ਨਿਊਜ਼ ਡੈਸਕ: ਈਰਾਨ ‘ਚ ਮਹਸਾ ਅਮੀਨੀ ਦੀ ਮੌਤ ਤੋਂ ਬਾਅਦ ਹਿਜਾਬ ਦੇ ਖਿਲਾਫ ਪ੍ਰਦਰਸ਼ਨ ਜਾਰੀ ਹਨ। ਹੁਣ ਦੁਨੀਆਂ ਭਰ ਦੀਆਂ ਵੱਡੀਆਂ ਸ਼ਖ਼ਸੀਅਤਾਂ ਇਸ ਅੰਦੋਲਨ ਦਾ ਕਿਸੇ ਨਾ ਕਿਸੇ ਰੂਪ ਵਿੱਚ ਸਮਰਥਨ ਕਰ ਰਹੀਆਂ ਹਨ। ਇਸ ਤਹਿਤ ‘ਸੈਕਰਡ ਗੇਮਜ਼’ ਵੈੱਬ ਸੀਰੀਜ਼ ‘ਚ ਨਜ਼ਰ ਆਈ ਅਭਿਨੇਤਰੀ ਏਲਨਾਜ਼ ਨੌਰੋਜ਼ੀ ਨੇ ਵੀ ਹਿਜਾਬ ਅੰਦੋਲਨ ਦੇ ਸਮਰਥਨ ‘ਚ ਆਪਣੇ ਇੰਸਟਾਗ੍ਰਾਮ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਸ ਨੇ ਜਨਤਕ ਤੌਰ ‘ਤੇ ਆਪਣਾ ਬੁਰਕਾ ਉਤਾਰਿਆ ਹੈ।
ਵੀਡੀਓ ‘ਚ ਈਰਾਨੀ ਅਭਿਨੇਤਰੀ ਨੂੰ ਆਪਣਾ ਹਿਜਾਬ ਅਤੇ ਬੁਰਕਾ ਉਤਾਰਦੇ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਬਾਅਦ ਉਹ ਆਪਣੇ ਸਾਰੇ ਕੱਪੜੇ ਉਤਾਰ ਦਿੰਦੀ ਹੈ। ਉਸ ਨੇ ਵੀਡੀਓ ਦੇ ਕੈਪਸ਼ਨ ‘ਚ ਲਿਖਿਆ, ‘ਹਰ ਔਰਤ ਨੂੰ, ਦੁਨੀਆ ‘ਚ ਕਿਤੇ ਵੀ, ਚਾਹੇ ਉਹ ਕਿਥੋਂ ਦੀ ਵੀ ਹੋਵੇ, ਉਸ ਨੂੰ ਇਹ ਅਧਿਕਾਰ ਹੋਣਾ ਚਾਹੀਦਾ ਹੈ ਕਿ ਉਹ ਜੋ ਵੀ ਚਾਹੇ, ਜਦੋਂ ਵੀ ਅਤੇ ਜਿੱਥੇ ਚਾਹੇ ਪਹਿਨੇ। ਕਿਸੇ ਵੀ ਮਰਦ ਜਾਂ ਕਿਸੇ ਹੋਰ ਔਰਤ ਨੂੰ ਉਸਦਾ ਨਿਰਣਾ ਕਰਨ ਜਾਂ ਉਸਨੂੰ ਹੋਰ ਕੱਪੜੇ ਪਾਉਣ ਲਈ ਕਹਿਣ ਦਾ ਅਧਿਕਾਰ ਨਹੀਂ ਹੈ।’
ਏਲਨਾਜ਼ ਨੋਰੋਜੀ ਨੇ ਲਿਖਿਆ, ‘ਹਰ ਕਿਸੇ ਦੇ ਆਪਣੇ ਵੱਖਰੇ ਵਿਚਾਰ ਅਤੇ ਵਿਸ਼ਵਾਸ ਹੁੰਦੇ ਹਨ ਅਤੇ ਉਨ੍ਹਾਂ ਦਾ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ। ਲੋਕਤੰਤਰ ਦਾ ਅਰਥ ਹੈ ਫੈਸਲੇ ਲੈਣ ਦੀ ਸ਼ਕਤੀ। ਹਰ ਔਰਤ ਨੂੰ ਆਪਣੇ ਸਰੀਰ ਬਾਰੇ ਫੈਸਲਾ ਕਰਨ ਦੀ ਸ਼ਕਤੀ ਹੋਣੀ ਚਾਹੀਦੀ ਹੈ। ਮੈਂ ਨਗਨਤਾ ਨੂੰ ਉਤਸ਼ਾਹਿਤ ਨਹੀਂ ਕਰ ਰਹੀ, ਮੈਂ ‘ਆਪਣੀ ਪਸੰਦ ਦੀ ਆਜ਼ਾਦੀ’ ਦਾ ਸਮਰਥਨ ਕਰ ਰਹੀ ਹਾਂ। ਸਤੰਬਰ ਤੋਂ ਚੱਲ ਰਹੇ ਵਿਰੋਧ ਪ੍ਰਦਰਸ਼ਨਾਂ ਵਿੱਚ ਔਰਤਾਂ ਨੂੰ ਆਪਣੇ ਵਾਲ ਕੱਟਦੇ ਅਤੇ ਹਿਜਾਬ ਸਾੜਦੇ ਵੀ ਦੇਖਿਆ ਗਿਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
