱਚਾਈ ਹੈ, ਇਹ ਤਾਂ ਐਤਵਾਰ ਦਾ ਐਪੀਸੋਡ ਦੇਖਣ ਤੋਂ ਬਾਅਦ ਹੀ ਪਤਾ ਲੱਗੇਗਾ। ਰਿਤੇਸ਼ ਜੋ ਬਿੱਗ ਬੌਸ ਵਿੱਚ ਆਉਣ ਤੋਂ ਪਹਿਲਾਂ ਇੱਕ ਕਾਲਪਨਿਕ ਨਾਮ ਸੀ। ਰਿਐਲਿਟੀ ਸ਼ੋਅਜ਼ ਨੇ ਉਸ ਨੂੰ ਪਛਾਣ ਦਿੱਤੀ ਹੈ। ਹੁਣ ਤੱਕ ਲੋਕ ਰਾਖੀ ਸਾਵੰਤ ਦੇ ਵਿਆਹ ਅਤੇ ਉਸ ਦੇ ਪਤੀ ਰਿਤੇਸ਼ ਨੂੰ ਇੱਕ ਭੁਲੇਖਾ, ਝੂਠ ਸਮਝਦੇ ਸਨ। ਪਰ ਹੁਣ ਸਭ ਨੂੰ ਪਤਾ ਲੱਗ ਗਿਆ ਹੈ ਕਿ ਰਾਖੀ ਦਾ ਪਤੀ ਹੈ। ਰਿਤੇਸ਼ ਦੇ ਬਿੱਗ ਬੌਸ ਦੇ ਸਫਰ ‘ਚ ਕਾਫੀ ਹੰਗਾਮਾ ਹੋਇਆ। ਰਾਖੀ ਨਾਲ ਉਸ ਦੇ ਵਿਵਹਾਰ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ।
