ਲੁਧਿਆਣਾ: ਲੁਧਿਆਣਾ ਲੁੱਟ ਮਾਮਲੇ ਵਿੱਚ ਪੁਲਿਸ ਵਲੋਂ ਵੱਡੇ ਖੁਲਾਸੇ ਕੀਤੇ ਗਏ ਹਨ। ਲੁਧਿਆਣਾ ਦੇ ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਜਿਹੜੇ ਅੱਜ ਦੋ ਮੁਲਜ਼ਮਾਂ ਤੋਂ ਪੈਸੇ ਬਰਾਮਦ ਕੀਤੇ ਗਏ ਹਨ। ਗ੍ਰਿਫਤਾਰ ਮਾਸਟਰਮਾਈਂਡ ਮਨਜਿੰਦਰ ਉਰਫ ਮਨੀ ਨੇ ਪਿੰਡ ਅੱਬੂਵਾਲ ਸਥਿਤ ਆਪਣੇ ਘਰ ਦੇ ਸੈਪਟਿਕ ਟੈਂਕ ਵਿੱਚ 50 ਲੱਖ ਰੁਪਏ ਲੁਕਾਏ ਹੋਏ ਸਨ। ਉਸ ਨੇ ਇਹਨਾਂ ਪੈਸੇ ਨੂੰ ਇੱਟਾਂ ਨਾਲ ਬੰਨ੍ਹ ਕੇ ਟੈਂਕੀ ਵਿੱਚ ਪਾ ਦਿੱਤਾ।
ਇਸ ਗੱਲ ਦਾ ਖੁਲਾਸਾ ਉਸ ਕੋਲੋਂ ਪੁੱਛਗਿੱਛ ਦੌਰਾਨ ਹੋਇਆ। ਜਿਸ ਤੋਂ ਬਾਅਦ ਪੁਲਿਸ ਉਸ ਦੇ ਘਰ ਪਹੁੰਚੀ ਅਤੇ ਸੀਵਰੇਜ ‘ਚੋਂ 50 ਲੱਖ ਰੁਪਏ ਕੱਢਵਾ ਲਏ। ਇਸ ਵਿੱਚ 500 ਦੇ ਨੋਟਾਂ ਦੇ ਬੰਡਲ ਸਨ। ਪੁਲਿਸ ਹੁਣ ਤੱਕ ਮਨਜਿੰਦਰ ਕੋਲੋਂ 1 ਕਰੋੜ 50 ਲੱਖ ਰੁਪਏ ਬਰਾਮਦ ਕਰ ਚੁੱਕੀ ਹੈ।
ਇਸ ਦੇ ਨਾਲ ਹੀ ਪੁਲਿਸ ਨੇ ਇਸ ਮਾਮਲੇ ਵਿੱਚ ਇੱਕ ਹੋਰ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਦੋਸ਼ੀ ਨਰਿੰਦਰ ਸਿੰਘ ਉਰਫ ਹੈਪੀ ਨੂੰ ਕੋਠੇ ਹਰੀ ਸਿੰਘ, ਅਗਲਾੜ ਲੋਪੇ ਕਲਾਂ ਜਗਰਾਉਂ ਤੋਂ ਗ੍ਰਿਫਤਾਰ ਕੀਤਾ ਗਿਆ। ਪੁਲੀਸ ਨੇ ਨਰਿੰਦਰ ਸਿੰਘ ਕੋਲੋਂ ਲੁੱਟੇ 25 ਲੱਖ ਰੁਪਏ ਬਰਾਮਦ ਕਰ ਲਏ ਹਨ।
ਪੁਲਿਸ ਨੇ ਦੱਸਿਆ ਕਿ ਚੋਰੀ ਨੂੰ ਅੰਜਾਮ ਦੇਣ ਵਾਲੇ ਹੁਣ ਤੱਕ 6 ਜਣੇ ਗ੍ਰਿਫ਼ਤਾਰ ਹੋ ਗਏ ਹਨ ਅਤੇ ਬਾਕੀ ਚਾਰ ਲੁਟੇਰੇ ਹਾਲੇ ਵੀ ਫਰਾਰ ਹੈ। ਇਹਨਾਂ ਵਿੱਚ ਚੋਰੀ ਦੀ ਮੁੱਖ ਸਾਜਿਸ਼ਕਰਤਾ ਮੋਨਾ ਵੀ ਸ਼ਾਮਲ ਹੈ। ਪੁਲਿਸ ਨੂੰ ਇਹਨਾਂ ਚਾਰਾਂ ਲੁਟੇਰਿਆਂ ਦੇ ਦੱਖਣ ਭਾਰਤ ਵਿੱਚ ਲੁਕੇ ਹੋਣ ਦੇ ਇਨਪੁੱਟ ਵੀ ਮਿਲੇ ਹਨ। ਪੁਲਿਸ ਕਮਿਸ਼ਨਰ ਮਨਦੀਪ ਸਿੰਘ ਸਿੱਧੂ ਨੇ ਦੱਸਿਆ ਕਿ ਸਾਡੀਆਂ 5 ਟੀਮਾਂ ਪੰਜਾਬ ਤੋਂ ਬਾਹਰ ਚਲੇ ਗਈਆਂ ਹਨ। ਇਸ ਤੋਂ ਪਹਿਲਾਂ ਰਾਜਸਥਾਨ, ਹਰਿਆਣਾ ਅਤੇ ਹਿਮਾਚਲ ਵਿੱਚ ਵੀ ਛਾਪੇਮਾਰੀ ਕੀਤੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
