Venezuelan blackout

ਇਸ ਦੇਸ਼ ‘ਚ 22 ਰਾਜਾਂ ਦੀ ਬੱਤੀ ਹੋਈ ਗੁੱਲ, ਹਜ਼ਾਰਾਂ ਦੀ ਵਿਕ ਰਹੀ ਬਰੈਡ ਤੇ 80 ਹਜ਼ਾਰ ਰੁਪਏ ਲੀਟਰ ਦੁੱਧ

ਕਰਾਕਸ: ਵੈਨੇਜ਼ੁਏਲਾ ਦੇ ਹਾਲਾਤ ਦਿਨੋਂ-ਦਿਨ ਵਿਗੜਦੇ ਜਾ ਰਹੇ ਹਨ ਅਮਰੀਕੀ ਪ੍ਰਤਿਬੰਧਾਂ ਤੋਂ ਬਾਅਦ ਇਸ ਦੇਸ਼ ਦੀ ਸਥਿਤੀ ਭਿਆਨਕ ਹੁੰਦੀ ਜਾ ਰਹੀ ਹੈ। ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਲੰਬੇ ਸਮੇਂ ਤੋਂ ਬਿਜਲੀ ਨਹੀਂ ਹੈ ਤੇ ਕਈ ਇਲਾਕੇ ਹਨੇਰੇ ਵਿੱਚ ਡੁੱਬੇ ਹੋਏ ਹਨ। ਇੱਕ ਐੱਨਜੀਓ ਨੇ ਸ਼ਨੀਵਾਰ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕਿਡਨੀ ਦੇ ਰੋਗ ਨਾਲ ਪੀੜਤ 15 ਮਰੀਜਾਂ ਦੀ ਇਲਾਜ ਨਾ ਮਿਲਣ ਕਾਰਨ ਮੌਤ ਹੋ ਗਈ ਹੈ। ਉਨ੍ਹਾਂ ਨੂੰ ਡਾਇਲਾਇਸਸ ਦੀ ਜ਼ਰੂਰਤ ਸੀ ਪਰ ਬਿਜਲੀ ਨਾ ਹੋਣ ਕਾਰਨ ਉਨ੍ਹਾਂ ਨੂੰ ਡਾਇਲਾਇਸਸ ਨਹੀਂ ਮਿਲ ਸਕਿਆ। ਐੱਨਜੀਓ ਦੀ ਡਾਇਰੈਕਟਰ ਫਰਾਂਸਿਸਕੋ ਵੈਲੇਂਸਿਆ ਦੇ ਅਨੁਸਾਰ ਸ਼ੁੱਕਰਵਾਰ ਤੇ ਸ਼ਨੀਵਾਰ ਦੋ ਹੀ ਦਿਨ ਵਿੱਚ ਇਨ੍ਹਾਂ ਮਰੀਜਾਂ ਦੀ ਮੌਤ ਹੋਈ ਹੈ।
Venezuelan blackout
ਵੈਲੇਂਸਿਆ ਨੇ ਦੱਸਿਆ ਕਿ ਕਿਡਨੀ ਦੇ ਮਰੀਜਾਂ ਦੀ ਹਾਲਤ ਬਹੁਤ ਮਾੜੀ ਹੈ। ਇੱਥੇ 95 ਫੀਸਦੀ ਡਾਇਲਾਇਸਸ ਸੈਂਟਰ ਬਿਜਲੀ ਨਾ ਹੋਣ ਦੀ ਵਜ੍ਹਾ ਕਾਰਨ ਬੰਦ ਪਏ ਹਨ, ਹਾਲਾਤ ਨਹੀਂ ਸੁਧਰੇ ਤਾਂ 100 ਫ਼ੀਸਦੀ ਡਾਇਲਾਇਸਸ ਸੈਂਟਰ ਬੰਦ ਹੋ ਜਾਣਗੇ ਅਜਿਹੇ ਵਿੱਚ ਕਿਡਨੀ ਦੇ ਮਰੀਜਾਂ ਲਈ ਹਾਲਾਤ ਹੋਰ ਵੀ ਖ਼ਰਾਬ ਹੋ ਸਕਦੇ ਹਨ।
Venezuelan blackout
ਉਨ੍ਹਾਂ ਨੇ ਚਿਤਾਵਨੀ ਦਿੰਦੇ ਹੋਏ ਦੱਸਿਆ ਕਿ ਦੇਸ਼ ਭਰ ਵਿੱਚ ਹੋਏ ਇਸ ਬਲੈਕਆਉਟ ਦੇ ਚਲਦੇ ਡਾਇਲਾਇਸਸ ਦੇ ਸਹਾਰੇ ਜੀਅ ਰਹੇ 10 ਹਜ਼ਾਰ ਤੋਂ ਜ਼ਿਆਦਾ ਲੋਕਾਂ ਦੀ ਜਾਨ ਖਤਰੇ ਵਿੱਚ ਪੈ ਜਾਵੇਗੀ। ਦੱਸ ਦੇਈਏ ਕਿ ਵੈਨੇਜ਼ੁਏਲਾ ‘ਚ ਵੀਰਵਾਰ ਦੁਪਹਿਰ ਤੋਂ ਹੀ ਬਿਜਲੀ ਦੀ ਵੱਡੀ ਕਿੱਲਤ ਹੈ। ਦੇਸ਼ ਦੇ ਜਿਆਦਾਤਰ ਹਿੱਸੇ ਹਨੇਰੇ ਵਿੱਚ ਡੂਬੇ ਹਨ ਅਤੇ ਇਹ ਦੇਸ਼ ਦੇ ਇਤਹਾਸ ਦਾ ਸਭ ਤੋਂ ਭਿਆਨਕ ਬਲੈਕਆਉਟ ਦੇ ਦੌਰ ਤੋਂ ਗੁਜ਼ਰ ਰਿਹਾ ਹੈ। ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਨੇ ਦੇਸ਼ ਦੇ ਇਸ ਬਲੈਕਆਉਟ ਲਈ ਵੀ ਅਮਰੀਕਾ ਨੂੰ ਜ਼ਿੰਮੇਦਾਰ ਠਹਿਰਾਇਆ ਹੈ।
Venezuelan blackout
ਇੱਥੇ ਮਹਿੰਗਾਈ ਅਸਮਾਨ ਛੂ ਰਹੀ ਹੈ ਤੇ ਹਾਲਾਤ ਇਹ ਹਨ ਕਿ ਇੱਥੇ ਇੱਕ ਬਰੈਡ ਦੀ ਕੀਮਤ ਹਜ਼ਾਰਾਂ ਰੁਪਏ ਦੀ ਹੋ ਗਈ ਹੈ। ਇੱਕ ਕਿੱਲੋ ਮੀਟ ਲਈ 3 ਲੱਖ ਰੁਪਏ ਅਤੇ ਇੱਕ ਲਿਟਰ ਦੁੱਧ ਲਈ 80 ਹਜ਼ਾਰ ਰੁਪਏ ਤੱਕ ਖਰਚ ਕਰਨੇ ਪੈ ਰਹੇ ਹਨ। ਇਥੋਂ ਦੀ ਸਰਕਾਰ ਨੇ ਦੁਨੀਆ ਭਰ ਦੇ ਦੇਸ਼ਾਂ ਤੋਂ ਗੁਹਾਰ ਲਗਾਈ ਹੈ ਕਿ ਉਹ ਇਥੋਂ ਦੇ ਹਾਲਾਤ ਸੁਧਾਰਣ ਵਿੱਚ ਉਨ੍ਹਾਂ ਦੀ ਮਦਦ ਕਰਨ।
Venezuelan blackout
ਉਥੇ ਹੀ ਕੋਲੰਬੀਆ ਦਾ ਕਹਿਣਾ ਹੈ ਕਿ ਕੁਝ ਦਿਨਾਂ ਵਿੱਚ ਵੈਨੇਜ਼ੁਏਲਾ ਦੇ ਲਗਭਗ 10 ਲੱਖ ਲੋਕ ਇੱਥੇ ਆ ਕੇ ਸ਼ਰਣ ਲੈ ਚੁੱਕੇ ਹਨ ਜਿਸਦੇ ਚਲਦੇ ਉਨ੍ਹਾਂ ‘ਤੇ ਦਬਾਅ ਬਣ ਰਿਹਾ ਹੈ। ਇੱਥੇ ਮਹਿੰਗਾਈ ਦਰ 10 ਲੱਖ ਫ਼ੀਸਦੀ ਤੱਕ ਪਹੁੰਚ ਚੁੱਕੀ ਹੈ। ਵੈਨਜ਼ੂਏਲਾ ਵਿੱਚ ਇੱਕ ਕਪ ਕਾਫ਼ੀ ਦੀ ਕੀਮਤ 2000 ਬੋਲਿਵਰ ਹੈ। ਵੈਨੇਜ਼ੁਏਲਾ ਸਰਕਾਰ ਦਿਨ ਰਾਤ ਨੋਟ ਛਾਪ ਰਹੀ ਹੈ ਤਾਂਕਿ ਬਜਟ ਪੂਰਾ ਕੀਤਾ ਜਾ ਸਕੇ ਪਰ ਇਨ੍ਹਾਂ ਸਭ ਦੇ ਕਾਰਨ ਹਾਲਾਤ ਵਿਗੜ ਗਏ ਹਨ।
Venezuelan blackout

Check Also

ਸਿਨਸਿਨਾਟੀ ਦੇ 5ਵੇਂ ਸਲਾਨਾ ਵਿਸ਼ਵ ਧਰਮ ਸੰਮੇਲਨ ‘ਚ ਸਿੱਖਾਂ ਨੇ ਕੀਤੀ ਸ਼ਮੂਲੀਅਤ

ਸਿਨਸਿਨਾਟੀ, ਓਹਾਇਓ (ਸਮੀਪ ਸਿੰਘ ਗੁਮਟਾਲਾ): ਬੀਤੇ ਦਿਨੀ ਅਮਰੀਕਾ ਦੇ ਸੂਬੇ ਓਹਾਈਓ ਦੇ ਸ਼ਹਿਰ ਸਿਨਸਿਨਾਟੀ ਦੀ …

Leave a Reply

Your email address will not be published.