ਅੰਮ੍ਰਿਤਸਰ: ਸ੍ਰੀ ਦਰਬਾਰ ਸਾਹਿਬ ਦੇ ਸੇਵਾਦਾਰ ਵੱਲੋਂ ਮੂੰਹ ‘ਤੇ ਤਿਰੰਗਾ ਪੇਟ ਹੋਣ ਕਰਕੇ ਅੰਦਰ ਨਾ ਜਾਣ ਦਾ ਇਲਜ਼ਾਮ ਲਗਾਉਣ ਵਾਲੀ ਕੁੜੀ ਕੈਮਰੇ ਅੱਗੇ ਆਈ ਹੈ। ਕੁੜੀ ਨੇ ਮੁਆਫੀ ਮੰਗ ਦੇ ਹੋਏ ਕਿਹਾ ਕਿ ‘ਸਾਡੇ ਵੱਲੋਂ ਕੋਈ ਵੀ ਅਜਿਹੀ ਗਲਤੀ ਹੋ ਗਈ ਹੋਵੇ ਜਾਂ ਫਿਰ ਕੋਈ ਗਲਤ ਸ਼ਬਦ ਬੋਲੇ ਗਏ ਹੋਣ ਜਿਸ ਨਾਲ ਕਿਸੇ ਦੇ ਦਿਲ ਨੂੰ ਤਕਲੀਫ ਪਹੁੰਚੀ ਹੋਵੇ ਤਾਂ ਅਸੀਂ ਇਸ ਦੇ ਲਈ ਮੁਆਫੀ ਮੰਗ ਦੇ ਹਾਂ ਮੈਂ ਐਨੀ ਵੱਡੀ ਨਹੀਂ ਕਿ ਤੁਸੀਂ ਮੇਰੇ ਤੋਂ ਮੁਆਫੀ ਮੰਗੋ ਮੈਂ ਤੁਹਾਡੇ ਤੋਂ ਮੁਆਫੀ ਮੰਗ ਦੀ ਹਾਂ।’
ਉਧਰ ਇਸ ਤੋਂ ਪਹਿਲਾਂ ਕੁੜੀ ਦੇ ਪਿਤਾ ਵੀ ਮੀਡੀਆ ਦੇ ਸਾਹਮਣੇ ਆਏ ਸਨ। ਕੁੜੀ ਦੇ ਪਿਤਾ ਰਾਜੀਵ ਮਹਿਤਾ ਨੇ ਕਿਹਾ ਤਾੜੀ ਇੱਕ ਹੱਥ ਨਾਲ ਨਹੀਂ ਵੱਜਦੀ ਹੈ ਕੁਝ ਸਾਡਾ ਅਤੇ ਕੁਝ ਸੇਵਾਦਾਰ ਦਾ ਕਸੂਰ ਸੀ, ਮੇਰੀ ਧੀ ਵੱਲੋਂ ਸੇਵਾਦਾਰ ਨੂੰ ਬਕਵਾਸ ਕਹਿਣ ‘ਤੇ ਮੈਂ ਮੁਆਫੀ ਮੰਗ ਦਾ ਹਾਂ।’ ਉਸਨੇ ਅੱਗੇ ਕਿਹਾ ਕਿਹਾ ਕਿ ‘ਦਰਬਾਰ ਸਾਹਿਬ ਪ੍ਰਤੀ ਮੇਰੀ ਬਹੁਤ ਆਸਥਾ ਹੈ। ਮੈਂ ਗੁਰੂ ਮਹਾਰਾਜ ਤੋਂ ਮੁਆਫੀ ਮੰਗਾਂਗਾਤੇ ਵਿਵਾਦ ਉਸੇ ਵੇਲੇ ਹੀ ਖਤਮ ਹੋ ਗਿਆ ਸੀ ਜਦੋਂ ਕਮੇਟੀ ਦੇ ਮੈਂਬਰ ਨੇ ਸਾਡੇ ਨਾਲ ਆਕੇ ਬਹੁਤ ਹੀ ਪਿਆਰ ਨਾਲ ਗੱਲ ਕੀਤੀ। ਰਾਜੀਵ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਕੋਈ ਵੀ ਅਜਿਹਾ ਕਮੈਂਟ ਨਾ ਕਰਨ ਜਿਸ ਨਾਲ ਹਿੰਦੂ-ਸਿੱਖ ਏਕਤਾ ਵਿੱਚ ਪਾੜ ਪਵੇ। ਇਸ ਮਸਲੇ ਨੂੰ ਧਰਮ ਦਾ ਮਾਮਲਾ ਨਾ ਬਣਾਇਆ ਜਾਵੇ। ਅਸੀਂ ਸੱਚੀ ਸ਼ਰਧਾ ਦੇ ਨਾਲ ਗਏ ਸੀ। ਲੋਕਾਂ ਨੂੰ ਮੇਰੀ ਬੇਟੀ ਦੇ ਮੂੰਹ ਉੱਤੇ ਲੱਗਾ ਤਿਰੰਗਾ ਨਜ਼ਰ ਆ ਗਿਆ, ਉਸ ਦੇ ਛੋਟੇ ਕੱਪੜੇ ਨਜ਼ਰ ਆ ਗਏ ਪਰ ਉਸ ਨੇ ਸਿਰ ਉੱਤੇ ਜੋ ਨਿਸ਼ਾਨ ਸਾਹਿਬ ਵਾਲਾ ਰੁਮਾਲਾ ਬੰਨਿਆ ਹੋਇਆ ਸੀ, ਉਹ ਕਿਸੇ ਨੂੰ ਨਹੀਂ ਨਜ਼ਰ ਆਇਆ, ਇਸ ਗੱਲ ਦਾ ਮੈਨੂੰ ਬਹੁਤ ਦੁੱਖ ਹੋਇਆ।’
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
