ਪੈਟਰੋਲ ਦੀਆਂ ਵਧਦੀਆਂ ਕੀਮਤਾਂ ਤੋਂ ਬਾਅਦ ਪੰਜਾਬ ਵਾਸੀਆਂ ਨੂੰ ਮਹਿੰਗਾਈ ਦਾ ਇੱਕ ਹੋਰ ਝਟਕਾ ਲੱਗਿਆ ਹੈ। 1 ਜੁਲਾਈ ਤੋਂ ਵੇਰਕਾ ਦਾ ਦੁੱਧ 2 ਰੁਪਏ ਪ੍ਰਤੀ ਲੀਟਰ ਮਹਿੰਗਾ ਹੋ ਜਾਵੇਗਾ। ਵੇਰਕਾ ਏਜੰਸੀ ਹਮੀਰਪੁਰ ਦੇ ਸੰਚਾਲਕ ਸੁਸ਼ੀਲ ਡੋਗਰਾ ਨੇ ਕਿਹਾ ਕਿ 1 ਜੁਲਾਈ ਤੋਂ ਵੇਰਕਾ ਦੁੱਧ ਦੀਆਂ ਕੀਮਤਾਂ ‘ਚ ਵਾਧਾ ਕੀਤਾ ਜਾਵੇਗਾ।
ਦਸ ਦਈਏ ਵੇਰਕਾ ਨੇ ਪੈਕਟਾਂ ਦੀ ਕੀਮਤ ਅੱਧਾ ਲੀਟਰ ਤੋਂ ਵਧਾ ਕੇ 6 ਲੀਟਰ ਕਰ ਦਿੱਤੀ ਹੈ। ਵੇਰਕਾ ਨੇ ਪੈਕਟਾਂ ‘ਤੇ 2 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ 1.5 ਲੀਟਰ ਤੱਕ ਕੀਤਾ ਹੈ। ਜਦੋਂ ਕਿ 6 ਲੀਟਰ ਦੇ ਪੈਕੇਟ ‘ਤੇ ਇਹ 2.5 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਹੋਇਆ ਹੈ। ਅੱਧਾ ਲੀਟਰ ਵਾਲਾ ਪੈਕੇਟ ਇਕ ਰੁਪਏ ਮਹਿੰਗਾ, ਇਕ ਲੀਟਰ ਦਾ ਪੈਕੇਟ ਦੋ ਰੁਪਏ ਮਹਿੰਗਾ ਅਤੇ ਡੇਢ ਲਿਟਰ ਪੈਕੇਟ ਤਿੰਨ ਰੁਪਏ ਮਹਿੰਗਾ ਹੋਵੇਗਾ। ਵੇਰਕਾ ਦਾ ਹਰਾ ਪੈਕੇਟ ਦੁੱਧ ਹੁਣ 52 ਰੁਪਏ ਪ੍ਰਤੀ ਕਿਲੋ, ਪੀਲਾ ਪੈਕੇਟ 42 ਰੁਪਏ ਪ੍ਰਤੀ ਕਿਲੋ ਤੇ ਓਰੈਂਜ ਪੈਕੇਟ ਦੁੱਧ ਹੁਣ 56 ਰੁਪਏ ਪ੍ਰਤੀ ਕਿਲੋ ਮਿਲੇਗਾ। 6 ਲੀਟਰ ਦੁੱਧ ਦਾ ਪੈਕੇਟ 15 ਰੁਪਏ ਮਹਿੰਗਾ ਹੋਵੇਗਾ।
