Home / ਪੰਜਾਬ / ਚੰਡੀਗੜ੍ਹ ਨੇੜੇ ਵਾਪਰਿਆ ਖਤਰਨਾਕ ਹਾਦਸਾ ਤਿੰਨ ਹਲਾਕ, ਕਈ ਜ਼ਖਮੀ

ਚੰਡੀਗੜ੍ਹ ਨੇੜੇ ਵਾਪਰਿਆ ਖਤਰਨਾਕ ਹਾਦਸਾ ਤਿੰਨ ਹਲਾਕ, ਕਈ ਜ਼ਖਮੀ

ਚੰਡੀਗੜ੍ਹ, (ਅਵਤਾਰ ਸਿੰਘ): ਚੰਡੀਗੜ੍ਹ ਤੋਂ ਕੁਝ ਹੀ ਕਿਲੋਮੀਟਰ ਦੂਰ ਜ਼ਿਲਾ ਮੋਹਾਲੀ ਅਧੀਨ ਪੈਂਦੇ ਡੇਰਾਬੱਸੀ ‘ਚ ਜ਼ਬਰਦਸਤ ਹਾਦਸਾ ਵਾਪਰ ਗਿਆ। ਇਹ ਹਾਦਸਾ ਇਕ ਤੇਲ ਟੈਂਕਰ ‘ਚ ਧਮਾਕਾ ਹੋਣ ਕਾਰਨ ਵਾਪਰਿਆ। ਇਸ ਵਿੱਚ ਤਿੰਨ ਵਿਅਕਤੀਆਂ ਦੇ ਹਲਾਕ ਹੋ ਜਾਣ ਬਾਰੇ ਪਤਾ ਲਗਾ ਹੈ। ਇਸ ਤੋਂ ਇਲਾਵਾ ਕਈ ਲੋਕਾਂ ਦੇ ਜ਼ਖ਼ਮੀ ਹੋਣ ਦੀ ਵੀ ਸੂਚਨਾ ਹੈ। ਹਾਦਸਾ ਵਾਪਰਨ ਤੋਂ ਬਾਅਦ ਪੂਰੇ ਇਲਾਕੇ ਵਿਚ ਭਾਜੜ ਪੈ ਗਈ। ਇਸ ਤੋਂ ਬਾਅਦ ਲੋਕਾਂ ‘ਚ ਇਸ ਘਟਨਾ ਨਾਲ ਦਹਿਸ਼ਤ ਮਾਹੌਲ ਬਣ ਗਿਆ। ਧਮਾਕੇ ਦੀ ਆਵਾਜ਼ ਨੇੜਲੇ ਪਿੰਡਾਂ ਵਿੱਚ ਦੂਰ ਦੂਰ ਤਕ ਸੁਣਾਈ ਦਿੱਤੀ। ਧਮਾਕਾ ਸਟੀਲ ਟੈਂਕਰ ‘ਚ ਹੋਇਆ। ਸੂਤਰਾਂ ਮੁਤਾਬਿਕ ਢਾਬੇ ਨੇੜੇ ਖੜ੍ਹੇ ਟੈਂਕਰ ‘ਚੋਂ ਤੇਲ ਚੋਰੀ ਕਰਦਿਆਂ ਹਾਦਸਾ ਵਾਪਰਿਆ। ਘਟਨਾ ਸਥਾਨ ਉਪਰ ਪਹੁੰਚ ਕੇ ਪੁਲਿਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਧਮਾਕੇ ਨਾਲ ਢਾਬੇ ਨੂੰ ਵੀ ਨੁਕਸਾਨ ਪਹੁੰਚਿਆ ਦੱਸਿਆ ਜਾਂਦਾ ਹੈ। ਹਾਦਸੇ ‘ਚ ਮਾਰੇ ਗਏ ਲੋਕਾਂ ਦੀ ਪਛਾਣ ਜਸਵਿੰਦਰ ਸਿੰਘ, ਬਬਲੂ ਅਤੇ ਵਿਕਰਮ ਵਜੋਂ ਹੋਈ ਹੈ। ਮ੍ਰਿਤਕਾਂ ਦੀ ਉਮਰ 35, 20 ਅਤੇ 24 ਸਾਲ ਦੇ ਕਰੀਬ ਦੱਸੀ ਗਈ ਹੈ। ਇਹ ਧਮਾਕਾ ਡੇਰਾ ਬਸੀ ਤੋਂ ਥੋੜ੍ਹੀ ਦੂਰ ਮੁਬਾਰਕਪੁਰ ਨੇੜੇ ਪਿੰਡ ਸਰਸੇਨੀ ‘ਚ ਸੜਕ ਕਿਨਾਰੇ ਸਥਿਤ ਰਾਮਾ ਢਾਬੇ ਨੇੜੇ ਹੋਇਆ।

Check Also

ਕੇਂਦਰ ਸਰਕਾਰ ਵਲੋਂ ਸੜਕ ਸੁਰੱਖਿਆ ‘ਚ ਚੰਗੀ ਕਾਰਗੁਜ਼ਾਰੀ ਲਈ ਰਵੀ ਸਿੰਘ ਆਹਲੂਵਾਲੀਆ ਦਾ ਸਨਮਾਨ

ਚੰਡੀਗੜ੍ਹ: ਪਟਿਆਲਾ ਫਾਊਂਡੇਸ਼ਨ ਦੇ ਮੁੱਖ ਅਧਿਕਾਰੀ(ਚੀਫ ਫੰਕਸ਼ਨਰੀ) ਰਵੀ ਸਿੰਘ ਆਹਲੂਵਾਲੀਆ ਨੂੰ ਰੋਡ ਟਰਾਂਸਪੋਰਟ ਐਂਡ ਹਾਈਵੇਜ਼ …

Leave a Reply

Your email address will not be published. Required fields are marked *